2 Sam 2:13 - Kaqchiquel Bible

¹³ Y k'o k'a jun achin rubini'an Joab ral ri jun ixoq rubini'an Seruiá. Y rija' xerachibilaj-el ri aj-labal ri ek'o rik'in ri David. Xe'el k'a pe pan Hebrón richin xbekik'ulu-ki' kik'in ri achi'a' e richin ri Israel ri chiri' chuchi' ri yakbel-ya' ri k'o chiri' pa Gabaón. Y ri aj-Judá xetz'uye' k'a re juk'an pe ruchi'. Y ri aj-Israel xetz'uye' ri juk'an chik apo.

2 Sam 2:13 ပူးပေါင်းရင်းမြစ်များ

2 Sam 2:18

Chiri' ek'o k'a ri e oxi' ral ri Seruiá: Ri Joab, ri Abisai y ri Asael. Jak'a ri Asael janila nanin, kan achi'el k'a jun masat ri k'o pa juyu'.

2 Sam 20:23

Ri Joab xk'oje' k'a kan pa kiwi' ri aj-labal richin chijun ri ruwach'ulew. Ri Benaías ruk'ajol ri Joiadá xk'oje' kan pa kiwi' ri e chajinela' richin ri rey.

2 Sam 20:8

Y toq rije' xe'apon chunaqaj ri nimalej abej ri k'o pa Gabaón, jari' toq xbek'ulun-pe ri Amasá chikiwech. Ri Joab ruwiqon-el-ri' rik'in ri rutziaq richin oyowal, y chuqa' rukusan jun ximibel-rupan, y chirij ri' ruya'on-el jun ti ko'ol rukamisabal ri k'o pa ruk'ojelibal. Rokik beneq-apo rik'in ri Amasá, jari' toq xtzaq-el ri kamisabel ri'.

2 Sam 23:24

Chikikojol ri e juwineq lajuj achi'a' ri maneq xibinri'il chikiwech ek'o: Ri Asael rach'alal ri Joab; ri Elhanán ruk'ajol ri Dodó ri aj-Belén;

2 Sam 8:16

Ri Joab ri ral ri Seruiá, ja rija' ri aj-raqen pa kiwi' ri aj-labal. Ri Josafat ruk'ajol ri Ahilud, ja rija' ri tz'ibanel richin ri nibanatej ronojel q'ij.

1 Rey 1:7

Xkiya' k'a chikiwech rik'in ri Joab, jun chike ri ral ri Seruiá ri rana' ri David, y rik'in ri sacerdote Abiatar; y ri e ka'i' ri' kan janila-wi xkito' ri Adonías.

1 Rey 2:5

Rat awetaman chik ri xuben ri Joab chuwe ri ral ri Seruiá. Ri richin chi xuben ruk'exel chike ri kamik ri xkiben ri Abner ruk'ajol ri Ner, y ri Amasá ruk'ajol ri Jéter, ri e aj-raqen pa kiwi' ri aj-labal, kan xerukamisaj. Y re' xuben ri Joab stape' k'o uxlanibel-k'u'x. Y roma ri' man xaxe ta k'a rija' xutz'ilobisaj-ri' rik'in kik', xa kan xuben chuqa' chi xel itzel nutzijol.

1 Crón 11:6

Toq man jani tuch'ek ri tinamit Sión, ri David xubij chike ri e aj-labal israelita: Ri xtich'akon pa nabey chikij ri jebuseo, jari' xtinya' kan aj-raqen pa kiwi' ri ch'aqa' chik aj-labal, xcha'. Y ri nabey ri xch'akon, ja ri Joab ral ri Seruiá. Y ja rija' ri xok kan aj-raqen pa kiwi' ri aj-labal israelita.

1 Crón 2:16

Re achi'a' re' xek'oje' ka'i' kana', ri nabey xubini'aj Seruiá y ri ruka'n xubini'aj Abigail. Ri Seruiá xek'oje' e oxi' ral y ja kibi' re': Ri nabey xubini'aj Abisai; ri ruka'n xubini'aj Joab y ri rox xubini'aj Asael.

1 Crón 27:7

Ri rukaj ik': Ja ri Asael rach'alal ri Joab. Y ri xk'oje' pa ruk'exel rija' ja ri ruk'ajol rubini'an Zebadías.

Wuj Richin ri Jeremías 41:12

Jari' toq rije' xekimol konojel ri achi'a' y xebe richin xbekibana' oyowal rik'in ri Ismael. Y xbekila' chunaqaj ri yakbel-ya' ri k'o pa tinamit Gabaón.

1 Sam 26:6

Ri David xuk'utuj chire ri Ahimélec hitita y chire ri Abisai rach'alal ri Joab, y xubij: ¿Achike nrajo' nibe chuwij rik'in ri Saúl chiri' akuchi ek'o-wi-qa?, xcha'. Y ri Abisai xubij chi ja rija' nibe chirij.