2 Sam 20:21 - Kaqchiquel Bible

²¹ Yin man ja ta ri' ri nuch'obonik. Roma re wawe' xok-pe jun achin rubini'an Sebá ri aj pa rujuyu' ri Efraín. Ri achin ri' yakatajineq chirij ri qa-rey David. Tajacha' k'a pe rija', y yin xkinel-el wawe' chupan re atinamit, xcha'. Y ri ixoq xuya' k'a rutzij chire ri Joab chi ri ruka'n q'ij xtik'aq-pe ri rujolon ri Sebá chire rija' pa ruwi' ri tz'aq.

2 Sam 20:21 ပူးပေါင်းရင်းမြစ်များ

Wuj Richin ri Jeremías 50:19

Xtinben chi rix xkixtzolin pan iruwach'ulew. Y chiri' kan jebel xkixwa' achi'el jun karne'l ri nik'oje' k'iy ruq'os chiri' pa juyu' Carmelo, pa ruwach'ulew Basán, pa k'echelaj richin Efraín y chiri' pa Galaad.

Wuj Richin ri Jeremías 4:15

roma peteneq itzelej rutzijol chupan chijun ri ruwach'ulew Israel, nitiker-el rik'in ri Dan y napon k'a chuwi' taq juyu' richin Efraín.

2 Rey 10:7

Toq xapon k'a ri wuj kik'in, xekichop k'a ri e oxk'al lajuj winaqi' ri e rijatzul kan ri rey Acab, y xekikamisaj konojel. Chirij ri' xkiya' k'a el ri jolomaj pa taq chakech y xkiteq-el pa Jezreel.

2 Rey 5:22

Y rija' xubij: Ja' utz. Ri wajaw xiruteq-pe richin nonbij chawe chi wakami yan xe'apon rik'in e ka'i' q'alajirisey ruch'abel ri Dios, ri e peteneq chuwi' taq juyu' richin Efraín. Wakami k'a nuk'utuj utzil chawe chi taya' kan 106 libra saqipueq chike, y ka'i' jal k'ak'a' tzieq, xcha' chire.

2 Sam 23:18

Y ri Abisai rach'alal ri Joab, ri e ral ri Seruiá, ja rija' ri k'o más ruq'ij pa kiwi' ri e juwineq lajuj, roma rija' jun bey xuchop nuben oyowal kik'in e 300 achi'a' rik'in ri rukum, y kan xerukamisaj konojel. Roma ri' kan xk'oje' janila ruq'ij chikiwech ri e juwineq lajuj ri'.

2 Sam 20:1

Xk'oje' k'a jun achin ri janila banoy etzelal ri rubini'an Sebá, ruk'ajol ri Bicrí aj-Benjamín. Rija' nuxupuj k'a trompeta y nubila': Roj man jun achike ta niqoyobej chi nuya' ri David chiqe. Man jun niqach'ek chi niqatzeqelibej re ruk'ajol kan ri Isaí. Qonojel roj israelita qojtzolej pa qachoch, nicha'.

1 Sam 26:9

Jak'a ri David xubij chire: Man takamisaj roma ri achike xtikamisan richin ri rey ri kan cha'on roma ri Jehová, kan xtiqaqa rutojbalil pa ruwi'.

1 Sam 24:6

K'ari' xubij chike ri aj-labal: Kan ja ta k'a ri Jehová xkito'on richin man jun ta itzel xtinben chire ri rey, roma rija' kan cha'on roma ri Jehová, xcha' ri David.

Wuj Kichin ri To'onela' 7:24

Ri Gedeón chuqa' xuteq rutzijol kik'in ri tzobaj richin Efraín, y xubij: Kixqaqa-pe richin yo'ik'ulu-el ri aj-Madián. Kixbek'oje' k'a chuchi' ri raqen-ya' Jordán ri akuchi xax juba' rupan ri ya' ri napon k'a pa Bet-bará, richin chi ixk'o chik chiri' toq xke'apon ri aj-Madián, xcha'. Rije' kan xkiben achi'el ri xbix-el chike.

Wuj Kichin ri To'onela' 2:9

Y xkimuq k'a chiri' pa rulew rija' ri pa tinamit Timnat-sérah, ri k'o chuwi' taq juyu' richin Efraín, ri k'o pa xaman chire ri juyu' ri rubini'an Gaas.

Wuj Richin ri Josúe 24:33

Chuqa' xken ri Eleazar, ri ruk'ajol kan ri Aarón y xkimuq ri chuwa-juyu', ri ruk'uluman kan ri ruk'ajol ri Eleazar rubini'an Finees, ri k'o chuwi-juyu' richin ri Efraín.

2 Sam 20:2

Keri' k'a konojel ri israelita xkimalij kan ri David y xkitzeqelibej ri Sebá ruk'ajol ri Bicrí. Jak'a ri aj-Judá xkitzeqelibej ri ki-rey y xkachibilaj-pe k'a pa raqen-ya' Jordán y xe'apon k'a pa Jerusalem.

2 Sam 20:20

Y ri Joab xubij: Ri' man tach'ob. Yin man ja ta re tinamit ri ninwajo' nink'is.

1 Rey 11:26

K'o k'a chuqa' jun chik achin ri xyakatej chirij ri rey, y rija' rubini'an Jeroboam, ruk'ajol ri Nabat, y aj pa Seredá ri chiri' pa ruwach'ulew Efraín. Ri rute' jun malka'n ixoq rubini'an Zerúa. Y ri Jeroboam jun chike ri rusamajela' ri Salomón.

Wuj Kichin ri To'onela' 9:55

Y toq ri ch'aqa' chik israelita xkitz'et chi xken ri Abimélec, xetzolej chikijujunal pa taq kachoch.