2 Sam 2:8 - Kaqchiquel Bible

⁸ Y k'o k'a jun achin rubini'an Abner ruk'ajol ri Ner, y ri Abner aj-raqen pa kiwi' ri aj-labal ri xek'oje' rik'in ri Saúl. Rija' xberuk'ama-pe ri Is-bóset ruk'ajol kan ri Saúl, y xuk'uaj-el chupan ri tinamit Mahanaim.

2 Sam 2:8 ပူးပေါင်းရင်းမြစ်များ

1 Sam 14:50

Y ri rixjayil ri Saúl rubini'an Ahinóam rumi'al kan ri Ahimaas. Y ri aj-raqen pa kiwi' ri aj-labal rubini'an Abner ruk'ajol kan ri Ner, ruch'utitata' ri Saúl.

Wuj Richin ri Rutikeribel 32:2

Y toq rija' xerutz'et xubij k'a qa pa ránima: Re' jere' ri e banoy oyowal, ri e richin ri Dios, xcha-qa. Y roma ri' ri chiri' ri akuchi xeruk'ul-wi xubij Mahanaim chire, y re' nel chi tzij ri ka'i' tzobaj ri xkik'ul-ki'.

1 Crón 9:39

Ri Ner xralk'ualaj ri Cis, ri Cis xralk'ualaj ri Saúl, ri Saúl xeralk'ualaj ri Jonatán, ri Malquisúa, ri Abinadab y ri Es-baal.

1 Crón 8:33

Ri Ner xralk'ualaj ri Cis, re Cis re' xralk'ualaj ri Saúl, re Saúl re' xeralk'ualaj ri Jonatán, ri Malquisúa, ri Abinadab y ri Es-baal.

1 Sam 26:14

Y rija' xsik'in k'a apo chike ri aj-labal y chire ri Abner y xubij: Abner, tak'uluba' k'a pe ri nuch'abel, xcha'. Y ri Abner xubij: ¿At achike k'a rat richin yasik'in-pe chirij ri rey?, xcha'.

1 Sam 17:55

Y ri Saúl toq xutz'et chi ri David xberubana' oyowal rik'in ri Goliat, xuk'utuj chire ri Abner aj-raqen pa kiwi' ri aj-labal chi achoq k'ajol ri ala' ri'. Y ri Abner xubij chire ri rey chi man retaman ta ruwech.

Wuj Richin ri Josúe 21:38

Ri tzobaj richin ri Gad xujech kan ri tinamit Mahanaim, Hesbón, Jazer y ri Ramot richin ri Galaad. Y ri Ramot ri' tinamit richin tobel kichin ri winaqi' ri chaq k'ate' nikiben jun kamik. Re' e kaji' tinamit rik'in ri kisoq'olbal.

2 Sam 2:7

Wakami k'a titija' iq'ij y kixok achi'a' ri maneq xibinri'il chiwech. Stape' ri Saúl ri qa-rey xa xken, jak'a re wakami ri winaqi' aj-Judá xkiqasaj aceite pa nuwi' yin richin xkiben rey chuwe, xcha-el ri David.

2 Sam 2:29

Chirij ri' ri Abner y ri aj-labal aj-Israel xetzolin, y xebe chupan ri taq'aj bey ri niq'ax chuchi' ri raqen-ya' Jordán, y chijun k'a ri aq'a' ri' xebiyin. Y chirij ri' xkiq'axaj-apo ri raqen-ya', y xe'apon pa ruwach'ulew Bitrón y k'ari' xeq'ax-el pa Mahanaim.

2 Sam 3:6

Rokik najin ri labal chikikojol ri ka'i' tzobaj, ri Abner kan más k'a xk'oje-el ruchuq'a'.

2 Sam 17:24

Chirij ri' ri David xel-el chuchi' ri raqen-ya' y xapon pa tinamit Mahanaim. Ri Absalón chuqa' xuq'axaj ri raqen-ya' Jordán kik'in ri ruwinaq ri e richin oyowal.

1 Crón 12:29

Chupan ri tzobaj ri Benjamín, ri junan kijatzul rik'in ri Saúl, xe'apon e 3,000 achi'a'. E k'iy chike rije' kan xkiben achi'el ri nibix chike roma ri Saúl toq k'a k'es na.

Wuj Richin ri Rutikeribel 32:3

Y ri Jacob jari' toq xuben chi yeruteq k'a el uk'uey rutzijol pa Seir, ri k'o pa ruwach'ulew Edom richin tibekiya' rutzijol chire ri Esaú.

2 Sam 3:38

K'ari' ri David xch'on kik'in ri e aj-raqen ri ek'o chiri' y xubij chike: Rix xitz'et chi wakami xken jun chike ri tata'al, jun achin ri nim ruq'ij chupan re qaruwach'ulew Israel.

1 Crón 12:30

Chupan ri tzobaj richin kan ri Efraín xe'apon e 20,800 aj-labal ri maneq xibinri'il chikiwech; y rije' kan janila eleneq kitzijol chi kan e jebel chupan ri kitzobaj.