Y rije' xebison, xe'oq' y xemewayin chijun ri q'ij ri' k'a toq xokoq'a' na qa, roma ri rukamik ri Saúl y ri Jonatán y roma konojel ri aj-labal israelita y ri ch'aqa' chik kiwinaq ri xekamisex chi espada.
Y toq ri David xrak'axaj ri', xpe k'a jun nimalej q'axo'n pa ránima. Xjote' k'a el chupan ri jay ri k'o pa ruwi' ri okibel richin ri tinamit. Y rokik jotol-el janila k'a noq' y nubij: ¡Nuk'ajol Absalón, nuk'ajol, nuk'ajol Absalón, k'ate' ta yin xiken pan ak'exel rat nuk'ajol!, xcha'.
K'ari' ri David xuteq kikamisaxik ri ka'i' achi'a' ri'. Xtzak'ix k'a ri kiq'a', ri kaqen y ri kich'akul xbetzeqebex kan chuxikin ri yakbel-ya' richin Hebrón. Chuqa' ri rujolon ri Is-bóset xbek'amer-pe richin xbekimuqu' kan junan rik'in ri Abner chiri' pan Hebrón.
Wi ta kan xinben keri', kan mak ta chuqa' ri xinben y k'o chi xq'at ta tzij pa nuwi'; roma rik'in jun banobel keri', kan xink'ut ta chi maneq jun nimalej Dios ri k'o pa ruwi' ronojel.
Toq rat natz'et chi ri wineq ri netzelan awichin, nitzaq, man kakikot chirij; chuqa' man katze'en ri pan awánima, roma rija' nitzaqilan rik'in ri ruk'aslen.