2 Sam 3:24 - Kaqchiquel Bible

²⁴ K'ari' ri Joab xpe rik'in ri rey David y xubij chire: ¿Achike k'a re xaben-el rat? roma ri Abner xpe awik'in. ¿Y achike roma toq xaya' q'ij chire richin xtzolin na el?

2 Sam 3:24 ပူးပေါင်းရင်းမြစ်များ

Wuj Richin ri Rutikeribel 12:18

K'ari' ri rey xuteq royoxik ri Abram y xubij chire: ¿Achike k'a roma kere' xaben chuwe? ¿Achike roma man xaq'alajirisaj ta chinuwech chi re ixoq re' awixjayil?

2 Sam 3:23

Y xtzijox k'a apo chire ri Joab chi ri Abner xapon rik'in ri David y chi ri David xuya-el q'ij richin chi xtzolin-el rik'in uxlanibel-k'u'x.

2 Sam 3:25

Man awetaman ta k'a chi ri Abner xpe awik'in xaxe richin yaruq'ol y richin yatorunachaj toq yatel y yatok, y richin nretamaj ronojel ri achike naben, xcha'.

2 Sam 3:39

Jak'a yin stape' qasan aceite pa nuwi' richin xinok rey, wakami ninna' chi xa man jun wuchuq'a' k'o, roma ri Joab y ri Abisai xa kan ik'owineq chik ruwi' kuchuq'a' chinuwech yin. Y roma ri' ninbij chi kan ja ta k'a ri Jehová xtiya'on rutojbalil chike roma ri itzel ri xkiben, xcha'.

2 Sam 3:8

Roma ri' ri Abner xyakatej royowal, y xubij chire: Rat nach'ob chi yin xa in achi'el jun tz'i', jun ri xa xpiskolin chiwij, richin xq'ax kik'in ri aj-Judá. Man keri' ta, roma yin janila in utz nubanon rik'in ronojel ri richin kan ri atata', kik'in ri e rach'alal y ri e rachibil kan. Pa ruwi' ri' rat man at nujachon ta pa ruq'a' ri David. Y wakami naq'abaj-pe chuwij richin ximakun rik'in ri jun ixoq ri'.

Wuj Richin ri Q'axanri'il 23:11

Kan jari' toq ri Balac xuch'ojij chire ri Balaam y xubij: ¿Achike k'a ri naben wik'in rat? Yin xatink'en-pe re wawe' richin nawoyoj itzel pa kiwi' ri etzelanel wichin y rat xa xaya' urtisanik pa kiwi', xcha'.

San Juan 18:35

Jari' k'a toq ri Pilato xubij chire ri Jesús: Yin kan man in judío ta. Ri xejacho awichin pa nuq'a' ja ri awinaq y ri aj-raqen kichin ri sacerdote. ¿Achike k'a ri amak ri abanon?, xcha'.