2 Sam 23:18 - Kaqchiquel Bible

¹⁸ Y ri Abisai rach'alal ri Joab, ri e ral ri Seruiá, ja rija' ri k'o más ruq'ij pa kiwi' ri e juwineq lajuj, roma rija' jun bey xuchop nuben oyowal kik'in e 300 achi'a' rik'in ri rukum, y kan xerukamisaj konojel. Roma ri' kan xk'oje' janila ruq'ij chikiwech ri e juwineq lajuj ri'.

2 Sam 23:18 ပူးပေါင်းရင်းမြစ်များ

2 Sam 10:10

Y xerujech k'a ch'aqa' achi'a' pa ruq'a' ri Abisai ri rach'alal, richin xkicholajij-ki' richin yekik'ul ri amonita chi oyowal.

2 Sam 10:14

Toq xkitz'et ri amonita chi xa xe'animej-el ri e kachibil chikiwech ri aj-Israel, chuqa' rije' xe'animej chuwech ri Abisai y kan xe'ok chupan ri kitinamit. K'ari' ri Joab y ri aj-labal man xekitzeqelibej ta chik, y xa xetzolin pa Jerusalem.

2 Sam 18:2

Jun tzobaj xk'oje' pa ruq'a' ri Joab. Jun chik tzobaj xk'oje' pa ruq'a' ri Abisai ri rach'alal. Y ri jun chik tzobaj xuya' pa ruq'a' ri Itai aj-Gat. Y k'ari' ri rey xubij chike ri winaqi' chi rija' chuqa' nibe kik'in pan oyowal.

2 Sam 2:18

Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

2 Sam 20:10

Jak'a ri Amasá man xutz'et ta ri kamisabel ri ruk'uan ri Joab pa rajxokon. Y jari' toq ri Joab xuchuq'ij pa rupan, y kan xel-pe ri rixkolob, y xtzaq-el k'a pan ulew. Y man xk'atzin ta chi xuchuq'ij chik jun bey roma xa niken yan qa. K'ari' ri Joab y ri rach'alal Abisai xebe richin xkitzeqelibej ri Sebá.

2 Sam 23:19

Y kan ja rija' ri xya'ox más ruq'ij chikiwech ri ch'aqa' chik, y ja rija' ri xok aj-raqen pa kiwi' ri e juwineq belejlajuj ri'. Jak'a man xajlex ta kik'in ri e oxi' nabey.

2 Sam 3:30

Keri' xubij ri David roma ri Joab y ri Abisai xkikamisaj ri Abner, stape' ri Abner xa pan oyowal xukamisaj ri Asael ri kach'alal, ri chiri' pa Gabaón.

1 Crón 2:16

Re achi'a' re' xek'oje' ka'i' kana', ri nabey xubini'aj Seruiá y ri ruka'n xubini'aj Abigail. Ri Seruiá xek'oje' e oxi' ral y ja kibi' re': Ri nabey xubini'aj Abisai; ri ruka'n xubini'aj Joab y ri rox xubini'aj Asael.

Wuj Richin ri Molojri'il 4:12

Y wi k'o ta jun wineq ninaq roma jun chik, y rija' xa k'o jun rachibil, rije' yetikir nikipaba-ki' y man yech'akatej ta, achi'el nubij ri tzij: Jun k'an ri oxi' ruwech man chi'anin ta niraq'ach'itej.