2 Sam 24:17 - Kaqchiquel Bible

¹⁷ Y toq ri David xutz'et ri ángel ri nikamisan kichin ri winaqi', xubij chire ri Jehová: ¡Ja yin ri ximakun! ¡Ja yin ri in aj-mak! Ri nuwinaq xa kan e achi'el k'a taq karne'l ri maneq kimak. Yin nink'utuj utzil chawe chi pa kik'exel rije' taya' ri tijoj-poqonal pa nuwi' yin y pa kiwi' ri wijatzul, xcha'.

2 Sam 24:17 ပူးပေါင်းရင်းမြစ်များ

Wuj Richin Bix Chire ri Dios 74:1

Nimalej Dios, ¿achike roma oj amalin kan jumul? ¿Achike roma kan yakatajineq awoyowal chiqij roj ri oj achi'el akarne'l richin ri aqejoj?

2 Sam 24:10

Jak'a toq ri David xuben yan re tz'iban bi'aj re', k'ari' xuna' chi xmakun, y xubij k'a chire ri Jehová: Yin kan janila ximakun chawech roma xinben re jun tz'iban bi'aj re'. Wakami k'a, nink'utuj utzil chawe chi takuyu' numak, roma yin kan xinben re' roma maneq nuna'oj, xcha'.

Wuj Richin ri Achin Job 42:6

Y roma kan xatintz'et re wakami, kan yik'ix roma ronojel ri nubin chawij y ninwetzelaj-wi'. Roma ri' ninqasaj-wi' chawech k'a chupan re poqolaj y re chaj, xcha'.

Wuj Richin ri Zacarías 13:7

Ri Jehová nubij: Kayakatej k'a rat, espada, kayakatej richin nakamisaj ri nuyuq'unel y wachibil. Richin keri' xketalutej ri karne'l. Y yin chuqa' xkiyakatej chikij ri taq karne'l ri'.

Wuj Richin ri Isaías 6:5

Jari' toq yin xinbij: ¡Wakami yin yiken! Roma ronojel ri ninbij, man e ch'ajch'oj ta, chuqa' chikikojol winaqi' ri man ch'ajch'oj ta ri kich'abel ink'o-wi. Man rik'in ri' kan xintz'et rik'in runaq'-nuwech ri rey, ri Jehová k'iytisanel richin ronojel, xicha'.

Wuj Richin Bix Chire ri Dios 44:11

Xojajech k'a achi'el toq nuk'uex jun karne'l richin nibekamisex. Xa xojataluj k'a el chikikojol winaqi' ri man yatkitzeqelibej ta rat.

Wuj Richin ri Achin Job 7:20

Wi yin k'o ta numak nubanon chawech, xa ja yin k'ari'. ¿Kan xkarumej kami ri numak yin, rat ri yatikir nanik'oj ri k'o pa ránima ri wineq? ¿Y achike roma ja yin in aq'ijun-pe? ¿Y achike roma in jun ejqa'n chawe rat?

1 Rey 22:17

K'ari' rija' xubij chire ri Acab: Yin nintz'et chi konojel ri winaqi' israelita kitalun-ki' pa ruwi' taq juyu', achi'el taq karne'l ri maneq kiyuq'unel. Y ri Jehová nubij k'a chi konojel re winaqi' re' xa maneq kajaw. Roma ri' taya' q'ij chike chi chikijujunal ketzolin chi taq kachoch rik'in uxlanibel-k'u'x, xcha' ri Micaías.

Wuj Richin ri Rutikeribel 44:33

Y roma ri' nink'utuj k'a utzil chawe chi ja yin ri yinok kan awichin rat pa ruk'exel ri nuchaq' y rija' titzolin junan kik'in ri ch'aqa' chik wach'alal.

Wuj Richin ri Rutikeribel 18:23

K'ari' xjel-apo ri Abraham rik'in ri Jehová y xubij chire: ¿Kan xke'ak'is kami el konojel ri winaqi' ri utz kibanobal junan kik'in ri itzel taq kibanobal?

2 Sam 7:8

Wakami, yin Jehová k'iytisanel richin ronojel, ninbij k'a chawe rat David chi ja yin ri xinelesan-pe awichin chikikojol ri karne'l richin xatok tata'al pa ruwi' ri nutinamit Israel.

Wuj Richin ri Jonás 1:12

Jari' toq ri Jonás xubij chike: Jare' ink'o pan iq'a'; kinik'aqa' kan chupan ri ya' y xtitane-qa. Roma xa woma yin peteneq re jun ruk'ayewal re' pan iwi', xcha'.

Ex 10:16

Jari' toq ri rey chi'anin xuteq koyoxik ri Moisés y ri Aarón y xubij chike: Wakami ximakun chuwech ri Jehová ri i-Dios y chuqa' chiwech rix.

Wuj Richin ri Q'axanri'il 16:22

Jak'a ri Moisés y ri Aarón, kexukuk xeqaqa pan ulew chuwech ri Jehová richin yech'on rik'in y xkibij chire: Qa-Dios roj, rat ri at rajaw ri qak'aslen qonojel, ¿kan pa kiwi' kami konojel ri awinaq israelita nawelesaj-wi ri awoyowal, toq xa jun ok chike ri achi'a' ri xmakun chawech?, xecha'.

2 Sam 12:13

K'ari' ri David xuq'alajirisaj chuwech ri Natán chi kan makuwineq-wi chuwech ri Jehová. K'ari' ri Natán xubij chire ri David chi ri Jehová kan xukuy yan ri rumak, y man xtrelesaj ta ri ruk'aslen.

Wuj Richin Bix Chire ri Dios 32:5

Jari' toq xinq'alajirisaj k'a ri numak chawech, y kan man xinwewaj ta ri wetzelal. Yin xinch'ob chi ninq'alajirisaj ri numak chawech. Jari' toq rat Jehová xakuy k'a ri numak y xawelesaj chuwij ri xinwejqalej.

Wuj Richin Bix Chire ri Dios 78:71

Chupan ri yuq'unik xrelesaj-wi-pe richin chi xeruyuq'uj ri qawinaq, richin chi xok kiyuq'unel ri israelita.