2 Sam 20:1 - Kaqchiquel Bible

¹ Xk'oje' k'a jun achin ri janila banoy etzelal ri rubini'an Sebá, ruk'ajol ri Bicrí aj-Benjamín. Rija' nuxupuj k'a trompeta y nubila': Roj man jun achike ta niqoyobej chi nuya' ri David chiqe. Man jun niqach'ek chi niqatzeqelibej re ruk'ajol kan ri Isaí. Qonojel roj israelita qojtzolej pa qachoch, nicha'.

2 Sam 20:1 ပူးပေါင်းရင်းမြစ်များ

Wuj Richin ri Rutikeribel 46:21

Y ri e ralk'ual ri Benjamín, je ri Bela, ri Béquer, ri Asbel, ri Guerá, ri Naamán, ri Ehi, ri Ros, ri Mupim, ri Hupim y ri Ard.

2 Sam 15:10

K'ari' ri Absalón pan ewel xeruteq uk'uey rutzijol kik'in konojel ri winaqi' israelita richin xbekibij chi toq xtikak'axaj chi xtiq'ajan ri trompeta, jari' toq xtikibij chi ja rija' ri rey, y ja rija' ri niq'aton-tzij pan Hebrón.

2 Sam 16:11

K'ari' ri David xubij chire ri Abisai y chike konojel ri e tata'al: Wi ri nuk'ajol ri walk'ualan, nrajo' nrelesaj nuk'aslen, ¡K'a ta la' chik k'a jun chike ri rijatzul kan ri Benjamín! Tiya' k'a q'ij chire richin nroyoj itzel pa nuwi', roma rik'in juba' kan ja ri Jehová biyon chire.

2 Sam 16:7

Rokik nuk'aqala' abej, ri Simí kere' k'a nubij chire ri David: Katel-el wawe' rat ri at banoy etzelal y at kamisanel.

2 Sam 18:17

Y xbekiqasaj k'a pe ri ruch'akul ri Absalón, y xkitorij pa jun jul. K'ari' xkik'aqala' abej chirij richin xkiben-q'anej jun tzobaj abej pa ruwi'. Y konojel ri ruwinaq ri Absalón xa xe'animej, y xebe chi taq kachoch.

2 Sam 20:2

Keri' k'a konojel ri israelita xkimalij kan ri David y xkitzeqelibej ri Sebá ruk'ajol ri Bicrí. Jak'a ri aj-Judá xkitzeqelibej ri ki-rey y xkachibilaj-pe k'a pa raqen-ya' Jordán y xe'apon k'a pa Jerusalem.

2 Sam 20:22

K'ari' ri ixoq rik'in na'oj xch'on rik'in ri tinamit richin nikiben rik'in ri Sebá ri nik'atzin. Y rije' xkitzak'ij k'a ri rujolon ri Sebá ruk'ajol ri Bicrí, y xkik'eq-pe chire ri Joab. Roma ri' ri Joab xuxupuj ri trompeta richin xkiya' kan ri tinamit. Chirij ri' xebe pa taq kachoch. Y ri Joab xtzolin pa Jerusalem rik'in ri David.

2 Sam 23:6

Jak'a ri itzel taq winaqi' xa xkek'uq-el achi'el ri k'ix. Man rik'in ta k'a q'abaj xkek'uq-wi-el.

1 Rey 12:16

Toq ri winaqi' ri e richin Israel xkitz'et chi ri rey man nrajo' ta yerak'axaj, jari' toq rije' xkibij chire: Roj xa oj man jun rik'in ri David, ni man jun xtiqichinaj rik'in rija' ri xa ruk'ajol ri Isaí. Roj ri aj-Israel, jo' pa taq qachoch y ri David kan tutzu' k'a pa ruwi' ri rachoch xecha'. Y keri', konojel k'a ri aj-Israel xetzolin chi taq kachoch.

1 Rey 21:10

Y ke'iya-apo chuwech ri Nabot e ka'i' achi'a' e banoy taq etzelal richin chi nikibij chi rija' xch'on itzel chirij ri Dios, y chirij ri rey. Chirij ri' tiwelesaj-el ri Nabot, y k'ari' tik'aqa' chi abej richin niken, xcha-el chupan ri wuj.

2 Crón 10:16

Toq ri winaqi' ri e richin Israel xkitz'et chi ri rey man nrajo' ta yerak'axaj, jari' toq rije' xkibij chire: Roj xa oj man jun rik'in ri ánima David, ni man jun xqichinaj rik'in rija' ri xa ruk'ajol kan ri Isaí. Roj ri aj-Israel, jo' pa taq qachoch, y ri e aj pa rachoch kan ri David kan tikitzu' k'a pa ruwi' ri kachoch, xecha'. Y keri' konojel ri aj-Israel xetzolin chi taq kachoch.

2 Crón 10:6

K'ari' ri rey xeruk'ulubej k'a ri achi'a' ri k'o kina'oj ri xek'oje' rik'in ri rutata' toq rija' k'a k'es na, y xuk'utuj chike chi achike ta jun na'oj nikiya' chire pa ruwi' ri k'utunik ri xkiben ri winaqi' chire.

