2 Sam 20:12 - Kaqchiquel Bible

¹² Ri Amasá k'a nubolqotila' na ri' chupan ri rukik'el pa nik'aj bey. Y konojel k'a ri yeq'ax, yepa'e' na chiri' richin nikitzu'. Ri achin ri' xutz'et k'a chi konojel xa yepa'e-qa toq nikitz'et, y roma ri' xrelesaj-el chiri' pa bey y xberuya' kan pa jun ulew, y xuya' kan jun tzieq pa ruwi'.

2 Sam 20:12 ပူးပေါင်းရင်းမြစ်များ

Wuj Richin Bix Chire ri Dios 9:16

Ri Jehová kan xuk'ut k'a ri' chi rija' pa ruchojmilal niq'aton-wi-tzij; jak'a ri e banoy taq etzelal xa xetzaq chupan ri pikbel ri kibanon rije'.

Wuj Richin Bix Chire ri Dios 55:23

Nu-Dios yin, rat xtaben chi ri winaqi' ri nikiben itzel taq banobel xkeken chi'anin. Xtaben k'a chi ri winaqi' ri kan xaxe ri kamik nikajo' nikiben y e q'olonel, man xkek'ase' ta k'a k'iy juna'. Jak'a yin kan awik'in rat ninkuquba' nuk'u'x jantape'.

2 Sam 17:25

Pa ruk'exel ri Joab, ri Absalón xuya' kan ri Amasá aj-raqen pa kiwi' ri aj-labal. Ri Amasá ruk'ajol kan jun ismaelita rubini'an Itrá. Y ri rute' ja ri Abigail ri rumi'al ri Nahas, y rach'alal ri Seruiá ri rute' ri Joab.

2 Sam 2:23

Jak'a ri Asael kan man xrajo' ta chi xtane' chi roqotaxik ri Abner. Y roma ri' ri Abner xpa'e' y xupiskolij ri rukum richin man xukusaj ta ri rutza'n. Man rik'in chi man ch'ut ta rutza'n, ri kamisabel ri' xok chupan ri Asael y xq'ax k'a ri juk'an chik chire ri ruch'akul. Y chiri' xken-wi kan. Y konojel k'a ri yeq'ax-el chiri' yepa'e-qa y nikitzu' ri Asael ri xa kamineq chik.

2 Sam 20:11

Y jun k'a chike ri achi'a' ri beneq rik'in ri Joab xpa'e' chunaqaj ri ruch'akul ri Amasá y xubij: Achike k'a ri najowan ri Joab y ri David, tibe k'a chirij ri Joab, xcha'.

2 Sam 20:13

Y toq xujech'ej yan kan, xe'ik'o konojel richin xebe chirij ri Joab richin nikitzeqelibej ri Sebá.