2 Sam 3:27 - Kaqchiquel Bible

²⁷ Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

2 Sam 3:27 ပူးပေါင်းရင်းမြစ်များ

2 Sam 13:26

K'ari' ri Absalón xubij chi wi rija' man nitikir ta nibe, stape' xaxe k'a ri Amnón ri runimal ri nibe rik'in. Y ri rey xuk'utuj chire achike roma nrajo' chi nibe ri Amnón rik'in.

2 Sam 19:13

Keri' chuqa' tibij chire ri Amasá chi roma rija' kan jun chike ri wach'alal, roma ri' ninya' nutzij chuwech ri Dios chi kan xtinben chire chi ja rija' xtok aj-raqen pa kiwi' ri aj-labal, pa ruk'exel ri Joab, xcha'.

2 Sam 3:26

Y xaxe k'a xubij kan keri', ri Joab xel-pe rik'in ri rey, y xeruteq-el ri rusamajela' chirij ri Abner. Y xbekiq'i' k'a rik'in ri pozo richin ri Sira y xkiben chire chi xtzolin pan Hebrón. Y ri David man xunabej ta ri'.

2 Sam 3:28

Jak'a toq ri David xunabej ri xuben ri Joab, xubij chi rija' y ri ruq'atbal-tzij kan maneq kimak chuwech ri Jehová, roma ri rukamik ri Abner.

2 Sam 4:1

Toq ri Is-bóset xrak'axaj chi ri Abner xkamisex kan pan Hebrón, xk'is ronojel ruchuq'a'. Y konojel ri ek'o pan Israel janila xkixibij-ki'.

1 Rey 2:32

Kan ja ri Jehová xtiya'on ruk'ayewal pa ruwi' ri Joab roma xerukamisaj chi espada ri Abner, ruk'ajol ri Ner, y ri Amasá, ruk'ajol ri Jéter, y rije' kan más k'a e utz chuwech rija'. Jak'a ri nata' kan man xretamaj ta toq ri Joab xerukamisaj ri e ka'i' achi'a' ri': ri Abner, aj-raqen kichin ri aj-labal richin ri Israel, y ri Amasá, aj-raqen pa kiwi' ri aj-labal richin ri Judá.

1 Rey 2:5

Rat awetaman chik ri xuben ri Joab chuwe ri ral ri Seruiá. Ri richin chi xuben ruk'exel chike ri kamik ri xkiben ri Abner ruk'ajol ri Ner, y ri Amasá ruk'ajol ri Jéter, ri e aj-raqen pa kiwi' ri aj-labal, kan xerukamisaj. Y re' xuben ri Joab stape' k'o uxlanibel-k'u'x. Y roma ri' man xaxe ta k'a rija' xutz'ilobisaj-ri' rik'in kik', xa kan xuben chuqa' chi xel itzel nutzijol.

1 Crón 27:21

richin ri nik'aj chik tzobaj Manasés ri ek'o pa Galaad ja ri Idó, ruk'ajol ri Zacarías; richin ri Benjamín ja ri Jaasiel, ruk'ajol ri Abner;

Wuj Richin Etamabel-Tzij 26:26

Ka'i' rupalej nuben, roma stape' kan man nuk'ut ta ri etzelal ri k'o pa ránima; jak'a ri etzelal ri xtuben chawe, jari' ri xtiq'alajirisan chikiwech ri winaqi'.

Wuj Richin ri Jeremías 41:2

ri Ismael y ri e lajuj achi'a' ri e rachibilan-el, xeyakatej y xkikamisaj k'a chi espada ri Guedalías. Y keri' xkikamisaj ri q'atoy-tzij pa ruwi' ri Judá, ri rucha'on kan ri rey richin Babilonia.

Wuj Richin ri Q'axanri'il 35:19

Ri rach'alal ri k'o más naqaj chire ri xkamisex, jari' ri xtiya'on ruk'exel chire ri kamisanel. Toq xtril kan xtukamisaj k'a.

Wuj Richin ri Q'axanri'il 35:20

Chuqa' wi k'o ta jun wineq nunim jun chik wineq, roma xa itzel nuna' chire, o wi k'o ta jun xuk'eq chirij y xa pa rubanik xuben chire y kan xken,