2 Sam 2:18 - Kaqchiquel Bible

¹⁸ Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

2 Sam 2:18 ပူးပေါင်းရင်းမြစ်များ

1 Crón 12:8

Chuqa' jujun chike ri e rijatzul ri Gad xkich'er-el-ki' rik'in ri Saúl, y xjunamatej-kiwech rik'in ri David, toq k'a rewan-ri' chupan ri tobel chiri' pa tz'iran ruwach'ulew. Rije' e aj-labal ri maneq xibinri'il chikiwech, kan e tijon jebel y kan kik'ualon k'a kokoj y nima'q taq kitobal. Rije' kan e achi'el koj yewachin, y kan janila ye'anin achi'el ri masat ri pa taq k'echelaj.

Wuj Richin ri Habacuc 3:19

Ri Jehová ri wajaw nuya' wuchuq'a'. Rija' kan nuben k'a chire ri waqen chi kan achi'el kaqen ri masat ri man yekos ta. Y rija' kan yiruto' richin yipa'e' pa kiwi' ri juyu'.

Wuj Richin ri Nimalej Bix 8:14

Junanin ri' wajowanel yin. Katanin achi'el nanin jun masat, ri nropiyaj-pe pa ruwi' taq juyu' ri jebel yejubulin.

Wuj Richin ri Nimalej Bix 2:17

Queri' xqojk'oje' k'a toq xtoqaqa na ri q'ij y ri q'equ'm xa xtik'is-el. Kan kajel k'a pe rat, ri janila yatinwajo'. Tabana' k'a achi'el nitzopiyaj jun masat chikikojol ri juyu'.

Wuj Richin Bix Chire ri Dios 18:33

Kan xuya' wuchuq'a' richin anineq xibiyin chupan ri k'echelaj, achi'el nanin jun masat.

Am 2:14

Stape' janila ye'anin man xkekolotej ta kan chuwech ri ruk'ayewal. Ri k'o janila ruchuq'a' xa man xtik'oje' ta chik uchuq'a' rik'in. Y ri más utz chikikojol ri aj-labal man xtitikir ta xtukol-ri'.

Wuj Richin ri Molojri'il 9:11

Chuwech re ruwach'ulew kan k'o chik k'a ri xinwetamaj: Chi toq niban jun anin, man xaxe ta ri jun ri más anineq nanin ri nich'akon. Chuqa' toq k'o jun labal man xaxe ta ri aj-labal ri kan ik'owineq kuchuq'a' ri xkech'akon; ri nitij q'ij-q'ij man xaxe ta kichin ri achi'a' aj-na'oj; ni ri beyomel man xaxe ta kichin ri etamanela', y chuqa' man ronojel ta ri rutzil xaxe ta kichin ri jebel yech'obon, roma xa qonojel roj niqil ronojel re'.

1 Crón 11:26

Ja aj-labal re' ri janila kuchuq'a' y man jun xibinri'il chikiwech: Ri Azael, rach'alal ri Joab; ri Elhanán, ruk'ajol ri Dodó, aj-Belén;

2 Sam 1:23

Ri Saúl y ri Jonatán kan janila xe'ajowex qoma roj israelita. Rije' kan janila k'a jebel xkik'uaj-ki' toq k'a k'o kik'aslen, chuqa' man jun xch'aron kichin chupan ri kamik. Rije' kan más k'a e anineq chikiwech ri kot, Kan ik'owineq chik ruwi' ri kuchuq'a' chikiwech ri koj.

1 Sam 26:6

Ri David xuk'utuj chire ri Ahimélec hitita y chire ri Abisai rach'alal ri Joab, y xubij: ¿Achike nrajo' nibe chuwij rik'in ri Saúl chiri' akuchi ek'o-wi-qa?, xcha'. Y ri Abisai xubij chi ja rija' nibe chirij.

2 Sam 2:19

Y ri Abner xanimej-el chuwech ri Asael, jak'a xa man xtikir ta xanimej roma ri Asael kan tzeqetel-el chirij.

2 Sam 22:34

Kan xuya' wuchuq'a' richin anineq xibiyin chupan ri k'echelaj, achi'el nanin jun masat.

2 Sam 23:24

Chikikojol ri e juwineq lajuj achi'a' ri maneq xibinri'il chikiwech ek'o: Ri Asael rach'alal ri Joab; ri Elhanán ruk'ajol ri Dodó ri aj-Belén;

1 Rey 2:5

Rat awetaman chik ri xuben ri Joab chuwe ri ral ri Seruiá. Ri richin chi xuben ruk'exel chike ri kamik ri xkiben ri Abner ruk'ajol ri Ner, y ri Amasá ruk'ajol ri Jéter, ri e aj-raqen pa kiwi' ri aj-labal, kan xerukamisaj. Y re' xuben ri Joab stape' k'o uxlanibel-k'u'x. Y roma ri' man xaxe ta k'a rija' xutz'ilobisaj-ri' rik'in kik', xa kan xuben chuqa' chi xel itzel nutzijol.

2 Sam 14:1

Ri Joab ral ri Seruiá, toq xunabej chi ri ránima ri rey David nibison roma ri Absalón,

1 Crón 12:9

Ja kibi' re' pa rucholajen: Ri Éser; ri Abdías; ri Eliab;

1 Crón 27:7

Ri rukaj ik': Ja ri Asael rach'alal ri Joab. Y ri xk'oje' pa ruk'exel rija' ja ri ruk'ajol rubini'an Zebadías.