2 Sam 22:45 - Kaqchiquel Bible

⁴⁵ Kan xaxe k'a xkak'axaj ri nuch'abel, kan xkinimaj ri nutzij. Chuqa' ri man e nuwinaq ta, kan xkiqasaj-ki' chinuwech.

2 Sam 22:45 ပူးပေါင်းရင်းမြစ်များ

Wuj Richin Bix Chire ri Dios 81:15

Keri', ri winaqi' ri yinketzelaj yin Jehová, kan ta xkiqasaj-ki' chikiwech rije'; ri rutojbalil-mak pa kiwi' ri winaqi' ri' kan ta richin q'asen.

Wuj Richin Bix Chire ri Dios 66:3

Kan kere' k'a tibixaj chire ri Dios: ¡Janila k'a e meyel ri abanobal! Roma ri runimirinen ri awuchuq'a', nikiqasaj-ki' chawech ri e etzelanel awichin.

Hechos 8:13

Chuqa' ri Simón ri aj-itz xunimaj y xqasex ya' pa ruwi' retal richin xukuquba' ruk'u'x rik'in ri Cristo. Rija', kan akuchi k'a beneq-wi ri Felipe, kan tzeqetel k'a el chirij. Jak'a rija' kan achi'el k'a nisach ruk'u'x toq yerutz'et ri nima'q meyel taq banobel y ri retal ri yerubanala' ri Felipe.

Wuj Richin ri Isaías 56:6

Wi ri man e iwinaq ta xkinkitzeqelibej richin yinkisamajij yin, y rije' xkinkajo' yin richin nikiya' nuq'ij, y wi nikichajij ri q'ij richin uxlanenri'il richin man yemakun ta, wi nikichajij ri jikibel-tzij ri xkiben wik'in yin,

Wuj Richin ri Isaías 56:3

Wi k'o jun ri man aj wawe' ta, y nujech-ri' chuwe yin, man tuya' q'ij chi rija' nubij chi ja yin xich'aron chi'ikojol rix. Chuqa' man tuya' q'ij chi ri eunuco nubij chi rija' achi'el jun che' chaqi'j.

Deut 33:29

Ri Jehová xkolon iwichin, y kan xuya' janila urtisanik chiwe. Ri Jehová kan yixruchajij y kan yixruto'. Rija' nuben oyowal pan ik'exel rix richin yixch'akon chikij ri etzelanel iwichin, y kan ja rix xkixk'oje' pa kiwi' rije', xcha' ri Moisés.