2 Sam 3:30 - Kaqchiquel Bible

³⁰ Keri' xubij ri David roma ri Joab y ri Abisai xkikamisaj ri Abner, stape' ri Abner xa pan oyowal xukamisaj ri Asael ri kach'alal, ri chiri' pa Gabaón.

2 Sam 3:30 ပူးပေါင်းရင်းမြစ်များ

Hechos 28:4

Toq ri winaqi' ri aj chiri' xkitz'et chi ri kumetz tzeqel chirij ruq'a' ri Pablo, nikibila' k'a chikiwech: La' kan niq'alajin chi jun kamisanel achin, roma stape' xkolotej chuwech ri ya', ja la kumetz k'a xtikamisan-el richin wakami. Kan k'o k'a chi nutoj ri etzelal rubanon, yecha' k'a ri winaqi' ri'.

Wuj Richin Etamabel-Tzij 28:17

Ri wineq ri k'o kamik rubanon chikikojol ri ruwinaq, stape' nanimajilan y nrewala-ri' chupan chijun ruk'aslen keri' niken-el; kan man jun k'a xtiq'aton richin.

2 Sam 20:8

Y toq rije' xe'apon chunaqaj ri nimalej abej ri k'o pa Gabaón, jari' toq xbek'ulun-pe ri Amasá chikiwech. Ri Joab ruwiqon-el-ri' rik'in ri rutziaq richin oyowal, y chuqa' rukusan jun ximibel-rupan, y chirij ri' ruya'on-el jun ti ko'ol rukamisabal ri k'o pa ruk'ojelibal. Rokik beneq-apo rik'in ri Amasá, jari' toq xtzaq-el ri kamisabel ri'.

Wuj Richin ri Q'axanri'il 35:19

Ri rach'alal ri k'o más naqaj chire ri xkamisex, jari' ri xtiya'on ruk'exel chire ri kamisanel. Toq xtril kan xtukamisaj k'a.