2 Sam 22:21 - Kaqchiquel Bible

²¹ Ri Jehová xuya' k'a ri ch'akonik chuwe yin. Roma k'a ri ruch'ajch'ojil ri wánima, xuya' chuwe ri ruk'amon.

2 Sam 22:21 ပူးပေါင်းရင်းမြစ်များ

2 Sam 22:25

Roma ri ruch'ajch'ojil ri wánima chuwech ri Jehová, xa roma ri' rija' k'o xuya' chuwe.

1 Rey 3:6

Y ri Salomón xubij chire: Rat kan janila xajoyowaj ruwech ri asamajel David ri nata', roma rija' kan xarutzeqelibej y ja ri ruchojmilal ri xuben chawech y ronojel ri xuben chawech kan qitzij wi. Y roma ri' kan xajoyowaj ruwech richin xaya' kan jun ruk'ajol chupan re q'atbel-tzij pa ruk'exel rija' roma xken-el, y ja yin ri' ri in asamajel.

1 Rey 8:32

rat Ajaw kan tawak'axaj ri chila' chikaj, y xtaben k'a ri ruk'amon. Xtaq'et-tzij pa kiwi' ri winaqi' ri'. Kan xtaben k'a chi xtiqaqa ri ruk'ayewal pa ruwi' ri aj-mak, y xtaben k'a ri ruchojmilal pa ruwi' ri maneq rumak. Rik'in ri chojilej aq'atbel-tzij, rat xtaq'et-tzij pa kiwi'.

Wuj Richin ri Achin Job 17:9

Y ri yech'obon chi kan choj ri kik'aslen, kan keri' xtikiben-apo jantape'. Chuqa' roma kan nikich'ob chi ch'ajch'oj ri kik'aslen, xtipe y xtipe más kuchuq'a'.

Wuj Richin Bix Chire ri Dios 19:11

Ronojel re', kan nubij k'a chire ri asamajel ri utz y ri man utz ta nuben; wi nuyek re' pa ránima, kan k'o rajel ruk'exel xtuk'ul.

Wuj Richin Bix Chire ri Dios 24:4

Xa kan xaxe k'a ri ch'ajch'oj kibanobal y ch'ajch'oj kánima, ri man kikuquban ta kik'u'x rik'in ri wachibel, ni man jun q'olonik nikiben.

Wuj Richin Bix Chire ri Dios 7:8

Jehová ja rat ri yaq'aton-tzij pa kiwi' ri winaqi'. Taq'ata' k'a tzij chuqa' pa nuwi' yin, achi'el ri ruchojmilal ri nuk'aslen.

Wuj Richin Etamabel-Tzij 11:31

Kan qitzij wi chi ri choj ruk'aslen, kan chuwech yan re ruwach'ulew nuk'ul-el rajel ruk'exel; jak'a ri wineq itzel y ri aj-mak, kan más ruk'amon chi nikik'ul yan el rutojbalil re chuwech re ruwach'ulew.

1 Corintios 15:58

Y roma ri', wach'alal ri janila yixinwajo', ninbij k'a chiwe chi kan kow kixk'oje', y man tiya' kan. Kan beneq k'a ruwech tibana' ri rusamaj ri ajaw, y jebel tibana' chire, roma ronojel ri niben roma rija', kan k'o-wi utz ri nuk'en-pe chiwe.

Santiago 4:8

Kixjel-apo rik'in ri Dios, y rija' chuqa' xtijel-pe iwik'in. Rix ri yixmakun chuwech ri Dios, tich'ajch'ojirisaj ri ik'aslen. Rix ri ka'i' ik'u'x rik'in ri Dios, tich'ajch'ojirisaj ri iwánima.

1 Sam 26:23

Y ja ta ri Jehová xtiya'on rajel ruk'exel chuwe achi'el ri ruchojmilal ri xinben, roma rija' kan xarujech pa nuq'a' wakami. Jak'a yin man xinwajo' ta xinjeluj nuq'a' chawij rat ri kan at cha'on roma ri Jehová richin at okineq rey.