2 Sam 2:32 - Kaqchiquel Bible

³² Chirij ri' ri Joab y ri ruwinaq xkik'uaj-el ri ruch'akul ri Asael richin xbekimuqu' kan pa Belén, ri akuchi muqun-wi ri rutata'. Ri Joab y ri achi'a' ri e beneq rik'in xkichop chik k'a el bey y chijun aq'a' xebiyin. Y k'a ja toq niseqer-pe xe'apon pan Hebrón.

2 Sam 2:32 ပူးပေါင်းရင်းမြစ်များ

Wuj Richin Etamabel-Tzij 22:29

Wi rat awetaman ruwech jun wineq ri kan jebel nisamej pa rusamaj rija', ri wineq ri' kan tikirel chire chi nibesamej kik'in ri e rey, y man kik'in ta xabachike winaqi' nril-wi rusamaj.

2 Crón 21:1

Ri Josafat xken y xmuq pa rutinamit kan ri rey David, y ja ri nabey ruk'ajol rubini'an Joram ri xq'aton kan tzij pa ruk'exel.

2 Crón 16:14

Xkiya' k'a el pa jun ch'at y xkik'is-el pa jalajoj ruwech jubulej taq aq'om, ri kan ja ri etamanel richin jubulej taq aq'om ri banayon. Chirij ri' xbekimuqu' kan chupan ri jul ri rubanon kan rija' ri chiri' pa tinamit richin kan ri rey David, y k'ari' xkiben jun nimalej q'aq' richin xkiya' ruq'ij rija'.

2 Sam 5:1

Xe'apon k'a ri ch'aqa' chik tzobaj richin Israel rik'in ri David pan Hebrón richin yech'on rik'in. Y kere' xkibij chire: Ojk'o wawe' roma junan qakik'el y junan qabaqil-qaboch'il.

1 Sam 17:58

Y xuk'utuj ri Saúl chire chi achoq k'ajol k'a rija'. Y ri David xubij chi rija' ruk'ajol ri Isaí aj-Belén.

Wuj Richin ri Rutikeribel 47:29

Y toq rija' xuna' chi nibeken yan, xuteq k'a royoxik ri José y xubij chire: Wi kan qitzij janila yinawajo', taya-pe la aq'a' chukojol ri wa', wi najoyowaj nuwech y wi kan qitzij ri nabij. Nink'utuj k'a utzil chawe chi man yinamuq ta re wawe' pan Egipto.

Wuj Richin ri Rutikeribel 47:30

Roma ri nurayibel yin chi toq xkiken, yinawelesaj-el re wawe' y yinak'uaj-el richin yinabemuqu' kan kik'in ri nte-nata', xcha'. Y ri José xubij chire: Xtinben k'a achi'el ri nawajo' rat, xcha'.

Wuj Kichin ri To'onela' 8:32

Y xken k'a ri Gedeón toq k'iy chik rujuna' rukochin, y xmuq k'a ri akuchi muqun-wi ri Joás ri rutata'; chiri' pa tinamit Ofrá ri kichin ri rijatzul kan ri Abiézer.

2 Sam 2:31

Jak'a rije' xekikamisaj kan e 360 chike ri aj-labal aj-Benjamín ri ek'o rik'in ri Abner.