2 Sam 24:22 - Kaqchiquel Bible

²² Y ri Arauna xubij chi tucha' k'a ri David akuchi ri más utz nutz'et richin nupaba-q'anej ri porobel. Y xerusuj chuqa' ri rubóyix richin yeporox jumul. Y richin ri si', xusuj ri che' ri ch'ayibel ri trigo, y ri che' ri niya'ox pa kiwi' ri bóyix.

2 Sam 24:22 ပူးပေါင်းရင်းမြစ်များ

1 Rey 19:21

Y keri' ri Eliseo xuya' kan ri Elías y xtzolin. Xeberuk'ama-pe ri k'ulaj bóyix ri kan e richin rija' y xerukamisaj, y ri che' ri samajibel ri achoq ik'in yetun-wi ri bóyix, jari' ri xukusaj richin xuchaq'arisaj ri ti'ij y jari' ri xuya' chike ri winaqi' ri xeroyoj, y rije' kan xewa' k'a. K'ari' ri Eliseo xbe chirij ri Elías richin nusamajij.

1 Sam 6:14

Ri wákix xe'apon k'a pa rujuyu' ri jun achin rubini'an Josué ri k'o chiri' pa Bet-semes. Y chiri' xek'oje-wi akuchi k'o-wi jun nimalej abej. Y ek'o k'a achi'a' levita chiri'. Y rije' xkiqasaj k'a ri káxa ri' y chuqa' ri jun chik káxa ri ek'o ri wachibel chupan. Y xekiya-q'anej pa ruwi' ri abej ri'. K'ari' ri achi'a' ri ek'o chiri' xkiben si' chire ri tz'alem richin ri carruaje y xekikamisaj ri wákix richin xekiporoj chuwech ri Jehová.

1 Crón 21:22

K'ari' ri David xubij chire: Tak'ayij chuwe re awulew re' rik'in jun utzilej rajel richin yin xtinpaba-q'anej jun porobel richin ninsuj kamelabel chuwech ri Jehová, richin keri' ri Jehová xtrelesaj-el re nimalej yabil re' ri qajineq pa ruwi' ri qatinamit, xcha'.

Wuj Richin ri Rutikeribel 23:11

Wajaw, yin kan chikiwech k'a konojel re nuwinaq ninbij chi choj keri' ninya' kan chawe ri juba' ulew y chuqa' ri jul ri'. Tamuqu' k'a ri akaminaq chiri', xcha'.

Wuj Kichin ri To'onela' 6:26

Y ri chiri' chuwi-juyu' tapaba-q'anej jun porobel chinuwech yin Jehová ri in a-Dios. K'ari' xtabek'ama-pe ri bóyix ri k'o wuqu' rujuna', richin nasuj chinuwech yin pa ruwi' ri porobel; y ri paban-che' ri xaqasaj jari' nakusaj richin si', xcha'.