2 Sam 20:2 - Kaqchiquel Bible

² Keri' k'a konojel ri israelita xkimalij kan ri David y xkitzeqelibej ri Sebá ruk'ajol ri Bicrí. Jak'a ri aj-Judá xkitzeqelibej ri ki-rey y xkachibilaj-pe k'a pa raqen-ya' Jordán y xe'apon k'a pa Jerusalem.

2 Sam 20:2 ပူးပေါင်းရင်းမြစ်များ

Hechos 11:23

Toq ri Bernabé xapon, xutz'et k'a chi ri Dios kan ruya'on-wi k'a ruq'a' pa ruwi' ri kisamaj ri qach'alal. Roma ri' janila xkikot ránima ri Bernabé, y xubij k'a chike konojel chi kan tikuqer kik'u'x rik'in ri ajaw Jesucristo, y chi kan rik'in ronojel kánima kek'oje' rik'in.

Wuj Richin Etamabel-Tzij 17:14

Kan achi'el jun raqen-ya' ri nijaqatej-el, keri' ri oyowal ri nitz'ukutej-el; más utz yatanimej-el chuwech ri oyowal ri' y mani naju-awi' chupan.

Wuj Richin Bix Chire ri Dios 62:9

Kan qitzij wi, chi ri wineq xa q'axel achi'el ri kaq'iq', Stape' beyom o k'o ta pa meba'il, xa kan maneq rejqalen. Wi ta ye'etex pa jun etabel konojel, kan yek'ulun chi xa man jun kejqalen.

2 Crón 10:17

Jak'a ri aj-Israel ri k'o kachoch pa taq tinamit ri chiri' pa Judá, k'a xq'aton na tzij ri Roboam pa kiwi'.

2 Sam 19:15

Ri David y ri winaqi' xkichop k'a bey richin yetzolin, y xe'apon chuchi' ri raqen-ya' Jordán. Rokik ri' ri winaqi' aj-Judá xe'apon pa tinamit Guilgal richin xbekik'ulu' y nikito' richin nuq'axaj-pe ri raqen-ya'.

2 Sam 20:1

Xk'oje' k'a jun achin ri janila banoy etzelal ri rubini'an Sebá, ruk'ajol ri Bicrí aj-Benjamín. Rija' nuxupuj k'a trompeta y nubila': Roj man jun achike ta niqoyobej chi nuya' ri David chiqe. Man jun niqach'ek chi niqatzeqelibej re ruk'ajol kan ri Isaí. Qonojel roj israelita qojtzolej pa qachoch, nicha'.

2 Sam 20:3

Y toq xapon ri David pa rachoch chiri' pa Jerusalem, xeroyoj ri lajuj ru-concubina ri e ruya'on kan richin nikichajij ri rachoch. K'ari' xeruya' pa jun chik jay, xerilij y xechajix chiri', jak'a man jun bey chik xk'oje' kik'in. Xa kan xetz'ape' chiri', y xek'oje' achi'el malkani' k'a xeken na el.

2 Sam 20:21

Yin man ja ta ri' ri nuch'obonik. Roma re wawe' xok-pe jun achin rubini'an Sebá ri aj pa rujuyu' ri Efraín. Ri achin ri' yakatajineq chirij ri qa-rey David. Tajacha' k'a pe rija', y yin xkinel-el wawe' chupan re atinamit, xcha'. Y ri ixoq xuya' k'a rutzij chire ri Joab chi ri ruka'n q'ij xtik'aq-pe ri rujolon ri Sebá chire rija' pa ruwi' ri tz'aq.

1 Rey 12:20

Y toq ri ch'aqa' chik tzobaj tinamit Israel xkak'axaj chi ri Jeroboam xtzolin-pe, konojel ri winaqi' xkimol-ki' richin nikiben rey chire pa ruwi' ri ruwach'ulew Israel; y kan xaxe chik k'a ri tzobaj richin ri Judá ri xtzeqeliben richin ri Roboam, ri rijatzul kan ri Salomón.