2 Sam 3:1 - Kaqchiquel Bible

¹ Jak'a ri labal chikikojol ri e ka'i' tzobaj ri' xa man xtane' ta qa, xa kan más k'a xnimer. Y ri David y ri ruwinaq más nik'oje-el kuchuq'a', jak'a ri e ruwinaq kan ri Saúl xa xemayamo-qa.

2 Sam 3:1 ပူးပေါင်းရင်းမြစ်များ

1 Rey 14:30

Y chijun k'a ri kik'aslen ri Roboam y ri Jeroboam, kan jantape' xk'oje' oyowalen chikikojol.

Wuj Richin ri Achin Job 8:7

Stape' ri abeyomel pa nabey kan ti juba' ok, ri xtibek'oje' awik'in kan más nim chuwech ri xk'oje' awik'in pa nabey.

2 Sam 2:17

Chirij ri' xkichop k'a oyowal ri e ka'i' tzobaj, y ri oyowal ri' kan janila k'ayew xuben. Ri Abner y ri aj-labal richin Israel xech'akatej koma ri achi'a' e richin ri David.

Efesios 6:12

Roj man kik'in ta winaqi' niqaben-wi labal, xa kan kik'in ri itzel taq espíritu ri k'o kuchuq'a' y k'o q'atbel-tzij pa kiq'a', espíritu ri q'equmatajineq ri kik'aslen y chuqa' itzel taq espíritu ri ek'o pa kaq'iq'.

Wuj Richin Bix Chire ri Dios 84:7

Y ri kuchuq'a' kan nik'iyer rokik yeq'ax chupan ri bey ri'. Y pa ruk'isibel chire ri kibinen, yatkitz'et rat chiri' pa juyu' Sión.

Wuj Richin ri Achin Job 17:9

Y ri yech'obon chi kan choj ri kik'aslen, kan keri' xtikiben-apo jantape'. Chuqa' roma kan nikich'ob chi ch'ajch'oj ri kik'aslen, xtipe y xtipe más kuchuq'a'.

Gálatas 5:17

Roma ri rayibel ri' kan man yeqa' ta chuwech ri Loq'olej Espíritu. Y ri nrajo' ri Loq'olej Espíritu, man niqa' ta chikiwech ri itzel taq rayibel ri ek'o iwik'in rix. Roma ri' man kan ta yixtikir niben ri nirayij.

Ester 6:13

K'ari' xutzijoj chire ri Zeres ri rixjayil y chike konojel ri rachibil ronojel ri xbanatej. Y rije' xkibij chire: Rat xa kan xqasex k'a aq'ij roma ri Mardoqueo. Y roma rija' judío, kan man xkatikir ta chirij; xa xkabetzaq k'a pa ruq'a', xecha'.

1 Rey 15:32

Y chijun k'a ri kik'aslen ri Asá y ri Baasá, rey richin Israel, kan jantape' xk'oje' labal chikikojol.

1 Rey 15:16

Y chijun k'a ri kik'aslen ri Asá y ri Baasá, rey richin Israel, kan jantape' xk'oje' oyowalen chikikojol.

Wuj Richin ri Rutikeribel 3:15

Xtinben chiwe chi ri ixoq y rat xtik'oje' k'ululanik chi'ikojol, y keri' kik'in ri awijatzul rat; y jun chike ri ral-riy rija' xtupach'ij ri ajolon rat, y rat xtajich'aj ri ruxtuxil rija', xcha'.

Apocalipsis 6:2

Y kan jari' xbek'ulun-pe jun seq rij kiej, ch'okoliben roma jun ri ruk'uan jun k'aqbel ch'ab. Xjach k'a jun ru-corona roma kan ch'akowineq chik y xel-el richin nibech'akon chik.

2 Sam 2:28

K'ari' ri Joab xuxupuj ri uk'a' richin xtane' ri oyowal. Y jari' toq konojel ri aj-labal ri ek'o rik'in rija' xetane' chikoqotaxik ri aj-Israel.

2 Sam 5:10

Y ri rajawaren ri David kan q'ij-q'ij más beneq runimirinen, roma ri Jehová, Dios k'iytisanel richin ronojel k'o rik'in.

2 Sam 22:44

Ri Jehová kan xirukol k'a chuwech ri koyowal ri winaqi' ri man nikitzeqelibej ta rija'. y kan xuben chuwe richin xinok aj-raqen, pa kiwi'. Y re wakami xuben chike ri winaqi' ri man wetaman ta kiwech chi yinkisamajij.

1 Crón 11:9

Keri' k'a toq ri David xnimer ri ruq'atbal-tzij, roma ri Jehová ri k'iytisanel richin ronojel kan k'o-wi rik'in.

Ester 9:4

roma rija' xok jun nimalej aj-raqen chupan ri q'atbel-tzij richin ri rey Asuero, y ri runimirinen q'ij-q'ij beneq pa jotol. Roma ri' ri rutzijol xtalutej pa ronojel nima'q taq ruwach'ulew.

Wuj Richin Bix Chire ri Dios 18:43

Ri Jehová kan xirukol k'a chuwech ri koyowal ri winaqi' ri man nikitzeqelibej ta rija', kan xuben chuwe richin xinok aj-raqen pa kiwi'. Y re wakami xuben chike ri winaqi' ri man wetaman ta kiwech chi xinkisamajij.

Wuj Richin Bix Chire ri Dios 46:9

Ja rija' ri nibanon chi nichup ri labal chuwech chijun ri ruwach'ulew. Yeruq'ajala' k'a ri rute-ch'ab y ri kum. Ri tobel kan yeruporoj pa q'aq'.

2 Sam 3:6

Rokik najin ri labal chikikojol ri ka'i' tzobaj, ri Abner kan más k'a xk'oje-el ruchuq'a'.

1 Crón 3:1

Ri e ruk'ajol kan ri David ri e alaxineq pa tinamit Hebrón: Je ri Amnón ri nimalaxel, ral ri Ahinóam aj-Jezreel; ri ruka'n ja ri Daniel, ral ri Abigail aj-Carmel;