2 Sam 23:34 - Kaqchiquel Bible

³⁴ ri Elifélet ruk'ajol ri Ahasbai ri aj-Maacá; ri Eliam ruk'ajol ri Ahitófel ri aj-Guiló;

2 Sam 23:34 ပူးပေါင်းရင်းမြစ်များ

2 Sam 11:3

Ri ixoq ri' natin richin nuch'ajch'ojirisaj ri' roma xq'ax kan ri ruyabil richin chi ik'. K'ari' ri David xuteq-el jun rusamajel richin xberuk'utuj achike ixoq ri'. Y toq xtzolej ri samajel, xubij chi ri ixoq ri' rubini'an Betsabé rumi'al ri Eliam, y rixjayil ri Urías ri hitita. K'ari' xeruteq-el rusamajela' richin xbekik'ama' ri Betsabé. Y rija' xuk'en-qa ri ixoq y xk'oje' rik'in. Chirij ri' ri ixoq xtzolin chik chirachoch.

2 Sam 15:12

Rokik ri Absalón nusuj ri kamelabel chuwech ri Jehová, jari' toq xroyoj ri Ahitófel ri aj-Guiló, pixabanel richin ri David. Y ri yakatajinenri'il ri' kan ik'owineq chik ruwi' ri ruchuq'a', y kan e k'iy k'a ri winaqi' ri xetzeqeliben richin ri Absalón.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

2 Sam 15:31

Y ri David kan retaman chik k'a chi ri Ahitófel k'o chikikojol ri e yakatajineq chirij. Roma ri' xuk'utuj utzil chire ri Dios chi xtuyoj ta ronojel ri ruch'obonik ri Ahitófel.

2 Sam 10:8

Y xe'el k'a pe ri amonita, y xkicholajij-ki' chuchi' ri tinamit richin yebe pan oyowal. Jak'a ri aj-Siria, ri aj-Sobá, ri aj-Rehob, ri aj-Is-tob y ri aj-Maacá; rije' xkicholajij-ki' juk'an chik ri chiri' pa juyu'.

2 Sam 10:6

Y toq ri amonita xkinabej chi ri David janila chik itzel yerutz'et, jari' toq xekitoj e 20,000 aj-labal ri yebe chikaqen ri e aj-Siria ri ek'o pa tinamit Bet-rehob y ri ek'o pa tinamit Sobá. Chuqa' xekitoj-el e 1,000 achi'a' ri e aj-Maacá, y 12,000 achi'a' e aj-Is-tob.

2 Sam 20:14

Jak'a ri Sebá xq'axilan k'a el kik'in konojel tzobaj ri ek'o pa xaman, jak'a xa kan xaxe ri e aj pa rachoch ri xetzeqeliben richin. Keri' xe'apon k'a pa tinamit Abel-bet-maacá.

Deut 3:14

Jun chike ri e rijatzul kan ri Manasés rubini'an Jaír xuch'ek chijun ri ruwach'ulew Argob k'a pa ruk'ulba't ri ruwach'ulew Guesur y Maacá. Rija' xujel k'a ri rubi' ri ruwach'ulew Basán y xubij Havot-Jaír chire, k'a re wakami.

1 Sam 26:6

Ri David xuk'utuj chire ri Ahimélec hitita y chire ri Abisai rach'alal ri Joab, y xubij: ¿Achike nrajo' nibe chuwij rik'in ri Saúl chiri' akuchi ek'o-wi-qa?, xcha'. Y ri Abisai xubij chi ja rija' nibe chirij.