2 Sam 3:12 - Kaqchiquel Bible

¹² K'ari' ri Abner xeruteq-el achi'a' uk'uey rutzijol k'a rik'in ri rey David, y xubij-el: Rat awetaman achoq pa ruq'a' k'o-wi chijun ri ruwach'ulew. Roma ri' tijunamatej k'a qawech, y yin xkatinto' richin konojel nuwinaq israelita xkeq'ax kan awik'in rat, xcha'.

2 Sam 3:12 ပူးပေါင်းရင်းမြစ်များ

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

2 Sam 19:41

Y konojel k'a ri achi'a' e richin ri Israel ri ek'o chiri' xkibij chire ri David: ¿Achike k'a roma xa ja ri qach'alal aj-Judá ri xeq'axan-pe awichin rat pa raqen-ya' Jordán, y chuqa' ri awixjayilal y ri awalk'ual y konojel ri asamajela' ri e peteneq awik'in?, xecha'.

2 Sam 19:14

Keri', konojel ri winaqi' aj-Judá xa jun kiwech xkiben y xkiteq rubixik chire ri David chi titzolin-pe y keruk'ama-pe konojel ri ek'o rik'in.

2 Sam 19:6

Rat ye'awajo' más ri e etzelanel awichin ke chuwech ri awachibil. Wakami kan xaq'alajirisaj chi man jun kejqalen ri e aj-raqen y ri aj-labal, roma kan xak'ut jebel chi wi ta k'es ri Absalón, rat kan yakikot ta, stape' ta qonojel roj oj kaminaqi'.

2 Sam 3:27

Y toq ri Abner xapon chik pan Hebrón, jari' toq ri Joab xuk'uaj-el chuchi' ri tinamit richin nitzijon rik'in pa ruyonil. Jari' toq xuchuq'ij chirupan. Y ri Abner xken kan chiri'. Y keri' ri Joab xuben ruk'exel chire roma xukamisaj ri Asael ri rach'alal.

2 Sam 3:21

Chirij ri' ri Abner xubij chire ri David: Yin jare' xkiyakatej-el y xkibe richin xkenmol-pe awik'in konojel ri qawinaq israelita, richin nikijikiba' kitzij awik'in richin keri', xke'ok pan aq'a' y xkaq'aton-tzij pa kiwi' kan achi'el ri arayibel rat, xcha'. K'ari' ri David xujech-el ri Abner y rija' xtzolin-el rik'in uxlanibel-k'u'x.

2 Sam 3:11

Y ri Is-bóset kan man jun chik xtikir xubij chire ri Abner, roma kan janila nuxibij-ri' chuwech.

2 Sam 3:13

Y ri David xubij-el chi kan utz xrak'axaj ri taqon-el rubixik chire, xaxe k'a xuchilabej-el chire ri Abner chi toq xtapon rik'in, k'o chi ruk'uan-el ri Mical ri rumi'al kan ri Saúl richin nitikir nibech'on rik'in ri David.

2 Sam 3:38

K'ari' ri David xch'on kik'in ri e aj-raqen ri ek'o chiri' y xubij chike: Rix xitz'et chi wakami xken jun chike ri tata'al, jun achin ri nim ruq'ij chupan re qaruwach'ulew Israel.