2 Sam 21:1 - Kaqchiquel Bible

¹ Rokik ri David niq'aton-tzij, xpe k'a jun wayjal ri xuben oxi' juna'. Y toq ri David xuk'ulubej ri Jehová, ri Jehová xubij chi re wayjal re' xpe pa kiwi' rije' roma ri Saúl y ri e rijatzul e kamisanela'. Roma rije' xa xekikamisaj ri gabaonita.

2 Sam 21:1 ပူးပေါင်းရင်းမြစ်များ

Wuj Richin ri Rutikeribel 12:10

Y chiri' pa Canaán xpe k'a jun nimalej wayjal, y roma ri' ri Abram xapon pan Egipto y chiri' xbek'oje-wi, rokik niq'ax ri wayjal ri'.

Wuj Richin ri Rutikeribel 26:1

Y chupan k'a ri ruwach'ulew ri' xpe k'a jun nimalej wayjal, achi'el ri nabey wayjal ri xq'ax toq k'a k'es na ri Abraham. Roma ri' ri Isaac xbe pa tinamit Guerar akuchi k'o-wi jun rey rubini'an Abimélec ri k'o pa kiwi' ri aj-Filistea.

Wuj Richin ri Rutikeribel 41:57

Y roma ri wayjal beneq runimirinen, xe'apowiyaj k'a chuqa' winaqi' kichin ch'aqa' chik ruwach'ulew, richin yebeloq'on rik'in ri José, roma chijun ruwach'ulew k'o k'a pa jun nimalej wayjal.

Wuj Richin ri Rutikeribel 42:5

Y ri e ralk'ual k'a ri Israel, xebe k'a. Rije' xebe chikikojol ri ch'aqa' chik winaqi' ri xebe chuqa' richin xbekiloq'o' ki-trigo, roma pa ruwach'ulew Canaán kan k'o chuqa' wayjal.

Wuj Richin ri Rutikeribel 43:1

Ri wayjal kan janila k'a xnimer yan chupan ri ruwach'ulew Canaán.

2 Sam 16:8

Ri Jehová xuya' rutojbalil chawe ronojel ri kamik ri xe'aben rik'in ri rijatzul kan ri Saúl, ri xatok kan pa ruk'exel. Wakami ri Jehová xujech ri aq'atbel-tzij pa ruq'a' ri ak'ajol Absalón. Jak'a ruk'ayewal re' ri xqaqa pan awi' roma ri etzelal ri xe'abanala'; roma rat kan at jun kamisanel-wi, xcha'.

2 Sam 20:26

Y ri Irá aj-Jair chuqa' sacerdote richin ri David.

2 Sam 21:5

Jari' toq ri gabaonita xkibij chire: Ja ri Saúl ri xrajo' ta chi xojruk'is-el richin chi kan man jun chik chiqe roj nik'oje' kan chuwech re iruwach'ulew rix.

2 Sam 24:1

Chirij ronojel re' ri Jehová xyakatej chik jun bey royowal chikij ri winaqi' israelita, y roma ri' xuya' q'ij chi ri David xtaqchi'ix richin chi xuben jun tz'iban bi'aj chiri' pan Israel y pa Judá.

2 Sam 5:19

K'ari' ri David xuk'ulubej ri Jehová richin nretamaj wi ruk'amon niyakatej-el chikij richin niberubana' oyowal kik'in. Y xuk'utuj chuqa' wi yerujech pa ruq'a'. Y ri Jehová xubij chire chi kan xkerujech-wi pa ruq'a'.

2 Sam 5:23

Y ri David xuk'ulubej chik jun bey ri Jehová. Y rija' xubij chire chi man tijote-el chikiwech, xa tibekisutij-pe-kij y kekichapa' chi oyowal akuchi ek'o-wi ri che' bálsamo.

1 Rey 17:1

Y k'o k'a jun q'ij k'o jun q'alajirisey ruch'abel ri Dios ri xch'on rik'in ri rey Acab. Y ri q'alajirisanel ri' rubini'an Elías, y rija' aj-Tisbé, ri k'o pa ruwach'ulew Galaad. Y ri Elías xubij chire: Chuwech ri k'aslik Jehová Dios richin Israel, ri achoq chuwech in pa'el wi yin, ninbij chawe chi man xtiqaqa ta job ni raxq'ab pa ruwi' re ruwach'ulew Israel, k'a ja toq xtinbij na yin, xcha'.

1 Rey 18:2

K'ari' ri Elías xbe richin niberuk'utu-ri' chuwech ri Acab. Y ri wayjal ri chiri' pa Samaria kan janila k'ayew rubanon.

2 Rey 6:25

Roma ri' chupan ri tinamit ri' xpe k'a jun nimalej wayjal. Kan janila k'a ruk'ayewal ri xk'oje' chupan ri tinamit ri', y roma ri' ri jun rujolon bur nik'ayix chi ka'i' libra saqipueq y jun moq' rukis paloma*f2* nik'ayix chi ka'i' onza saqipueq.

