2 Sam 3:13 - Kaqchiquel Bible

¹³ Y ri David xubij-el chi kan utz xrak'axaj ri taqon-el rubixik chire, xaxe k'a xuchilabej-el chire ri Abner chi toq xtapon rik'in, k'o chi ruk'uan-el ri Mical ri rumi'al kan ri Saúl richin nitikir nibech'on rik'in ri David.

2 Sam 3:13 ပူးပေါင်းရင်းမြစ်များ

Wuj Richin ri Rutikeribel 43:3

Jak'a ri Judá xubij chire ri kitata': Ri q'atoy-tzij ri k'o chiri' kan kere' k'a rubin-pe chiqe: Wi man xtik'en ta pe ri ichaq' más ko'ol, kan man xtiya'ox ta k'a q'ij chiwe richin yixok-pe wik'in, chayineq-pe chiqe.

1 Crón 15:29

Y toq ri káxa richin ri rujikibel-tzij ri Dios xapon pa rutinamit ri David, ri rumi'al kan ri Saúl rubini'an Mical ri rixjayil ri David, xtzu'un-pe pa ventana y xutz'et-pe ri rey David nitzopiyaj roma kikoten; y ri ixoq ri' kan xrixowaj ri David ri rachijil.

Wuj Richin ri Rutikeribel 44:26

roj xqabij chire chi man yojpe ta roma rat kan man xqojak'ul ta wi ri qachaq' xa man nipe ta chiqij roma keri' abin-el chiqe.

Wuj Richin ri Rutikeribel 44:23

Y rat xabij chiqe chi wi ri qachaq' más ko'ol man xtipe ta chiqij man xqojak'ul ta chik.

2 Sam 3:12

K'ari' ri Abner xeruteq-el achi'a' uk'uey rutzijol k'a rik'in ri rey David, y xubij-el: Rat awetaman achoq pa ruq'a' k'o-wi chijun ri ruwach'ulew. Roma ri' tijunamatej k'a qawech, y yin xkatinto' richin konojel nuwinaq israelita xkeq'ax kan awik'in rat, xcha'.