2 Sam 2:12 - Kaqchiquel Bible

¹² Y ri Abner chiri' pa Mahanaim xel-wi-el richin xbe pan oyowal k'a pa tinamit Gabaón. Y rija' e rachibilan k'a el ri aj-labal ri e richin ri Is-bóset.

2 Sam 2:12 ပူးပေါင်းရင်းမြစ်များ

Wuj Richin ri Josúe 18:25

Y chuqa' xkichinaj ri tinamit: Gabaón, Ramá, Beerot,

Wuj Richin ri Josúe 10:4

Kixanpe y kinito' richin nibeqabana' oyowal kik'in ri aj-Gabaón, roma rije' xa xjunamatej-kiwech kik'in ri Josué y ri e ruwinaq, xcha'.

Wuj Richin ri Josúe 10:2

Jari' toq janila k'a xuk'en rukiy, roma chikikojol konojel tinamit ri k'o ru-rey, ja ri tinamit Gabaón ri más nim chikiwech ri ch'aqa' chik tinamit; y chuqa' roma ri Gabaón kan más nim chuwech ri tinamit Ai; y chuqa' roma ri aj-labal ri ek'o chiri' kan maneq xibinri'il chikiwech.

Wuj Richin ri Josúe 9:3

Jak'a ri winaqi' ri ek'o pa tinamit Gabaón, toq xkak'axaj ri xkiben ri Josué y ri achi'a' chike ri aj-Jericó y ri aj-Ai,

2 Sam 17:14

Ri Absalón y konojel ri israelita kan utz k'a xkak'axaj ri rupixabanik ri Husai arquita chuwech ri rupixabanik ri Ahitófel. Kere' xbanatej roma ri Jehová kan rubin chik chi ri rupixabanik ri Ahitófel xa xtiyojtej, richin chi xtiqaqa ri ruk'ayewal pa ruwi' ri Absalón.

Wuj Richin ri Josúe 10:12

Chupan k'a ri q'ij ri' ri Jehová xerujech ri amorreo pa kiq'a' ri israelita. Jari' toq ri Josué xch'on rik'in ri Jehová chikiwech ri ruwinaq, y xubij: Rat q'ij, kapa'e' pa ruwi' ri tinamit Gabaón y rat ik', kapa'e' pa ruwi' ri taq'aj kojol juyu' richin Aialón.

Wuj Richin ri Rutikeribel 32:2

Y toq rija' xerutz'et xubij k'a qa pa ránima: Re' jere' ri e banoy oyowal, ri e richin ri Dios, xcha-qa. Y roma ri' ri chiri' ri akuchi xeruk'ul-wi xubij Mahanaim chire, y re' nel chi tzij ri ka'i' tzobaj ri xkik'ul-ki'.

1 Sam 17:9

Wi rija' xtitikir xtuben oyowal wik'in, y xkirukamisaj, roj kan xqojok isamajela' rix. Jak'a wi ja yin xkich'akon chirij y xtinkamisaj, ja rix xkixok qasamajela' roj, y xqojiwilij.

2 Sam 2:8

Y k'o k'a jun achin rubini'an Abner ruk'ajol ri Ner, y ri Abner aj-raqen pa kiwi' ri aj-labal ri xek'oje' rik'in ri Saúl. Rija' xberuk'ama-pe ri Is-bóset ruk'ajol kan ri Saúl, y xuk'uaj-el chupan ri tinamit Mahanaim.