2 Sam 19:8 - Kaqchiquel Bible

⁸ K'ari' xyakatej-el ri rey y xbetz'uye' chuchi' ri tinamit. Y xya'ox k'a rutzijol chupan chijun ri tinamit Mahanaim chi ri rey tz'uyul chiri'. Y chijun k'a tinamit xe'apon rik'in ri rey. Rokik ri', ri e ruwinaq kan ri Absalón xa xe'animajlan-el y xebe chi taq kachoch.

2 Sam 19:8 ပူးပေါင်းရင်းမြစ်များ

2 Sam 18:24

Rokik ri' ri David tz'uyul chuchi' ri tinamit, y k'o jun tz'etonel ri k'o-q'anej pa ruwi' ri tz'aq. Re tz'etonel re' xutz'et k'a chi k'o jun achin peteneq junanin.

2 Sam 18:4

Y ri David kan xuben achi'el ri xbix chire. K'ari' xk'oje' k'a chunaqaj ri akuchi niban-wi oken chire ri okibel richin ri tinamit, rokik ri aj-labal ye'el-el pa taq tzobaj richin yebe pan oyowal.

2 Rey 14:12

Y ri ruwach'ulew Judá xch'akatej roma ri ruwach'ulew Israel, y roma ri' chikijujunal ri aj-Judá xkitaluj-el-ki' pa taq kachoch.

1 Rey 22:36

Jari' toq xel k'a rutzijol chiri' akuchi ek'o-wi-qa ri aj-labal aj-Israel, chi chikijujunal ketzolej pa taq kitinamit y pa taq kachoch.

2 Sam 19:3

Roma ri' ri achi'a' ri', toq xe'ok-apo pa tinamit, xa yek'ixbilan y pan ewel xe'ok-apo, achi'el nikiben ri ye'animej-pe pan oyowal.

2 Sam 18:17

Y xbekiqasaj k'a pe ri ruch'akul ri Absalón, y xkitorij pa jun jul. K'ari' xkik'aqala' abej chirij richin xkiben-q'anej jun tzobaj abej pa ruwi'. Y konojel ri ruwinaq ri Absalón xa xe'animej, y xebe chi taq kachoch.

2 Sam 15:2

Y rija' ronojel k'a q'ij nimaq'a' yan niyakatej, y nik'oje' chuxikin ri bey ri nok-apo pa tinamit Jerusalem. Y nuk'utuj k'a chike ri winaqi' ri yeq'ax wi ye'apon rik'in ri rey richin jun ch'ojikil, o richin nuq'et-tzij pa kiwi'. Y nuk'utuj k'a chike akuchi kepe-wi. Y wi nubij chi chupan jun chike ri tzobaj richin ri Israel ri k'o pa xaman,

1 Sam 4:10

Xkiben k'a oyowal ri aj-Filistea y kan xekich'ek k'a ri israelita. Toq xech'akatej, chikijujunal xe'animej y xebe pa taq kachoch. Kan janila e k'iy ri aj-labal ri xeken, ri kajlabal e 30,000.

2 Rey 8:21

Roma ri' ri Joram xeruk'uaj-el ri ru-carruaje ri e richin oyowal, y xbe pa tinamit Saír, ri k'o pan Edom. Jak'a ri aj-Edom xa xbekisutij-kij, y roma ri' ri Joram y ri achi'a' ri e uk'uayon ri carruaje xeyakatej chaq'a' chikij ri aj-Edom, y xa xe'animej*f3* y xebe pa taq kachoch.