2 Rey 8:1

K'o k'a jun q'ij chi ri Eliseo xubij chire ri ixoq aj-Sunem ri xuk'asba' ti ral chi tibe y keruk'uaj-el ri ek'o pa rachoch richin yebek'oje' ri akuchi más utz, roma ri Jehová xuteq-pe jun wayjal pa ruwi' ri ruwach'ulew richin wuqu' juna'.

Wuj Richin ri Achin Job 10:2

Yin kan xtinbij k'a chire ri Dios: Man taben chuwe chi kan in aj-mak; taq'alajirisaj k'a chinuwech achike roma toq achapon ch'a'oj chuwij.

Wuj Richin Bix Chire ri Dios 27:8

Ri wánima nubij chuwe chi rat abin kan chi niqaya' aq'ij. Roma ri' yin kan xtinkanoj k'a ri ak'ojlemal rat Jehová.

Wuj Richin Bix Chire ri Dios 50:15

Y kan kinawoyoj k'a chupan ri q'ij richin tijoj-poqonal. Y yin kan xkatinkol y rat kan xtaya' nuq'ij.

Wuj Richin Bix Chire ri Dios 91:15

Rija' k'o xtuk'utuj chuwe, y yin xtink'uluba-pe ri ruch'abel. Kan xkik'oje' rik'in pa bis, Xtinkol k'a y xtinnimirisaj ruq'ij.

Wuj Richin ri Chojmirisabelri'il 26:26

Chupan ri q'ij ri' jari' toq man xtinya' ta chik pe iway, jari' toq juba' ok xtik'oje' y roma ri' lajuj ixoqi' xkek'oje' chuchi' jun q'aq' richin nikiben iway. Y toq nikijech, jutaqba' ok nikiya' chiwe y kan man xtinoj ta ipan rik'in.

Wuj Richin ri Q'axanri'il 27:21

Ri Josué kan jataqil k'a xtapon chuwech ri sacerdote Eleazar, y ri sacerdote xkiruk'ulubej k'a yin rik'in ri Urim y ri Tumim. Ja ri Josué k'a ri xtibin jampe' yebe y jampe' yepe e rachibilan ri ruwinaq. Kan chijun k'a tinamit xtuben ri xtubij rija' chike, xcha'.

Wuj Richin ri Josúe 7:1

K'o k'a jun achin rubini'an Acán ruk'ajol ri Carmí, rumam kan ri Zabdí, ruxikin rumam kan ri achin rubini'an Zérah, richin ri tzobaj Judá. Ri Acán man xunimaj ta tzij y xuk'en-pe juba' chire ri kan banon chire richin nik'is jumul. Y roma ri' ri Jehová xyakatej royowal chikij konojel ri e rijatzul kan ri Israel.

Wuj Richin ri Josúe 9:20

Jare' k'a ri xtiqaben kik'in: Xtiqaya' k'a q'ij chike richin yek'ase', richin chi man nipe ta k'a ruk'ayewal pa qawi' roj roma ri ya'on-tzij ri xqaben, xecha'.

Wuj Richin ri Rut 1:1

Chupan ri ruwach'ulew Israel, toq k'a ja na ri to'onela' ri yeq'aton-tzij, xk'uluwachitej k'a jun nima-wayjal. Y k'o k'a jun achin aj pa tinamit Belén richin ri ruwach'ulew Judá, ri xq'ax-qa pa ruwach'ulew Moab y xbek'oje' chiri' rachibilan ri rixjayil y ri e ka'i' ruk'ajol.

1 Sam 10:22

K'ari' ri Samuel xuk'utuj k'a jun bey chik chire ri Jehová, richin niketamaj wi ri Saúl k'o chiri' o ni. Y ri Jehová xubij chike chi ri Saúl kan k'o-wi chiri' y xa xrewaj-ri' chukojol ri ejqa'n.

1 Sam 23:11

Wakami k'a Jehová ri at qa-Dios; nink'utuj utzil chawe chi tabij chuwe, wi ri winaqi' e richin ri tinamit Queilá xkinkijech el pa ruq'a' ri Saúl. ¿Nipe kami achi'el ri wak'axan yin ri asamajel?, xcha'. Y ri Jehová xubij chi xtipe.

1 Sam 23:2

K'ari' rija' xuk'ulubej ri Jehová richin nretamaj wi nibe pan oyowal kik'in ri aj-Filistea, o ni. Y ri Jehová xubij chire chi tibiyin y tuberukolo' ri tinamit ri'.

1 Sam 23:4

Y k'ari' ri David xuk'ulubej chik jun bey ri Jehová ri achike k'atzinel chi nuben, y ri Jehová xubij chire: Kixyakatej y kixbiyin-qa pa tinamit Queilá, roma yin kan xkenjech pan iq'a' ri aj-Filistea, xcha' ri Jehová.