2 Sam 2:6 - Kaqchiquel Bible

⁶ Rix kan janila xkixajowex roma ri Jehová, y kan man jun bey xkixrumalij kan. Y yin chuqa' kan keri' k'a xtinben iwik'in rix roma ri nimalej utzil ri xiben.

2 Sam 2:6 ပူးပေါင်းရင်းမြစ်များ

Wuj Richin Etamabel-Tzij 14:22

Kan qitzij wi chi ri winaqi' ri ruyon itzel taq ch'obonik k'o kik'in, xa e sachineq; jak'a ri k'o utzilej ch'obonik kik'in, kan nikil ri utz y nikil ri sujun chike.

Ex 34:6

Y jari' toq ri Jehová xq'ax k'a el chuwech ri Moisés y xubij: ¡Ja yin Jehová! ¡Jehová jari' ri nubi'! Ri kan in joyowanel y koch'onel y man chi'anin ta k'a nipe woyowal y kan janila nim ri nujoyowanik y kan ninben ri ninbij.

San Mateo 5:44

Jak'a yin ninbij chi kan ke'iwajo' k'a ri ye'etzelan iwichin; tiya' urtisanik pa kiwi' ri ye'etzelan iwichin; utz tibana' kik'in ri xa man utz ta kina'oj iwik'in rix y tik'utuj ri rutzil ri Dios pa kiwi' ri ye'oqotan y ri yeyoq'on iwichin.

San Mateo 5:7

Jebel ruwa-kiq'ij ri kan nikijoyowaj kiwech ch'aqa' chik, roma rije' kan xtijoyowex chuqa' kiwech.

San Mateo 10:16

Wakami yin yixinteq-el, achi'el taq karne'l ri yixbeqaqa chikikojol ri winaqi' ri e achi'el utiwa'. Jak'a rix xa kan kixok k'a nowineq achi'el nuben ri kumetz. Kan man tich'upu ik'u'x. Xa tibana' achi'el jun paloma ri kan man jun etzelal ri k'o ta rik'in.

Wuj Richin Bix Chire ri Dios 57:3

Kan k'a chila' chikaj nateq-pe ri awutzil pa nuwi' y kan yirukol chuwech ri kich'abel ri e etzelanel wichin. Rat kan nateq k'a pe ri ajoyowanik pa nuwi' y kan naben wik'in ri nabij.

2 Sam 15:20

Rat xa k'a juba' katoqaqa wik'in. ¿Xtinben ta k'a chawe richin yabe-kela' yabe-kela' chiqij roj ri xa man qetaman ta akuchi yojbe-wi? Más utz katzolin kan, y ke'ak'uaj kan ri awinaq. Y ri Jehová xtuk'ut chawech ri rajowabal beneq ruwech y man ta xkaruya' kan, xcha'.

2 Sam 10:2

K'ari' ri David xuch'ob chi xtujoyowaj ruwech ri Hanún, achi'el xuben rik'in ri rutata'. Y xeruteq k'a el ka'i-oxi' tata'al richin nibekikuquba' ruk'u'x roma xken ri rutata'. Jak'a toq xe'apon pa kiruwach'ulew ri amonita,

2 Sam 9:7

Y ri David xubij chire: Man naxibij-awi', roma yin kan xtinjoyowaj awech roma ri ajowabel ri xk'oje' chiqakojol rik'in ri atata' Jonatán. Y roma ri' xtintzolij chik k'a chawe ri ulew ri richin kan ri amama'. Y chuqa' kan jantape' xkawa' wik'in yin, xcha'.

2 Sam 9:3

Ri David xuk'utuj chire wi rija' retaman chi wi k'a k'o ta kan jun chire ri rijatzul kan ri Saúl, ri k'a k'es na, richin xtujoyowaj ruwech pa rubi' ri Dios. Y ri Sibá xubij chi k'a k'es kan jun ruk'ajol ri Jonatán. Y ri ruk'ajol ri' e xotoxik chi ka'i' raqen.

2 Sam 2:7

Wakami k'a titija' iq'ij y kixok achi'a' ri maneq xibinri'il chiwech. Stape' ri Saúl ri qa-rey xa xken, jak'a re wakami ri winaqi' aj-Judá xkiqasaj aceite pa nuwi' yin richin xkiben rey chuwe, xcha-el ri David.

Wuj Richin ri Josúe 2:14

Y ri nachanela' xkibij: Roj xtiqaya' qatzij chi kan xtiqakol ri ik'aslen, wi man xqojisujuj ta ri achike roma ojk'o wawe' roj, y toq ri Jehová xtuya' re ruwach'ulew re' chiqe, kan qitzij wi chi xtiqajoyowaj iwech, xecha'.

Wuj Richin ri Rut 1:8

Y jak'a toq kichapon-el bey, ri Noemí xubij chike ri rali': Más utz yixtzolin kan pa taq iwachoch chi'ijujunal. Kixtzolin kik'in ri ite' y ri Jehová xtujoyowaj ta iwech y xkixruto' ta, achi'el ri xiben kik'in ri ánima iwachijil y ri ibanon-pe wik'in yin.