2 Sam 24:16 - Kaqchiquel Bible

¹⁶ Ri ángel richin ri Jehová xapon k'a ri akuchi nich'ay-wi ri trigo richin ri achin rubini'an Arauna ri Jebuseo, naqaj chik chire ri tinamit Jerusalem. Y toq xurik' ri ruq'a' richin yeruk'is ri winaqi' ri ek'o chiri', jari' toq ri Jehová xujoyowaj kiwech ri winaqi' ri', y xubij chire ri ángel chi titane' y man yerukamisaj ta chik.

2 Sam 24:16 ပူးပေါင်းရင်းမြစ်များ

Wuj Richin ri Rutikeribel 10:16

Y xek'oje' ch'aqa' chik ralk'ual y xkibini'aj Jebús, ri Hamor, ri Gérges,

Wuj Richin ri Rutikeribel 6:6

y ri Jehová janila xbison y xq'axon ránima chi xeruk'iytisaj ri winaqi' chuwech re ruwach'ulew.

2 Sam 24:18

Chupan ri q'ij ri', ri Gad xapon chik rik'in ri David, y xubij chire chi tibe ri akuchi nich'ay-wi trigo pa rulew ri Arauna ri Jebuseo, richin niberupaba' jun porobel richin nusuj kamelabel chuwech ri Jehová.

2 Sam 5:8

Richin xech'akatej ri aj-Jebús, ri David xubij k'a chi richin yetikir yekikamisaj, k'o chi ye'ok-el chupan ri rubey ya' ri napon pa tinamit. Y chuqa' xubij chi wakami xtutz'et wi qitzij chi ri e moyi' y ri e jetz' xketikir xtikipaba-ki', roma rija' kan yeretzelaj-wi ri winaqi' ri'. Chiri' k'a peteneq-wi ri ch'abel ri nibix chi ri moyi' y ri e jetz' man ruk'amon ta ye'ok chupan ri rachoch ri Dios.

1 Rey 19:4

Y ri Elías xbe pa tz'iran ruwach'ulew ri k'o pa xokon, y jun q'ij k'a ri xbiyin. Y kan janila k'a kosineq, xbetz'uye' chuxe' jun ti che' achi'el q'echa' rubanik, y xpe ri ch'obonik rik'in chi más ta utz niken y roma ri' xubij: Jehová, yin man ninkoch' ta chik; más utz tawelesaj ri nuk'aslen, roma yin man más ta in utz chikiwech ri wati't-numama', xcha'.

2 Rey 19:35

Chupan ri aq'a' ri' ri Jehová xuteq jun ángel richin xerukamisaj e 185,000 achi'a' aj-Asiria ri ek'o-qa chiri'. Y toq xseqer-pe, konojel e punupuxineq chik ke taq ri'.

1 Crón 1:14

Chupan ri e rijatzul ri Canaán e eleneq-wi-pe ri winaqi' jebuseo, ri amorreo, ri gergeseo,

2 Crón 3:1

Ri Salomón xuchop richin nupaba-q'anej ri rachoch ri Jehová pa Jerusalem chiri' pa juyu' Moria, akuchi xuk'ut-wi-ri' ri Jehová chuwech ri David ri rutata', chupan ri era richin kan ri Ornán ri aj-Jebús. Y ri ulew ri' kan ruchojmirisan chik kan ri David.

2 Crón 32:21

Y ri Jehová xuteq-pe jun ángel richin xeruk'is konojel ri aj-labal aj-Asiria ri ek'o chiri'; chuqa' xek'is konojel ri aj-raqen y ri achi'a' ri k'o más kiq'ij. Chirij re' ri Senaquerib xtzolin pa rutinamit rik'in janila k'ix. Y k'o k'a jun q'ij, xapon pa rachoch ri ru-dios, y kan chiri' k'a xkamisex-wi kan chi espada koma ri ralk'ual.

Wuj Richin Bix Chire ri Dios 135:14

Roma rat kan naq'et k'a tzij pa ruwi' ri atinamit. Kan najoyowaj k'a qawech roj ri oj asamajela'.

Wuj Richin Bix Chire ri Dios 35:6

Tabana' chi ri kibey kan q'equ'm y kan yejilijo' ta, y chi ri ángel awichin rat kan xkerutzeqelibej ta k'a.

Wuj Richin Bix Chire ri Dios 78:38

Man rik'in ri' ri Dios kan nujoyowaj kiwech, kan nukuy k'a ri kimak y kan man yeruk'is ta; k'iy k'a mul xuq'et ri royowal y kan man xuya' ta pe pa kiwi'.

Wuj Richin Bix Chire ri Dios 90:13

¿K'a janipe' k'a xkape chik Jehová richin no'aya' chik ri awutzil pa qawi'? Tabana' utzil tik'o-qa ri awoyowal chiqij roj ri oj asamajela'.

Ex 12:13

Ri kik' jari' ri retal richin ri jay ri akuchi ixk'o-wi rix, y xtintz'et k'a yin ri kik' y choj k'a xkiq'ax-el pan iwi' y kan man xtok ta k'a iwik'in rix ri nima-ruk'ayewal richin kamik, toq yin xkenkamisaj ri nabey taq al alaboni' wawe' pan Egipto.

Ex 12:23

Toq ri Jehová xtiq'ax richin yerukamisaj ri aj-Egipto, kan xtutz'et k'a ri kik' chuchi' ri iwachoch y ri kamisanel kan choj k'a xtiq'ax-el y man jun xtuben ta kan chiwe.

Ex 32:14

Y jari' toq ri Jehová xuq'et k'a ri' y man xuya' ta chik pe pa kiwi' ri ruwinaq, ri ruk'ayewal ri ruch'obon richin nuya' pa kiwi'.

