2 Sam 2:7 - Kaqchiquel Bible

⁷ Wakami k'a titija' iq'ij y kixok achi'a' ri maneq xibinri'il chiwech. Stape' ri Saúl ri qa-rey xa xken, jak'a re wakami ri winaqi' aj-Judá xkiqasaj aceite pa nuwi' yin richin xkiben rey chuwe, xcha-el ri David.

2 Sam 2:7 ပူးပေါင်းရင်းမြစ်များ

Wuj Richin ri Rutikeribel 15:1

Toq xbanatej yan ronojel re' ri Jehová xch'on rik'in ri Abram pa jun achi'el achik' y xubij chire: Man taxibij-awi' Abram, xa man jun xtak'uluwachij roma kan ja yin ri xkito'on awichin y ronojel ri xtaben k'o nim rajel ruk'exel xtak'ul, xcha' ri Dios.

2 Sam 10:12

Y xubij chik ri Joab: Man qojmayamo-qa; xa kan tiqatija' qaq'ij, koma ri qawinaq ri chuqa' e ruwinaq ri Dios. Y ja rija' xtibin ri achike ruk'amon chi niqaben, xcha'.

2 Sam 2:6

Rix kan janila xkixajowex roma ri Jehová, y kan man jun bey xkixrumalij kan. Y yin chuqa' kan keri' k'a xtinben iwik'in rix roma ri nimalej utzil ri xiben.

2 Sam 2:8

Y k'o k'a jun achin rubini'an Abner ruk'ajol ri Ner, y ri Abner aj-raqen pa kiwi' ri aj-labal ri xek'oje' rik'in ri Saúl. Rija' xberuk'ama-pe ri Is-bóset ruk'ajol kan ri Saúl, y xuk'uaj-el chupan ri tinamit Mahanaim.

2 Sam 5:3

Chuqa' xepe k'a konojel ri aj-raqen richin ri Israel rik'in ri David pan Hebrón. Y ri David xujikiba' k'a rutzij chuwech ri Jehová y chikiwech rije'. Y xkiqasaj k'a aceite pa ruwi' richin xok kan rey richin chijun Israel.

2 Rey 11:12

K'ari' ri Joiadá xrelesaj-pe ri Joás, y xuya' ri ru-corona y chuqa' xuya' ri wuj chire ri k'o ri pixa' chupan. K'ari' xuya' aceite pa ruwi' y xuq'alajirisaj chi ri Joás, ja rija' ri rey. Y konojel ri winaqi' xkipaq'apa' kiq'a' y xkibij: ¡Utz ruwa-ruq'ij ri rey, xecha'.

Wuj Richin ri Nehemías 2:18

Jari' toq xinq'alajirisaj chike chi ri qa-Dios kan janila rutzil ruya'on pa nuwi', y keri' chuqa' ri ch'abel ri rubin-pe ri rey Artajerjes chuwe. Y toq rije' xkak'axaj re ch'abel re', jari' toq xkibij chi yeyakatej richin nikipaba-q'anej. Y keri' xkitun ri kuchuq'a' richin xkiben ri samaj ri'.

1 Corintios 16:13

Wach'alal, tichajij k'a ri ik'aslen y chuqa' kan ta kuqul ik'u'x rik'in ri Dios. Man titzolij-iwi' chiwij, xa tik'oje' iwuchuq'a' y kow kixk'oje'.

Efesios 6:10

Y pa ruk'isibel ninbij k'a el chiwe wach'alal, chi kan tikanoj k'a iwuchuq'a' rik'in ri Dios, roma rik'in rija' kan nim wi uchuq'a' k'o.

1 Sam 31:12

konojel k'a ri achi'a' ri maneq xibinri'il chikiwech, xebe y xebiyin chijun aq'a' y xe'ok-apo chupan ri tz'aq richin Bet-sán y xbekik'ama-pe ri ruch'akul ri Saúl y ri kich'akul ri e oxi' ruk'ajol. Toq xe'apon pa Jabés, chiri' xekiporoj-wi.

1 Sam 31:7

Y toq ri ch'aqa' chik israelita ri ek'o juk'an chik chire ri taq'aj, y ri ek'o juk'an chik chire ri raqen-ya' Jordán, xkitz'et chi ri kiwinaq xe'animej, y chi ri Saúl y ri e ruk'ajol xeken kan, rije' chuqa' xe'animej y xkimalij kan ri tinamit ri akuchi ek'o-wi. K'ari' ri aj-Filistea xebek'oje' k'a chiri' chupan ri kitinamit kan rije'.

1 Sam 4:9

Y kan tiqatija' k'a qaq'ij roj richin man yojch'akatej pa kiq'a' rije', richin man yojxime' ta pa samaj kik'in, achi'el toq xexime' rije' qik'in roj. Roma ri' kow k'a qojk'oje' richin niqaben oyowal kik'in, xecha'.