2 Sam 3:25 - Kaqchiquel Bible

²⁵ Man awetaman ta k'a chi ri Abner xpe awik'in xaxe richin yaruq'ol y richin yatorunachaj toq yatel y yatok, y richin nretamaj ronojel ri achike naben, xcha'.

2 Sam 3:25 ပူးပေါင်းရင်းမြစ်များ

Wuj Richin ri Isaías 37:28

Jak'a yin kan jebel wetaman toq rat yayakatej-el, toq yatok-pe y toq yatel-el. Chuqa' wetaman jebel toq awoyowal chuwe yin.

Deut 28:6

Ri Jehová kan xtuben chi xtipe k'a urtisanik pan iwi', rik'in ronojel ri ye'iben.

Romanos 2:1

Roma ri' kan man yixtikir ta nibij chi maneq imak, roma xa yixch'on chikij ch'aqa' chik winaqi' y nibij chi man utz ta ri kibanobal ri yebanon mak ri keri'. Jak'a rix xa kan keri' chuqa' niben, y roma ri' xa iyon niya-iwi' pa k'ayew.

San Juan 7:47

K'ari' ri fariseo xkibij chike ri chajinela': ¿Rix chuqa' xixq'olotej-pe?

San Juan 7:12

Y chikikojol ri winaqi' chupan ri nimaq'ij ri', k'iy k'a ri nibitej chirij ri Jesús. Ek'o la' nikibij chi ri nuq'alajirisaj ri Jesús utz. Ek'o la' xa nikibila' chi ri Jesús xa yeruq'ol ri winaqi'.

Wuj Richin Bix Chire ri Dios 121:8

Ri Jehová k'o awik'in toq yatel-el y toq yatzolin. Keri' nuben re wakami y keri' tibe-q'ij tibe-seq.

2 Rey 18:32

K'ari' rija' xkixruk'uaj-el pa jun chik ruwach'ulew ri junan rik'in ri iruwach'ulew rix. Y chiri' xkixtikir xtitik-qa jalajoj ruwech ixin y ri uva. Chiri' xtiben kaxlan-wey y vino. Ri ruwach'ulew ri' xtuya' aceite richin olivo, kab ri nikiya' ri taq chikopi'. Y keri' rix man xkixken ta, jak'a xa kan xkixk'ase' kan. Jak'a man tiwak'axaj ri nubij ri Ezequías roma rija' xa yixruq'ol toq nubij chi ri Jehová xkixrukol.

2 Sam 10:3

ri e tata'al chikikojol ri amonita xkibij chire ri ki-rey: ¿Nanimaj rat chi ri rey David roma xuya' ruq'ij ri atata', roma ri' xeruteq-pe tata'al richin nokikuquba' kan ak'u'x? ¿Man e rutaqon ta kami pe xaxe richin noketamaj kan jebel re tinamit richin xqojkik'is?, xecha'.

2 Sam 3:27

Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

Wuj Richin ri Q'axanri'il 27:17

ri kan nitikir yeruk'uaj y yeruk'en-pe; ri kan nok jun uk'uey kichin, richin keri' man xtikiben ta achi'el jun tzobaj karne'l ri maneq kiyuq'unel, xcha'.

Wuj Richin ri Rutikeribel 42:16

Tibe k'a jun chiwe rix richin niberuk'ama' ri ichaq' y ri ch'aqa' chik xkixtz'ape' kan pa cárcel y rik'in ri' xtinwetamaj yin wi kan qitzij ri nibij chuwe. Y wi xa xitz'uk-tzij chinuwech, ninjikiba-nutzij chuwech ri rey chi rix xa kan ix nachanela-wi, xcha'.

Wuj Richin ri Rutikeribel 42:12

Jak'a rija' xuben chi man xunimaj ta y xubij chike: Ni, rix xa ix peteneq richin no'itz'eta' kan ri qaruwach'ulew wi k'o ruchuq'a' o maneq, xcha' chike.

Wuj Richin ri Rutikeribel 42:9

K'ari', rija' xoqaqa k'a chuk'u'x ri rachik' ri e rubanalon chikij rije', y rija' xubij k'a chike: Rix xa ix nachanela', xa ix peteneq xaxe richin no'itz'eta' kan achike rubanon ri qaruwach'ulew, wi k'o ruchuq'a' o maneq, xcha'.

2 Sam 3:24

K'ari' ri Joab xpe rik'in ri rey David y xubij chire: ¿Achike k'a re xaben-el rat? roma ri Abner xpe awik'in. ¿Y achike roma toq xaya' q'ij chire richin xtzolin na el?

2 Sam 3:26

Y xaxe k'a xubij kan keri', ri Joab xel-pe rik'in ri rey, y xeruteq-el ri rusamajela' chirij ri Abner. Y xbekiq'i' k'a rik'in ri pozo richin ri Sira y xkiben chire chi xtzolin pan Hebrón. Y ri David man xunabej ta ri'.