Ex 9:28

Kixch'on k'a rik'in ri Jehová pa qawi' roj, roma xa man niqajo' ta chik koqolajay ni saqboch. Yin xa man ninwajo' ta chik yixk'oje-qa wawe', xcha' ri rey chike.

Wuj Richin ri Isaías 27:8

Jak'a ri Dios xuya' ri rutojbalil pa kiwi' ri qawinaq achi'el ri k'atzinel. Y xuteq k'a pe jun nimalej kaq'iq' pa tz'iran ruwach'ulew richin xerutaluj-el, achi'el nuben ri kaq'iq' ri peteneq pa relebel-q'ij.

Wuj Richin ri Isaías 57:16

Man chaq xtinya' ta rejqal ri nutinamit, ni man chaq xtinben ta oyowal kik'in ronojel mul. Wi keri' xtinben, xa xtimayamo-qa ri kánima ri winaqi' ri e nuk'iytisan yin.

Wuj Richin ri Jeremías 26:19

¿Ri Ezequías y ri winaqi' xkikamisaj kami ri Miqueas? Ni, pa ruk'exel ri' ri rey janila xuxibij-ri' chuwech ri Jehová, y xuk'utuj utzil chire chi nujoyowaj ta kiwech. K'ari' ri Jehová man xuteq ta k'a pe ri ruk'ayewal pa kiwi' rije' ri kan ruya'on-pe rutzijol. ¿Xaxe kami richin niqejqalej re jun kamik re'?, xecha' rije'.

Wuj Richin ri Jeremías 42:10

Wi rix xkixk'oje-qa chupan re ruwach'ulew re', yin xtinpaba' chik q'anej y man jun bey chik xtinwulaj. Kan xkixinya' wawe' y man xkixinwelesaj ta el roma kan janila yibison roma kere' xinben chiwe.

Am 7:3

K'ari' ri Jehová xujoyowaj qawech y xubij chi man xtik'uluwachitej ta.

Am 7:6

K'ari' ri Jehová xujoyowaj qawech y xubij chi man xtik'uluwachitej ta.

Wuj Richin ri Habacuc 3:2

Nimalej Jehová, yin kan xinwak'axaj k'a ronojel ri nima'q taq abanobal, y kan xink'en akiy. Nimalej Jehová, tak'utu' chik k'a ri nimalej awuchuq'a' chiqakojol roj. Kan tak'utu' chik k'a chiqawech roj re ojk'o re q'ij re' ri nima'q taq banobel ri xe'aben ri ojer kan. Tabana' utzil chi chupan ri awoyowal xtajoyowaj ta qawech.

Wuj Richin ri Zacarías 9:7

Rije' man xtikitej ta chik ti'ij rik'in kik', y chuqa' ch'aqa' chik q'utun ri kan ninwixowaj yin. Ri juba' chik winaqi' ri xkek'ase' na kan xke'ok aj-Israel. Xke'ok kik'in ri tzobaj richin kan ri Judá. Ri winaqi' aj-Ecrón xkexime' pa samaj achi'el xkiben ri aj-Jebús ri ojer kan.

Marcos 14:41

Ri Jesús xch'on chik jun bey rik'in ri Dios. Jak'a toq xtzolin-pe ri pa rox bey, xubij k'a chike ri e oxi' rutijoxela': Wakami k'a kan kixwer y kixuxlan. Jare' xoqaqa ri hora chi yin ri xiqaqa-pe achi'el wineq chi'ikojol, kan xkijach-el pa kiq'a' ri itzel taq achi'a'.

Hechos 12:23

Kan chupan k'a ri ramaj ri', jun ángel richin ri ajaw xuya' jun yabil pa ruwi' ri Agripa roma rija' xa man xuya' ta ruq'ij-ruk'ojlen ri Dios. Rija' xtij koma jut, y jari' ri xok-el chire richin xken.

1 Corintios 10:10

Ek'o ch'aqa' roma xexebeloj chirij, roma ri' ri Dios xuteq-pe jun ángel richin xerukamisaj. Roma ri' roj man k'a qojxebeloj chirij ri Dios.

2 Corintios 2:6

Chire k'a ri xbanon keri', man jun chik ch'abel tibij, roma xuk'ul yan k'a ri ruk'amon chi nuk'ul, achi'el ri xkibij konojel ri qach'alal chi niqaqa pa ruwi'.

Wuj Richin ri Josúe 15:63

Ri rijatzul kan ri Judá man xetikir ta xekelesaj-pe ri jebuseo ri ek'o chiri' pa Jerusalem, xa xek'oje-qa chikikojol rije' k'a re wakami.

Wuj Kichin ri To'onela' 1:21

Jak'a ri tzobaj richin ri Benjamín man xekoqotaj ta pe ri e rijatzul ri Jebús ri ek'o pa Jerusalem. Y roma ri' ri tzobaj richin ri Benjamín y ri tzobaj richin Jebús xek'oje-qa junan ri chiri'.

Wuj Kichin ri To'onela' 19:11

Y toq xe'apon chiri', xa kan niq'equmer yan k'a pe, y roma ri' ri rusamajel xubij chire ri rajaw: Más ta utz wi yojk'oje' kan chupan re tinamit re', richin niqak'owisaj re aq'a' re', xcha'.

1 Sam 15:11

Kan niq'axon ri wánima roma xinya' kan rey ri Saúl, y wakami xa xiruya' kan, y man xuben ta ri xinbij chire, xcha'. Y ri Samuel kan janila itzel xuna' toq xrak'axaj keri' y chijun ri aq'a' ri' xoq' chuwech ri Jehová.