2 Sam 22:44 - Kaqchiquel Bible

⁴⁴ Ri Jehová kan xirukol k'a chuwech ri koyowal ri winaqi' ri man nikitzeqelibej ta rija'. y kan xuben chuwe richin xinok aj-raqen, pa kiwi'. Y re wakami xuben chike ri winaqi' ri man wetaman ta kiwech chi yinkisamajij.

2 Sam 22:44 ပူးပေါင်းရင်းမြစ်များ

Wuj Richin ri Isaías 55:5

Rix kan xke'iwoyoj tzobaj winaqi' kichin ri ruwach'ulew ri man jani iwetaman ta kiwech, y re winaqi' re' kan anineq k'a xkepe woma yin Jehová ri i-Dios, ri in Loq'olej ri xibanon chiwe chi nik'oje' janila iruwaq'ijaj.

2 Sam 3:1

Jak'a ri labal chikikojol ri e ka'i' tzobaj ri' xa man xtane' ta qa, xa kan más k'a xnimer. Y ri David y ri ruwinaq más nik'oje-el kuchuq'a', jak'a ri e ruwinaq kan ri Saúl xa xemayamo-qa.

2 Sam 19:14

Keri', konojel ri winaqi' aj-Judá xa jun kiwech xkiben y xkiteq rubixik chire ri David chi titzolin-pe y keruk'ama-pe konojel ri ek'o rik'in.

2 Sam 19:9

Chirij re' ri ch'aqa' chik israelita xa nikibila' k'a chikiwech: Ri David xojrelesaj pa kiq'a' ri e etzelanel qichin y xojrukol pa kiq'a' ri aj-Filistea; jak'a xa k'o chi animajineq-el pa qaruwach'ulew roma ri Absalón.

Deut 28:13

Y ri Jehová kan ja rix k'a ri xkixruya' pa nabey chikiwech konojel winaqi', y rix kan man jun ri xtik'oje' pan iwi', xaxe kan titaqej k'a ri pixa' ri ruya'on ri Jehová ri qa-Dios, ri ninbij chiwe wakami, kan tibana' k'a.

Apocalipsis 11:15

Y jari' k'a toq ri ruwuq ángel xuxupuj ri trompeta. Y ri ek'o chila' chikaj rik'in uchuq'a' xech'on-pe, y xkibij: Ri ajawaren richin ri ruwach'ulew wakami richin chik ri Dios ri qajaw, y richin ri Jesús ri Cristo. Kan rija' ri xtiq'aton-tzij pa kiwi' ri winaqi' richin tibe-q'ij tibe-seq, xecha'.

Romanos 15:12

Y ri Isaías rutz'iban kan chuqa':*f55* K'o jun riy-rumam ri Isaí xtik'oje', y xtok q'atoy-tzij pa kiwi' ri man e judío ta, y ri winaqi' ri' kan xtikoyobej k'a chi nikil utzil rik'in, nicha'.

Romanos 9:25

Toqaqa chi'ik'u'x ri nubij*f24* ri Dios chupan ri wuj ri tz'iban kan roma ri Oseas: Ri winaqi' ri man e nutinamit ta, xtinben chike chi xke'ok nutinamit. Ri man e wajowan ta pe, rije' kan xkenwajo' k'a.

Os 2:23

Xkenbenya' chik k'a ri nutinamit chupan ri ruwach'ulew. Xtinjoyowaj chik k'a ruwech ri Man Jun Xtijoyowan Ruwech; xtinbij chik k'a chire ri Ri Man Nutinamit Ta; Rat Kan at Nutinamit, xkicha' chire. Rija' kan xtubij chik k'a chuwe: ¡Ja rat ri at nu-Dios!, xticha' chuwe, xcha' ri Dios.

Dn 7:14

Kan xya'ox k'a uchuq'a', ruwaq'ijaj y ajawaren chire. Konojel k'a ri winaqi', ri e richin chijun ri tinamit, ri ruwach'ulew y ri jalajoj ruwech ri kich'abel kan k'o chi nikisamajij. Ri ruq'atbal-tzij rija' kan richin k'a q'asen, y ri rajawaren kan man jun k'a xtiwulan richin.

Wuj Richin ri Isaías 65:1

Ri Jehová nubij: Ja ri man jun kik'utun chuwe, chikiwech rije' xtink'ut-wi-wi'. Ri kan man jun bey in kikanon ta, ja rije' ri xke'ilon wichin. Y ja ri tinamit ri man jun bey kinatan ta nubi', chike k'a rije' xtinbij chi jare' ink'o wawe'.

Wuj Richin ri Isaías 60:12

roma ri ruwach'ulew ri man xkixkilij ta, xa xkek'is, y ri kajawaren xkek'is jumul.

Wuj Richin Bix Chire ri Dios 110:6

Xtuq'et k'a tzij pa kiwi' ri tzobaj winaqi' richin ri ruwach'ulew. Chijun ri ruwach'ulew kan xkenoj k'a rik'in kaminaqi'. Xkeruk'is k'a konojel ri ch'aqa' chik rey.

Wuj Richin Bix Chire ri Dios 18:43

Ri Jehová kan xirukol k'a chuwech ri koyowal ri winaqi' ri man nikitzeqelibej ta rija', kan xuben chuwe richin xinok aj-raqen pa kiwi'. Y re wakami xuben chike ri winaqi' ri man wetaman ta kiwech chi xinkisamajij.

Wuj Richin Bix Chire ri Dios 2:8

Tak'utuj k'a chuwe, y yin xtinya' chawe ronojel ruwach'ulew richin xtawichinaj. Kan chijun k'a ri ruwach'ulew xtok awichin.

2 Sam 20:22

K'ari' ri ixoq rik'in na'oj xch'on rik'in ri tinamit richin nikiben rik'in ri Sebá ri nik'atzin. Y rije' xkitzak'ij k'a ri rujolon ri Sebá ruk'ajol ri Bicrí, y xkik'eq-pe chire ri Joab. Roma ri' ri Joab xuxupuj ri trompeta richin xkiya' kan ri tinamit. Chirij ri' xebe pa taq kachoch. Y ri Joab xtzolin pa Jerusalem rik'in ri David.

2 Sam 5:1

Xe'apon k'a ri ch'aqa' chik tzobaj richin Israel rik'in ri David pan Hebrón richin yech'on rik'in. Y kere' xkibij chire: Ojk'o wawe' roma junan qakik'el y junan qabaqil-qaboch'il.

Wuj Richin ri Isaías 55:4

Roma yin kan xinya' ri David pa kiwi' ri tinamit richin ja rija' ri xok aj-raqen y tijonel pa kiwi' winaqi' richin ri ruwach'ulew, richin ja rija' ri xq'alajirisan chikiwech rije' ri nubanobal yin.