2 Sam 20:15 - Kaqchiquel Bible

¹⁵ Chirij ri' xe'apon ri Joab y konojel ri achi'a' ri e beneq rik'in. Xkisutij k'a rij ri tz'aq richin ri tinamit. K'ari' xkiben-q'anej jun palibel richin yejote' pa ruwi' ri tz'aq richin ye'ok-qa chupan ri tinamit. Chuqa' kan janila xesamej richin nikitzeq ri tz'aq.

2 Sam 20:15 ပူးပေါင်းရင်းမြစ်များ

2 Rey 19:32

Roma ri' yin kere' ri ninbij chirij ri Senaquerib: Rija' man xtitikir ta xtok chupan ri tinamit Jerusalem; ni ta jun ko'ol raqen ch'ab xtuk'eq ta pe. Man jun k'a xtoqaqa naqaj rukusan-pe rutobal richin oyowal, ni man jun nuben ta q'anej jun tz'aq ri nukusaj richin nuto-ri'.

Wuj Richin ri Jeremías 32:24

Wakami k'a ri aj-Babilonia xkimontonij-q'anej ulew chirij ri tz'aq richin nikichop chi oyowal ri tinamit, Roma ri labal, ri wayjal y ri nima-yabil, re tinamit re' xtijach-el pa kiq'a' rije'. Ri xabij rat Jehová, kan jare' ri nibanatej wakami.

San Lucas 19:43

Roma ri' xke'iwil k'a q'ij richin q'axo'n, q'ij toq ri aj-labal xkebeyakatej-pe chiwij, y xtikisutij rij ri itinamit rik'in jun chik tz'aq, y xkixkiya' pa tijoj-poqonal, roma pa kinik'ajal xkixk'oje-wi kan.

Ez 4:2

Y naben chire chi nasutij-rij chi tz'aq rik'in ulew. Chuqa' naben-q'anej jun bey pa jotol ri nusutij-rij chijun ri ruwachibel ri tinamit. Xtaben chuqa' kiwachibel aj-labal ri nikisutij-rij ri tinamit y xtiq'alajin ri tinamit chi ya'on pa nik'aj koma ri e etzelanel richin.

Wuj Richin ri Jeremías 33:4

Roma kere' ninbij yin Jehová: Jujun chike ri jay richin re tinamit re' y ri jay kichin ri e rey kan xewulex richin nitz'apex ri tz'aq richin man ye'ok ta apo ri aj-Babilonia.

Wuj Richin ri Jeremías 6:6

Yin Jehová ri k'o ronojel uchuq'a' pa nuq'a' ninya' ri rutzijol re' chike ri e etzelanel iwichin: Tichoyo' che' chunaqaj ri Jerusalem y tibana-q'anej q'a'n chirij richin yixok-qa rik'in ri tinamit ri', roma kan nojineq rik'in etzelal.

Wuj Richin ri Isaías 37:33

Roma ri' yin Jehová kere' ninbij pa ruwi' ri rey richin Asiria: Rija' man xtok ta chupan re tinamit re'. Man jun ch'ab xtuk'eq-pe. Man xtipe ta ruk'amon ta pe jun tobel, ni man nikimontonij ta el ulew chirij ri tz'aq richin yetikir ye'ok-apo chupan ri tinamit.

2 Rey 15:29

Toq k'a niq'aton na tzij ri Pécah pa ruwi' ri Israel, jari' toq xpe ri Pul rey richin Asiria, y xeruch'ek ri tinamit Iión, ri Abel-bet-maacá, ri Janóah, ri Quedes, ri Hasor, ri Galaad, ri Galilea y chijun ri ruruwach'ulew ri Neftalí. Y ri winaqi' ri ek'o chiri' kan xeruk'uaj-el pan Asiria.

1 Rey 15:20

Y ri Ben-hadad xjunamatej-ruwech rik'in ri rey Asá, y xeruteq-el ri achi'a' ri e aj-raqen pa kiwi' ri aj-labal, richin xbekibana' oyowal kik'in ri aj-Israel. Y keri' xkich'ek ri tinamit Iión, ri Dan, ri Abel-bet-maacá, ri ruwach'ulew Quinéret y chuqa' chijun ruwach'ulew richin ri Neftalí.

2 Sam 20:14

Jak'a ri Sebá xq'axilan k'a el kik'in konojel tzobaj ri ek'o pa xaman, jak'a xa kan xaxe ri e aj pa rachoch ri xetzeqeliben richin. Keri' xe'apon k'a pa tinamit Abel-bet-maacá.

Wuj Richin ri Molojri'il 9:14

Roma k'o k'a jun ko'ol tinamit y kan juba' ok winaqi' ek'o chupan.Y k'o k'a jun nimalej rey xpe richin niben oyowal rik'in, y kan xusutij-rij richin xekiya' pa ruk'ayewal.