2 Sam 2:27 - Kaqchiquel Bible

²⁷ Y ri Joab utz k'a xrak'axaj ri xbix chire y xubij chire ri Abner: Wi man ta xach'on-pe rat re wakami, ri aj-labal ri ek'o wik'in man ta yetane' chi iwoqotaxik rix ri ix qach'alal, xcha'.

2 Sam 2:27 ပူးပေါင်းရင်းမြစ်များ

Wuj Richin Etamabel-Tzij 17:14

Kan achi'el jun raqen-ya' ri nijaqatej-el, keri' ri oyowal ri nitz'ukutej-el; más utz yatanimej-el chuwech ri oyowal ri' y mani naju-awi' chupan.

2 Sam 2:14

Y ri Abner xubij chire ri Joab chi yeyakatej-pe ka'i-oxi' alaboni' richin yech'ayon-ki' chikiwech. Y ri Joab utz xrak'axaj ri xbix chire.

Wuj Richin ri Isaías 47:7

Rix xich'ob chi ri itinamit kan xtik'oje' richin q'asen, achi'el jun reina ri nik'ase' richin jantape'. Jak'a kan man xich'ob ta juba' ri xiben, ni man xoqaqa ta chi'ik'u'x ri nuk'en-pe chiwe.

Wuj Richin Etamabel-Tzij 25:8

Rat, man jun bey taben chi kan junanin nabebana' ch'a'oj chirij jun wineq, roma wi k'o jun chik wineq ri napon richin k'o niberuq'alajirisaj chawij rat, k'ari' man nawil ta chik ri achike naben pa ruq'a' y xa yak'ixbilan chik chuwech.

Wuj Richin Etamabel-Tzij 20:18

Kan tak'utuj k'a ana'oj chike ri winaqi', richin chi ronojel utz ye'el chawech; kan jebel k'a runuk'ik tabana' chire ri ach'obonik, k'ari' tanima-awi' ri pa labal chirij jun tinamit.

Wuj Richin Etamabel-Tzij 15:1

Ri ch'uch'uj taq ch'abel kan nuben chi ri oyowal nik'is-el; jak'a ri poqon taq ch'abel xa nuben chi ri oyowal nibenimer-pe.

Wuj Richin ri Achin Job 27:2

Kan chuwech k'a ri k'aslik Dios ri man nrajo' ta nuq'et-tzij pa nuwi', chuwech ri Dios ri k'o ronojel uchuq'a' pa ruq'a' ri rubanon chuwe chi ink'o pa tijoj-poqonal, ninbij chi

1 Sam 25:26

Ri Jehová xq'aton awichin richin xaben ta kamik, richin ta xaben ruk'exel chike ri xebanon itzel chawe. Kan ja ta k'a ri Jehová xtibanon chi konojel ri e etzelanel awichin y chuqa' ri nikich'ob itzel chawij, xtikik'uluwachij ta achi'el xtiberuk'uluwachij ri Nabal.

2 Sam 2:26

K'ari' ri Abner xsik'in-apo chire ri Joab y xubij chire: ¡Titane' re kamisanik re'! ¿Man awetaman ta k'a chi re' xa xtuk'en-pe jun q'axo'n ri chiqawech-apo? ¿K'a janipe' k'a xtabij chike ri awinaq richin ketane' chi qoqotaxik roj ri oj iwach'alal?, xcha'.

2 Sam 2:28

K'ari' ri Joab xuxupuj ri uk'a' richin xtane' ri oyowal. Y jari' toq konojel ri aj-labal ri ek'o rik'in rija' xetane' chikoqotaxik ri aj-Israel.