2 Sam 21:2 - Kaqchiquel Bible

² Ri gabaonita man e israelita ta. Xa jun tinamit ri xek'oje' kan chike ri amorreo, ri achoq ik'in xkiya' kitzij ri israelita richin man yekikamisaj ta. Jak'a ri Saúl xa xuchop kikamisaxik, roma man nrajo' ta chi ri winaqi' ri' yek'oje' chikikojol ri israelita. Roma ri' ri rey David xeroyoj ri gabaonita, richin xch'on kik'in.

2 Sam 21:2 ပူးပေါင်းရင်းမြစ်များ

Wuj Richin ri Rutikeribel 15:16

Y ri rukaj sol chire ri awijatzul xketzolin chik pe chupan re ruwach'ulew re', roma man jani tik'o ruwi' ri kimak ri rijatzul ri Hamor richin ninwelesaj ri ruwach'ulew chike, xcha' ri Dios.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

2 Rey 10:16

Y ri Jehú xubij chire: Wakami yabe wik'in richin xtatz'et chi yin rik'in ronojel wánima ninwajo' ri Jehová, xcha'. Y keri' junan k'a xebe chupan ri ru-carruaje.

2 Rey 10:31

Jak'a ri Jehú man xutaqej ta rik'in ronojel ránima ri rupixa' ri Jehová Dios, y kan man xuch'er ta kan ri' chire ri mak ri xuben ri Jeroboam toq xuben chike ri aj-Israel richin xemakun.

1 Crón 1:14

Chupan ri e rijatzul ri Canaán e eleneq-wi-pe ri winaqi' jebuseo, ri amorreo, ri gergeseo,

San Juan 16:2

Xkixoqotex k'a pe ri chiri' pa taq jay akuchi nimol-wi-iwi' richin niwak'axaj ri ruch'abel ri Dios. Y kan xtapon-wi k'a chuqa' ri q'ij toq ri winaqi' xtikich'ob chi rusamaj ri Dios nikiben rije' toq yixkikamisaj.

Romanos 10:2

Yin wetaman chi rije' nikitej kiq'ij richin nikitzeqelibej ri Dios, jak'a xa man ketaman ta ri achike rubanik nikiben.

Gálatas 4:17

Y ek'o k'a ka'i-oxi' winaqi' chi'ikojol ri k'iy utzil nikiben chiwe. Jak'a rije' keri' nikiben roma nikajo' chi ye'itzeqelibej, y yinimalij ta kan yin.

Deut 7:16

Y rix kan xke'ik'is konojel ri e nima'q taq tinamit ri xkeruya' ri Jehová ri qa-Dios pan iq'a'; man tikuy kimak y man tiya' kiq'ij ri ki-dios, roma jari' ri xtok jun pikbel chiwe rix.

1 Sam 14:44

Y ri Saúl xubij: Kan ja ri Dios xtiya'on rutojbalil-mak pa nuwi' wi rat man xkaken ta, xcha'.