2 Sam 24:25 - Kaqchiquel Bible

²⁵ Chiri' k'a xupaba-wi-q'anej ri porobel richin ri Jehová, y xusuj chikop richin niporox jumul, y sipanik richin nuq'alajirisaj chi junan ruwech rik'in ri Dios. K'ari' ri Jehová xuk'ul ri k'utunik richin ri David pa kiwi' ri ruwinaq. Keri' xk'is-el ri nima-ruk'ayewal pan Israel.

2 Sam 24:25 ပူးပေါင်းရင်းမြစ်များ

Wuj Richin ri Rutikeribel 12:7

Y ri Jehová xbepapo' chuwech ri Abram y xubij chire: Chike konojel awijatzul xtinya-wi re ruwach'ulew re', xcha'. Y jari' ri Abram xuben-q'anej jun porobel richin xuporoj jun kamelabel chuwech ri Jehová roma chiri' xuk'ut-wi-ri' chuwech.

Wuj Richin ri Rutikeribel 22:9

Y toq xe'apon akuchi rubin-wi ri Dios chire ri Abraham, rija' xuben-q'anej ri porobel richin ri kamelabel. K'ari' xuya-q'anej ri si' pa ruwi' y xuxim k'a ri ruk'ajol. K'ari' xuya-q'anej pa ruwi' ri porobel y pa ruwi' ri si'.

Wuj Richin ri Rutikeribel 8:20

Y ri Noé xuben k'a q'anej jun porobel richin xusuj kamelabel chire ri Jehová y xeberuk'ama-pe chikikojol ri aj-xik' taq chikopi' y ri ch'aqa' chik ri e utz richin kamelabel y xeruporoj chuwech rija'.

2 Sam 21:14

Ronojel k'a re baq re' xemuq ri akuchi muqun-wi ri Cis ri rutata' ri Saúl, chiri' pa tinamit Selá chupan ri ruwach'ulew Benjamín. Ri rusamajela' ri David kan xkiben k'a ronojel ri achike xubij rija'. Y k'ari' ri Dios xukuy rumak ri tinamit Israel.

2 Sam 24:14

K'ari' ri David xubij chire: Wakami xik'oje' pa latz'. Xa kan más k'a utz chi yojqaqa pa ruq'a' ri Jehová, roma rija' kan joyowanel-wi, ke chuwech yojqaqa pa kiq'a' ri e yakatajineq chiqij, xcha'.

1 Rey 1:1

Toq ri rey David janila chik ri'j y janila chik k'iy rujuna', ri rusamajela' nikikuch k'a jebel, jak'a xa man nimeq'e' ta chik.

Ez 16:42

Y keri' xtinwelesaj k'a ri nimalej woyowal chawij y k'ari' xtich'uch'u' ri wánima y man jun bey chik xtipe woyowal chawe.

Wuj Richin ri Q'axanri'il 17:13

Roma xabachike k'a ri xtijel-apo rik'in ri rachoch ri Dios ri akuchi k'o-wi ri ruch'ame'y ri Aarón kan xtiken. ¿Xa qonojel ajk'a xqojken ri'?, xecha'.

Wuj Kichin ri To'onela' 21:4

Ri ruka'n q'ij ri israelita xeyakatej nimaq'a' yan, y xkipaba-q'anej jun porobel chiri' y xkisuj k'a kamelabel ri niporox chijun, y chuqa' xkisuj sipanik richin nikiq'alajirisaj chi junan kiwech rik'in ri Jehová,

Wuj Kichin ri To'onela' 6:24

K'ari' ri Gedeón xupaba-q'anej jun porobel chuwech ri Jehová. Re porobel re' xubini'aj Jehová Richin Uxlanibel-K'u'x, y re porobel re' k'a k'o na chiri' pa tinamit Ofrá, akuchi ek'o-wi ri e rijatzul ri Abiézer.

1 Sam 13:9

Toq ri Saúl xutz'et keri', xubij chi tuk'uex-apo chuwech rija' ri chikop ri xtiporox jumul y ri sipanik richin nuq'alajirisaj chi nijunamatej-kiwech rik'in ri Jehová. Y kan ja rija' k'a ri xporon ri chikop chuwech ri Jehová.

1 Sam 14:35

K'ari' ri Saúl xupaba-q'anej jun porobel richin kamelabel chuwech ri Jehová. Y ja nabey porobel re' ri xuben rija'.

1 Sam 7:17

Y toq nitzolin-pe chi kitz'etik re tinamit re', k'ari' napon pa tinamit Ramá, roma chiri' k'o-wi ri rachoch. Y chiri' nuq'et-tzij y chiri' xuben-q'anej jun porobel richin ri Jehová.

1 Sam 7:9

Y ri Samuel xberuk'ama-pe jun ti karne'l ri k'a nitz'uman na. Xukamisaj k'a richin kamelabel y xuporoj chijun chuwech ri Jehová. Y xch'on pa kibi' ri ruwinaq y kan xak'axatej-wi roma ri Jehová.