2 Sam 21:6 - Kaqchiquel Bible

⁶ Jak'a re wakami wi rat qitzij chi nawajo' yojato', ke'ajacha' k'a pe chiqe e wuqu' chike ri e rijatzul kan ri Saúl, ri xcha'ox roma ri Jehová, richin xkeqatzeqeba' chuwech ri Jehová chiri' pa Guibeá ri rutinamit ri Saúl, xecha'. Y ri David xubij chi kan xkerujech k'a chike.

2 Sam 21:6 ပူးပေါင်းရင်းမြစ်များ

1 Sam 10:24

Y ri Samuel xubij chire ri tinamit: ¿Xitz'et ri achike xucha' ri Jehová richin nok kan rey? ¡Man jun chiwe rix ri nitikir ta nujunamaj-ri' rik'in rija'!, xcha'. K'ari' ri winaqi' xkibij: Utz ruwa-ruq'ij ri rey, yecha'.

1 Sam 11:4

Xe'apon k'a ri achi'a' ri e uk'uey bey chiri' pa Guibeá, rutinamit ri Saúl. Xkibij k'a ronojel ri ch'abel ri bin chike, y jari' toq konojel winaqi' richin ri tinamit xkichop oq'ej.

1 Sam 10:26

K'ari' xeruteq-el ri winaqi', y chikijujunal xebe pa taq kachoch. Y ri Saúl chuqa' xbe pa rachoch pa Guibeá e rachibilan-el ri aj-labal. Y ri achi'a' ri' kan ja ri Dios ri xsilon-el kánima richin xebe chirij ri Saúl.

Hechos 13:21

Jak'a rije' jun rey ri xkajo' richin niq'aton-tzij pa kiwi'. Y ri Dios kan xuya-wi k'a ri ki-rey. Kawineq juna' ri xq'aton-tzij pa kiwi' ri qati't-qamama'; ri rey ri' xubini'aj Saúl. Rija' ruk'ajol k'a ri Cis. Y ri Saúl jun rijatzul kan ri Benjamín.

San Mateo 27:5

K'ari' rija' xutorij kan ri méro ri chiri' pa rachoch ri Dios, y xel-pe chiri' richin xberujitz'aj-ri'.

Wuj Richin ri Esdras 6:11

Chuqa' kan yin yibin-el chiwe chi xabachike xtiya'on ruwi' re pixa' re', kan xtelesex-el jun tem chire ri rachoch ri wineq ri' y kan xtipabex ri tem. Y chutza'n ri' xtitzeqebex-wi, y ri rachoch kan jumul xtitorix y xtok kan jun toribel q'ayis.

2 Sam 18:10

Y jun chike ri xtz'eton, xberubij chire ri Joab chi ri Absalón tzeqel chuq'a' jun paten che'.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

1 Sam 10:1

K'ari' ri Samuel xuchop jun k'ojelibel nojineq chi aceite y xuq'ej pa rujolon ri Saúl. K'ari' xutz'ubaj y xubij chire: Ja ri Jehová xturtisan awichin. Ja rija' ri xacha'on richin xatok rey pa ruwi' ri tinamit Israel. Ja retal re' chi ja rija' ri xcha'on awichin.

Wuj Richin ri Josúe 10:26

Chirij ri' ri Josué y ri achi'a' xekikamisaj ri e wo'o' rey ri' y k'ari' xekikanoj wo'o' che', y ri kich'akul xetzeqebex chike ri che' ri' y chiri' xek'oje-wi, k'a toq xqaqa na qa ri q'ij.

Wuj Richin ri Josúe 8:29

Y ri rey richin ri Ai, xtzeqebex chire ruq'a' jun che' k'a toq xqaq'ij na qa. K'ari' ri Josué xubij chi tiqasex ri ruch'akul, y tikiya-el chuchi' ri tinamit, y chiri' xkimol kan jun molaj abej pa ruwi', y kan k'o chiri' k'a re wakami.

Deut 21:22

Y wi k'o ta jun nimakun ri kan ruk'amon richin nikamisex y nitzeqebex chuwech jun che',

Wuj Richin ri Rutikeribel 40:22

Jak'a rik'in ri aj-raqen kichin ri yebanon kaxlan-wey, kan xbanatej achi'el ri xuq'alajirisaj ri José chire; kan xtzeqebex richin xjitz' chuqul.

Wuj Richin ri Rutikeribel 40:19

Pan oxi' q'ij apo ri rey xkaroyoj y xtrelesaj ajolon y k'ari' xkarutzeqeba' chutza'n jun che', y xkepe k'a ri aj-xik' taq chikopi' xtokitija-el ri ach'akul, xcha' chire.

1 Sam 24:21

Wakami k'a David, taya' atzij chinuwech, pa rubi' ri Jehová, chi man xke'akamisaj ta ri wijatzul richin nayoj ri nubi' jumul, xcha' ri Saúl.

2 Sam 19:28

Roma qonojel ri oj aj pa rachoch kan ri numama' kan ruk'amon chi xojakamisaj ta. Man rik'in ri' rat xinawoyoj richin junan yiwa' awik'in pa mesa. ¿Achike ta k'a xtinbij yin chawe rat nu-rey ri k'o chi naben wik'in yin?, xcha'.

1 Sam 24:22

Y ri David kan xuya' k'a rutzij chuwech ri Saúl. Y k'ari' ri Saúl xbe pa rachoch. Jak'a ri David y ri achi'a' xetzolej chik kan chupan ri jul akuchi nikewaj-wi-ki'.

1 Crón 12:3

Ri k'o más ruq'ij ja ri Ahiézer; chirij rija' ja ri Joás, ruk'ajol ri Semaá aj-Guibeá; ri Jeziel, ruk'ajol ri Azmávet; ri Pélet, ruk'ajol chuqa' ri Azmávet; ri Beracá aj-Anatot; ri Jehú chuqa' aj-Anatot;