2 Sam 24:24 - Kaqchiquel Bible

²⁴ Jak'a ri David xubij: Ninmatioxij chawe, jak'a yin k'o chi ninloq' chawe y ninya' ri rajel ronojel, roma man ruk'amon ta ninsuj chire ri Jehová poron chikop ri xa man ja ta yin in ch'akayon, xcha'. Y keri' ri David xuloq' ri ulew ri', y xeruloq' chuqa' ri bóyix y xutoj rik'in jun libra rik'in nik'aj saqipueq.

2 Sam 24:24 ပူးပေါင်းရင်းမြစ်များ

Wuj Richin ri Rutikeribel 23:11

Wajaw, yin kan chikiwech k'a konojel re nuwinaq ninbij chi choj keri' ninya' kan chawe ri juba' ulew y chuqa' ri jul ri'. Tamuqu' k'a ri akaminaq chiri', xcha'.

Wuj Richin ri Rutikeribel 23:13

y xch'on-apo chire ri Efrón chikiwech konojel winaqi' ri ek'o chiri' y xubij: Tabana' utzil kinawak'axaj y tak'ulu' ri rajel ri ulew ri' richin keri' xtinmuq ri nukaminaq chiri', xcha' ri Abraham.

Wuj Richin ri Rutikeribel 23:16

Y ri Abraham xqa' chuwech ri rajel y xupej k'a ri lajuj libra saqipueq y xujech chire ri Efrón chikiwech konojel. Y kan tz'aqet k'a ri xuya' chire. Kan achi'el yepajon ri k'ayinela' y ri loq'onela'.

1 Crón 21:1

K'o k'a jun q'ij ri Satanás xyakatej k'a chikij ri winaqi' israelita y roma ri' xubij chire ri David chi tutaqa' kajlaxik ri aj-labal.

1 Crón 22:1

Y roma ri' ri David xubij: Wawe' k'a xtibek'oje-wi ri rachoch ri Jehová Dios, y wawe' xkeporox-wi chikopi' pa ruwi' ri porobel richin ri qatinamit Israel, xcha'.

Romanos 12:17

Wi k'o jun wineq ri k'o itzel nuben chiwe, man tiben itzel chire. Jantape' tik'uaj jun k'aslen utz chikiwech konojel winaqi'.