2 Sam 21:12 - Kaqchiquel Bible

¹² jari' toq ri David xberuk'ama' ri kibaqil ri Saúl y ri Jonatán ri k'o kan kik'in ri winaqi' aj-Jabés. Ri aj-Jabés pan ewel k'a xekikol kan ri ch'akulaj kichin ri Saúl y ri Jonatán toq xetzeqebex akuchi nikimol-wi-ki' ri winaqi' chiri' pa tinamit Bet-sán, toq e kamisan chik pe koma ri aj-Filistea pa juyu' Guilboa.

2 Sam 21:12 ပူးပေါင်းရင်းမြစ်များ

Wuj Richin ri Josúe 17:11

Chuqa' ri e rijatzul ri Manasés xkichinaj kan jujun tinamit ri ek'o pa kiruwach'ulew ri Isacar y ri Aser. Ja tinamit re' rik'in ri kokoj kitinamit ri ek'o chikinaqaj: Ri Bet-seán, Ibleam, Dor, Endor, Taanac, ri Meguido y ri oxi' taq'aj ruwi-juyu'.

1 Crón 10:1

K'o k'a jun q'ij ri aj-Filistea xkichop oyowal kik'in ri israelita ri chiri' pa juyu' rubini'an Guilboa. Jak'a ri israelita xa xe'animej y xeken kan e k'iy chike chiri'.

2 Sam 1:21

Ri Dios xtuben ta k'a chi man ta chik xtiqaqa raxq'ab pa ruwi' ri juyu' Guilboa. Xtuben ta chi man ta chik xtiqaqa ri job pa ruwi'. Ri tiko'n man ta chik xtiwachin richin maneq ta chik xtikikusaj richin ri kisipanik. Roma chiri' xepune-wi kan ri kitobal ri maneq xibinri'il chikiwech; ri rutobal ri Saúl xa man xtz'intz'ot ta chik chiri'.

2 Sam 1:6

K'ari' ri ala' xubij: Yin chaq k'ate' xinapon chiri' pa juyu' Guilboa, y jari' toq xintz'et ri Saúl ruxik'ik'en-ri' chirij ri rukum. Y chirij rija' e peteneq aj-labal aj-Filistea ri ye'apon yan rik'in; ek'o e beneq pa ki-carruaje y ek'o ri e ch'okol-el chirij kiej.

1 Sam 31:1

Rokik re', ri aj-Filistea xkichop oyowal kik'in ri israelita. Jak'a rije' xa xe'animej chikiwech ri aj-Filistea, y xeken k'a chuwa taq juyu' richin Guilboa.

1 Sam 28:4

Ri aj-Filistea xkimol k'a ki' y xepe pa tinamit Sunem, y chiri' xek'oje-wi. Ri Saúl chuqa' xerumol k'a konojel ri ruwinaq y xebek'oje' pa Guilboa.

1 Crón 10:8

Ri ruka'n q'ij xe'apon ri aj-Filistea kik'in ri kaminaqi' richin nikik'uaj-el ronojel ri k'o kejqalen ri k'o kik'in. Y toq xe'apon pa juyu' Guilboa xekitz'et ri kich'akul ri Saúl y ri e ruk'ajol e li'an kan.

1 Sam 31:3

Y ri oyowal kan más k'a xnimer-q'anej, y xkiq'ijuj ri Saúl ri q'ij ri', roma ri e aj-ch'ab xkimej rik'in ri kich'ab y kan janila xsokotej.

1 Sam 31:4

Roma ri' xubij chire ri achin uk'uey rukamisabal: Tawelesaj la a-espada y kinakamisaj, richin chi man yepe ta ri achi'a' ri man ketaman ta ruwech ri Dios, y ja rije' xkekamisan wichin y xketze'en chuwij, xcha'. Jak'a ri uk'uey ri rukamisabal man xrajo' ta xukamisaj, roma janila xuxibij-ri'. K'ari' ri Saúl xuchop ri ru-espada y xuk'eq-ri' chutza'n y xukamisaj-ri'.

2 Sam 21:11

Toq xbix k'a chire ri David ri najin chubanik ri Rispá, ri ru-concubina kan ri Saúl,

2 Sam 21:13

Ri David xuben chi xuk'uex-el ri kibaqil ri Saúl y ri Jonatán, y xekimol chuqa-el ri kibaqil ri wuqu' ri xetzeqebex chiri' pa Guibeá.

2 Sam 2:4

Y xeri' xe'apon k'a ri e aj-raqen richin ri Judá rik'in ri David richin xbekiqasaj aceite pa ruwi' richin xok kan rey. Chirij ri' xtzijox chire ri David chi ja ri achi'a' aj-Jabés ri richin Galaad ri xebanon utzil richin xkimuq ri Saúl.

1 Crón 10:12

jari' xeyakatej-el konojel aj-labal, ri man jun xibinri'il chikiwech, xbekik'ama-pe ri ruch'akul ri Saúl y ri kich'akul ri e ruk'ajol, y xebekiya' kan chiri' pa Jabés. Xekimuq k'a kan chuxe' jun paten-che', y kan xemewayin k'a wuqu' q'ij.