2 Sam 3:21 - Kaqchiquel Bible

²¹ Chirij ri' ri Abner xubij chire ri David: Yin jare' xkiyakatej-el y xkibe richin xkenmol-pe awik'in konojel ri qawinaq israelita, richin nikijikiba' kitzij awik'in richin keri', xke'ok pan aq'a' y xkaq'aton-tzij pa kiwi' kan achi'el ri arayibel rat, xcha'. K'ari' ri David xujech-el ri Abner y rija' xtzolin-el rik'in uxlanibel-k'u'x.

2 Sam 3:21 ပူးပေါင်းရင်းမြစ်များ

2 Sam 2:9

Y chiri' xuben chire richin xok kan rey pa kiwi' ri winaqi' ri ek'o pa Galaad, ri ek'o pa Guesurí, ri aj-Jezreel, ri aj-Efraín y ri aj-Benjamín y pa kiwi' ri ch'aqa' chik israelita.

2 Sam 3:10

Wakami yin xa xtinq'axaj k'a ri q'atbel-tzij richin kan ri Saúl pa ruq'a' ri David richin xtok pa ruq'a' rija' ri q'atbel-tzij richin chijun ri ruwach'ulew Israel y ri Judá, ri nitiker-pe pa Dan y napon k'a pa Beerseba, xcha'

2 Sam 3:12

K'ari' ri Abner xeruteq-el achi'a' uk'uey rutzijol k'a rik'in ri rey David, y xubij-el: Rat awetaman achoq pa ruq'a' k'o-wi chijun ri ruwach'ulew. Roma ri' tijunamatej k'a qawech, y yin xkatinto' richin konojel nuwinaq israelita xkeq'ax kan awik'in rat, xcha'.

2 Sam 3:20

Y ri Abner xapon k'a rik'in ri David chiri' pan Hebrón, y e rachibilan-el e juwineq achi'a'. Y ri David xuben k'a jun nimalej wa'in roma xapon ri Abner.

2 Sam 5:3

Chuqa' xepe k'a konojel ri aj-raqen richin ri Israel rik'in ri David pan Hebrón. Y ri David xujikiba' k'a rutzij chuwech ri Jehová y chikiwech rije'. Y xkiqasaj k'a aceite pa ruwi' richin xok kan rey richin chijun Israel.

1 Rey 11:37

Y xubij ri Dios chi rija' kan at rucha'on chik rat Jeroboam, richin yatok rey pa ruwi' ri Israel, y keri' k'a xtaq'et-tzij pa ruwi' ronojel ri ruwach'ulew ri xtawajo' rat.

Wuj Richin Bix Chire ri Dios 20:4

Kan xtuya' ta k'a chawe ri rurayibel ri awánima. Kan xtuben ta k'a chi xtik'achoj ronojel ri ach'obon richin naben.

Filipenses 2:21

Ri ch'aqa' chik qach'alal xaxe ri niqa' chikiwech rije' ri nikich'ob, y man nikich'ob ta achike ri nik'atzin pa rusamaj ri Cristo Jesús.