2 Sam 21:16 - Kaqchiquel Bible

¹⁶ Chikikojol ri aj-Filistea k'o k'a jun achin nim rupalen, rubini'an Isbí-benob. Y ri rukum ralal más juba' waqxaqi' libra, y banon rik'in q'enq'oj-pueq. Y xerupan ruk'uan k'a jun ru-espada k'ak'a', y re achin re' xrajo' ta xukamisaj ri David.

2 Sam 21:16 ပူးပေါင်းရင်းမြစ်များ

2 Sam 21:20

Y xbanatej chik k'a jun oyowal ri pa tinamit Gat. Y chiri' k'o k'a jun achin ri janila nim rupalen, y k'o k'a kablajuj ruwi-ruq'a' y kablajuj ruwi-raqen.

2 Sam 21:18

Xbanatej k'a jun chik oyowal pa tinamit Gob kik'in ri aj-Filistea. K'o k'a jun israelita rubini'an Sibecai husatita, ri xukamisaj ri Saf, jun chike ri winaqi' nima'q kipalen.

2 Sam 21:22

Keri' ri e kaji' achi'a' nima'q kipalen aj-Gat xetzaq pa ruq'a' ri David y pa kiq'a' ri aj-labal.

2 Sam 5:18

Y xejote' k'a el ri aj-Filistea, y xebek'oje' pa taq'aj richin Refaim.

Deut 9:2

Ri winaqi' ri ek'o chiri' kan nima'q kipalen y e rijatzul kan ri achin rubini'an Anac, rix kan iwak'axan k'a chi kere' nibix: Kan man jun nitikir kik'in ri e rijatzul kan ri Anac, yecha'.

Deut 3:11

Kan xaxe chik k'a ri rey Og ri k'o kan chike ri e refaíta. Ri raqen ri ruch'at*f1* ka'i' jaj rik'in ka'i' q'a'aj y ri ruwech jun jaj rik'in jun q'a'aj, y re' kan rik'in ch'ich' banon-wi. Y ri ch'at ri' k'o k'a pa kitinamit ri amonita kela' pa Rabá k'a re wakami.

Deut 2:21

Ojer kan ri refaíta kan janila e k'iy y janila kuchuq'a' y nima'q kipalen, achi'el ri e rijatzul kan ri Anac. Ri Jehová xerukusaj k'a ri amonita richin xeruk'is-el ri winaqi' ri'. Y ja ri amonita xek'oje' kan pa kik'exel.

Deut 2:10

Ojer kan xek'oje' ri winaqi' emita chiri'. Ri winaqi' ri' janila e k'iy, kan janila kuchuq'a' y nima'q kipalen, kan e achi'el ri e rijatzul kan ri Anac.

Deut 1:28

Wakami k'a ¿Akuchi k'a xqojbe-wi? Ri qawinaq ri xeqateq xojokixibij y xkibij chiqe chi ri winaqi' ri ek'o chiri' kan más kuchuq'a' y más nima'q kipalen chiqawech roj y ri kitinamit kan janila e nima'q, y e sutin-kij rik'in tz'aq ri kan janila nej e jotol chikaj. Y chuqa' xkibij chiqe chi xekitz'et kan ri e rijatzul ri Anac. Y roma ri' xqamalij qak'u'x, xixcha'.

Wuj Richin ri Rutikeribel 14:5

Y chupan ri juna' kablajuj xpe ri Quedorlaómer y ri ch'aqa' chik rey ri ek'o rik'in rija' y xekich'ek kan ri rijatzul ri Refa ri ek'o pan Astarot Carnaim y ri rijatzul ri Zus ri ek'o pan Ham, y ri winaqi' emita ri ek'o pa Savé-quiriataim,

Wuj Richin ri Rutikeribel 6:4

Chupan ri q'ij ri', toq ri e ralk'ual ri Dios xek'ule' kik'in ri xtani' ri', y xe'alk'ualan k'a, ek'o k'a achi'a' ri nima'q kipalen*f8* chuwech ri ruwach'ulew ri yekiya' pa k'ayew ri ch'aqa' chik. Y chikij k'a rije' ek'o k'a chuqa' ch'aqa' chik itzel taq achi'a' ri kan e achi'el ri xeq'ax yan ri xek'uluyaj-pe. Jare' ri itzel taq achi'a' ri maneq xibinri'il chikiwech ri yalan xenatex ri ojer kan.

Wuj Richin ri Q'axanri'il 13:22

Rije' xe'ok k'a el ri chiri' pa xokon chire ri ruwach'ulew Canaán y pa jun tinamit rubini'an Hebrón, chiri' xe'apon-wi nabey. Y ja ri chiri' ek'o-wi oxi' achi'a' ri e rijatzul kan ri Anac. Y ri achi'a' ri' kibini'an Ahimán, Sesai y Talmai. Ri tinamit Hebrón wuqu' juna' nabey xban-q'anej chuwech ri tinamit Soan ri k'o pan Egipto.

Wuj Richin ri Q'axanri'il 13:28

Jak'a ri winaqi' ri e chapayon ri ruwach'ulew ri', janila kuchuq'a'; y ri tinamit janila e nima'q y e tz'apen-kij chi tz'aq; y ri chiri' xeqatz'et chuqa' kan ri e rijatzul kan ri Anac, ri janila nima'q kipalen.

Wuj Richin ri Josúe 15:14

Ri Caleb xerelesaj k'a pe chi e oxi' rijatzul kan ri Anac: Ri Sesai, ri Ahimán y ri Talmai.

Deut 2:11

Chuqa' re winaqi' re' nibix refaíta chike y chuqa' e rijatzul kan ri Anac, stape' ri winaqi' aj-Moab nikibij emita chike.

Wuj Richin ri Josúe 11:22

Man jun k'a chike ri e rijatzul ri Anac ri xk'oje' ta kan chupan ri kiruwach'ulew Israel. Xaxe k'a xek'oje' kan chupan ri tinamit Gaza, Gat y Asdod.

1 Sam 17:7

Y ri rupan ri raqen ri rukum, kan achi'el k'a ri che' ri chapayon ri kembel, y ri ralal ri rutza'n, jubama wolajuj libra ri nipajon. Y ri achin ri uk'uayon ri rutobal kan ik'owineq k'a chuwech.