Wuj Richin Bix Chire ri Dios 17:13

¡Jehová, kayakatej! ¡tapaba-awi' chikiwech! Rik'in ri akamisabal kinakolo' chikiwech ri e banoy taq etzelal.

Wuj Richin Bix Chire ri Dios 34:19

Ri choj kik'aslen kan k'iy-wi q'axo'n ri nikiq'axaj. Jak'a ri Jehová kan yerelesaj k'a chupan ronojel re'.

Wuj Richin Etamabel-Tzij 25:8

Rat, man jun bey taben chi kan junanin nabebana' ch'a'oj chirij jun wineq, roma wi k'o jun chik wineq ri napon richin k'o niberuq'alajirisaj chawij rat, k'ari' man nawil ta chik ri achike naben pa ruq'a' y xa yak'ixbilan chik chuwech.

Wuj Richin Etamabel-Tzij 26:21

Toq nik'atzin racheq-q'aq' nukusex carbón, y toq nik'atzin ruxaq q'aq' nukusex si'; keri' ri wineq ri k'iy ch'abel ye'el pa ruchi' richin nutzuk-q'anej royowal.

Marcos 3:24

Wi ta jun ajawaren nuch'er-ri', ri ajawaren ri' man xtiyaloj ta.

San Lucas 19:14

Jak'a toq k'o chik k'a chupan ri ruwach'ulew ri k'o chi napon-wi richin niban-pe rey chire, ek'o k'a achi'a' ri e beneq pa kibi' konojel ri ruwinaq ri xe'apon k'a akuchi k'o-wi rija'. Y re achi'a' re' xbekibij: Roj man niqajo' ta chi re achin re' nuq'et-tzij pa qawi', xecha'.

San Lucas 19:27

Wakami, ninwajo' chi ye'ik'en-pe ri xe'ajowan chi man ta xinok kan rey. Y k'a ja re chinuwech yin ke'ikamisala-wi, xcha' ri rey. Keri' xubij ri Jesús.

San Juan 13:8

Jak'a ri Pedro xubij: Man xtinya' ta q'ij chi xtach'ej re waqen, xcha'. K'ari' ri Jesús xubij: Wi man ninch'ej ta ri awaqen, man at nutijoxel ta chik, xcha'.

Deut 13:13

chi ek'o achi'a' ri maneq Dios chikiwech xebek'ulun-pe, y yekitaqchi'ij ri winaqi' richin ri tinamit richin nikiya' kiq'ij ch'aqa' chik dios ri man e qitzij ta y man iwetaman ta kiwech.

Wuj Kichin ri To'onela' 19:22

Y toq janila yekikot ek'o chiri', jari' toq e k'iy achi'a' richin ri tinamit ri' xkisutij-rij ri jay, y nikitarila-apo ri ruchi' ri jay y xech'on apo chire ri ti achin y xkibij: Tawelesaj-pe ri achin ri xok apo pan awachoch, richin yojk'oje' rik'in, xecha'. Keri' xkibij roma re achi'a' re' kan e banoy etzelal.

Wuj Kichin ri To'onela' 3:27

Y xaxe toq xapon, xutaqala' rubixik chi kexupux ri uk'a'; y ri achi'a' israelita ri ek'o chuwi' taq juyu' richin ri Efraín, xkimol k'a ki' rik'in, y konojel kan jari' xebeqaqa-pe, y ja rija' ri beneq chikiwech.

Wuj Richin ri Rut 2:3

Ri Rut xbe k'a richin nibepich'olin. Y toq xapon pa jun ulew akuchi niq'at-wi cebada, xuchop nipich'olin chiri' kik'in ri yesamej; y ri akuchi xbepich'olin-wi, xa richin ajk'a ri Booz, ri rach'alal kan ri ánima Elimélec.

1 Sam 13:2

jari' toq xerucha' e 3,000 aj-labal chikikojol ri ruwinaq. Y e 2,000 achi'a' xek'oje' rik'in rija' chiri' pa Micmás, chiri' pa juyu' Betel. Y ri Saúl k'o k'a jun ruk'ajol rubini'an Jonatán, y ri ch'aqa' chik aj-labal xek'oje' kan rik'in rija' chiri' pa Guibeá. Y ri ch'aqa' chik achi'a' xeruteq-el pa taq kachoch.

1 Sam 2:12

Jak'a ri Hofní y ri Finees, kan e itzel taq achi'a', y man nikiya' ta rejqalen ri Jehová y roma ri' man xeniman ta chire.

1 Sam 30:22

K'ari' xech'on-apo ri jujun itzel taq achi'a' ri e beneq rik'in y xkibij: Roma k'a man xebe ta chiqij, man xtiqaya' ta chike ri xqakol-pe chuwi-kiq'a' ri e etzelanel qichin. Xaxe k'a tiya-el chike ri kixjayilal, y ri kalk'ual; kekik'uaj-el y kebe, xecha'.