2 Sam 19:9 - Kaqchiquel Bible

⁹ Chirij re' ri ch'aqa' chik israelita xa nikibila' k'a chikiwech: Ri David xojrelesaj pa kiq'a' ri e etzelanel qichin y xojrukol pa kiq'a' ri aj-Filistea; jak'a xa k'o chi animajineq-el pa qaruwach'ulew roma ri Absalón.

2 Sam 19:9 ပူးပေါင်းရင်းမြစ်များ

2 Sam 15:14

K'ari' ri David xubij chike konojel ri e tata'al ri k'a ek'o rik'in: Qojyakatej y qojanimej, roma man xqojtikir ta xtiqakol-qi' chuwech ri Absalón. Wi man xqojanimej ta, man xqojkolotej ta, y ri Absalón kan xtuben k'a janila chi kamik. Jo' chi'anin richin man yojruq'i' ta y yojruk'is roj y konojel ri winaqi' richin re tinamit, xcha'.

2 Sam 18:17

Y xbekiqasaj k'a pe ri ruch'akul ri Absalón, y xkitorij pa jun jul. K'ari' xkik'aqala' abej chirij richin xkiben-q'anej jun tzobaj abej pa ruwi'. Y konojel ri ruwinaq ri Absalón xa xe'animej, y xebe chi taq kachoch.

2 Sam 19:10

Man rik'in ri', ri Absalón ri xqaben chire chi xok qa-rey, xa xken kan pan oyowal. Wakami k'a ¿Achike roma man niqaben chire ri rey David chi nitzolej chik pe qik'in?, xecha'.

2 Sam 19:40

Ri rey xapon k'a pa Guilgal rachibilan-el ri Quimham, y chuqa' konojel ri aj-labal aj-Judá, y ri nik'aj chike ri aj-labal kichin ri ek'o pa xaman chire ri Israel.

2 Sam 22:44

Ri Jehová kan xirukol k'a chuwech ri koyowal ri winaqi' ri man nikitzeqelibej ta rija'. y kan xuben chuwe richin xinok aj-raqen, pa kiwi'. Y re wakami xuben chike ri winaqi' ri man wetaman ta kiwech chi yinkisamajij.

2 Sam 5:20

Y ri David kan xyakatej k'a el chikij, y xeruch'ek k'a. Y rija' xubij k'a: Ri Jehová kan xerumes k'a el ri ye'etzelan wichin achi'el nuben jun nimalej raqen-ya' ri nuqirirej-el ronojel, xcha'. Y roma ri' chiri' xubini'aj Baal-perasim.*f4*

Wuj Richin Bix Chire ri Dios 18:43

Ri Jehová kan xirukol k'a chuwech ri koyowal ri winaqi' ri man nikitzeqelibej ta rija', kan xuben chuwe richin xinok aj-raqen pa kiwi'. Y re wakami xuben chike ri winaqi' ri man wetaman ta kiwech chi xinkisamajij.

Ex 32:24

Roma ri' yin xinbij chike: Wi k'o q'anapueq iwik'in, tik'ama-pe; xicha' chike. Y rije' kan xkik'en k'a pe. Y yin xinya' pa q'aq' ri q'anapueq ri' y jari' toq xbek'ulun-pe re jun nima-alaj achij wákix re', xcha' ri Aarón.

1 Sam 17:50

Y keri' ri David xuch'ek ri Goliat rik'in ri ti abej ri xuk'eq rik'in ri ikeq', y xukamisaj stape' man jun espada ruk'uan.

1 Sam 18:25

Y ri Saúl xubij chik: Kere' tibebij chire ri David: Ri rey man nrajo' ta jun sipanik. Rija' nrajo' wok'al rutz'umal ri rutza'n ri kikowil ri aj-Filistea, richin nuben ruk'exel chike ri e etzelanel richin, kixcha' chire, xcha' ri rey. Ri ruch'obonik ri Saúl chi ri David nitzaq ta kan pa kiq'a' ri aj-Filistea.

1 Sam 19:5

Y chuqa' kan xuya' ri ruk'aslen pa kamik toq xukamisaj ri Goliat. Ri Jehová xuya' kolotajik pa ruwi' ri qaruwach'ulew Israel. Rat xatz'et ri', y kan janila xakikot rik'in. ¿Achike k'a roma wakami nawajo' nakamisaj y xa maneq rumak rubanon chawech?, xcha' ri Jonatán chire ri rutata'.