2 Sam 22:7 - Kaqchiquel Bible

⁷ Chupan k'a ri nimalej bis ri' xich'on rik'in ri Jehová. Xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi. Ri nuch'owen rik'in xapon k'a chuwech rija' y kan xrak'axaj.

2 Sam 22:7 ပူးပေါင်းရင်းမြစ်များ

Wuj Richin Bix Chire ri Dios 107:6

Jari' k'a toq rije' chupan ri kiq'axo'n xesik'in rik'in ri Jehová. Y rija' kan xerukol k'a chupan ri tijoj-poqonal ri'.

Wuj Richin Bix Chire ri Dios 116:4

Jari' toq xinnataj rubi' ri Jehová, y xink'utuj chi rija' kirukolo'.

Wuj Richin Bix Chire ri Dios 120:1

Toq yin xik'oje' chupan ri tijoj-poqonal, kan xich'on rik'in ri Jehová. Rija' kan xirak'axaj k'a chire ri nuch'owen.

Wuj Richin Bix Chire ri Dios 18:6

Chupan k'a ri nimalej bis ri' xich'on rik'in ri Jehová, xink'utuj utzil chire richin yiruto'. Rija' kan xirak'axaj-pe k'a ri akuchi-k'o-wi, ri nuch'owen rik'in, xapon k'a chuwech rija' y kan xrak'axaj.

Wuj Richin Bix Chire ri Dios 27:4

Yin kan k'o k'a jun ri nuk'utun chire ri Jehová; y kan jari' ri xtinkanoj; chi yin kan xkik'oje' ta chupan ri rachoch ronojel q'ij chire ri nuk'aslen, richin chi ninmey ri ruk'ojlemal y yich'on rik'in chupan ri rachoch.

Wuj Richin Bix Chire ri Dios 34:6

Yin ri kan in poqonatajineq xisik'in, y kan xinak'axex k'a roma ri Jehová. Y rija' kan xirelesaj k'a chupan ronojel ri tijoj-poqonal.

Ex 3:7

Y ri Jehová xubij k'a chire: Yin kan nintz'et-wi ri tijoj-poqonal ri nuq'axaj ri nutinamit ri k'o pan Egipto, roma e ya'on pa kow taq samaj. Xinwak'axaj ri raqoj-chi'ij ri nikiben y re' kan nuya' k'a q'axo'n chuwe yin y ninjoyowaj kiwech.

Wuj Richin ri Jonás 2:4

Yin xinna' chi xinamalij kan, y xinch'ob-qa chi man jun bey chik xkinapon chupan ri awachoch ri akuchi atk'o-wi rat.

Wuj Richin ri Jonás 2:7

Toq xinna' chi nipe yan ri kamik, yin xatinkanoj, y kan xinato'. Y ri nuch'abel xapon awik'in ri akuchi atk'o-wi.

Wuj Richin ri Habacuc 2:20

Jak'a ri Jehová kan k'o-wi chupan ri rachoch, roma ri' konojel tzobaj winaqi' richin re ruwach'ulew man keq'ajan chuwech.

San Lucas 22:44

Y kan janila k'a q'axo'n ri k'o pa ránima. Roma ri' kan rik'in k'a ronojel ránima nich'on rik'in ri Dios. Y roma ri' xuchop nitz'oqpin. Y ri ya' ri nel chirij kan nima'q taq tz'uj, achi'el toq jun nibiyin rukik'el.]*f36*

Hebreos 5:7

Toq ri Cristo k'a k'o na wawe' chuwech re ruwach'ulew y xapon chuwech ri tijoj-poqonal, xch'on rik'in ri Dios rik'in ronojel ruchuq'a', xoq' y xuk'utuj chire chi tuto', roma retaman chi ri Dios kan nitikir-wi nuto' chuwech ri kamik. Y ri Dios kan xrak'axaj-wi ri Cristo, roma rija' kan ruya'on-wi ruq'ij ri Dios.

Santiago 5:4

Rix xa rik'in q'oloj man e itojon ta ri isamajela' richin pa juyu' y rije' kan yejilo k'a. Jak'a ri nimalej ajaw, ri rajaw ronojel, kan xrak'axaj ri kiraqoj-chi'ij rije'.