2 Sam 19:43 - Kaqchiquel Bible

⁴³ K'ari' ri israelita ri ek'o pa xaman xkibij chike ri aj-Judá: Roj qak'uan-qi' lajuj tzobaj, y roma ri' lajuj mul más k'o qaq'a' chire ri rey chiwech rix. ¿Y achike roma rix niben chiqe chi maneq qejqalen? Pa ruwi' ri' kan ja roj ri xojbin chi titzolej-pe ri qa-rey, xecha'. Jak'a ri aj-Judá kan más poqon taq ch'abel ri xekibij chike.

2 Sam 19:43 ပူးပေါင်းရင်းမြစ်များ

Gálatas 5:20

nikiyala' kiq'ij dios ri xa man e qitzij ta; nikiben itz; ye'etzelan-ki'; yebanon oyowal; itzel nikina' chike ri ch'aqa' chik roma utz ek'o; chi'anin ye'oyower; nikajo' chi xaxe ta rije' k'o utz nikik'en kan chire ronojel; nikijachala-ki' roma ri kich'obonik; niqa' chikiwech ri tijonik ri xa man e qitzij ta;

2 Sam 5:1

Xe'apon k'a ri ch'aqa' chik tzobaj richin Israel rik'in ri David pan Hebrón richin yech'on rik'in. Y kere' xkibij chire: Ojk'o wawe' roma junan qakik'el y junan qabaqil-qaboch'il.

Santiago 1:20

Roma toq rix iwoyowal man yixtikir ta niben ri nrajo' ri Dios chi niben.

Filipenses 2:3

Ronojel ri niben, man tiben richin ninimirisaj-iwi' o richin chi xaxe chi utz yixk'ulun. Xa tiqasaj-iwi', y tibana' chi ja ri ch'aqa' más kiq'ij chiwech rix.

Gálatas 5:26

Man k'a tiqanimirisaj-qi'; man tiqaben k'a chike ri ch'aqa' chik chi yeyakatej-pe chiqij, y man tich'upun qak'u'x chiqakojol-qa roj.

Gálatas 5:15

Man tisokola-iwi' chiwech rix, roma wi keri' xtiben, xa xkixbek'is k'a chi'iwonojel.

Romanos 12:21

Man tiya' q'ij chi yixch'akatej roma ri itzel ri niban chiwe. Rix ja ri utz ri tibana', y jare' ri xtich'akon chirij ri itzel.

Wuj Richin Etamabel-Tzij 18:19

Wi kan k'o itzel ri abanon chire ri awach'alal, kan man xkatok ta rik'in, roma xa nukowirisaj-ri' achi'el jun tinamit ri k'o tz'aq chirij; y ri man junan ta awech rik'in ri awach'alal, xa kan achi'el ri nawajo' ta yatok-apo pa jun jay ri k'o k'arak'ik ch'ich' chuchi'.

Wuj Richin Etamabel-Tzij 17:14

Kan achi'el jun raqen-ya' ri nijaqatej-el, keri' ri oyowal ri nitz'ukutej-el; más utz yatanimej-el chuwech ri oyowal ri' y mani naju-awi' chupan.

Wuj Richin Etamabel-Tzij 15:1

Ri ch'uch'uj taq ch'abel kan nuben chi ri oyowal nik'is-el; jak'a ri poqon taq ch'abel xa nuben chi ri oyowal nibenimer-pe.

Wuj Richin Etamabel-Tzij 13:10

Ri nimirisanenri'il, jari' ri nibanon chi k'o oyowal, jak'a kik'in ri kan nikak'axaj ri pixabanik, kan k'o na'oj.

1 Rey 12:16

Toq ri winaqi' ri e richin Israel xkitz'et chi ri rey man nrajo' ta yerak'axaj, jari' toq rije' xkibij chire: Roj xa oj man jun rik'in ri David, ni man jun xtiqichinaj rik'in rija' ri xa ruk'ajol ri Isaí. Roj ri aj-Israel, jo' pa taq qachoch y ri David kan tutzu' k'a pa ruwi' ri rachoch xecha'. Y keri', konojel k'a ri aj-Israel xetzolin chi taq kachoch.

2 Sam 20:6

Roma ri' ri David xubij chik el chire ri Abisai: Ri Sebá ruk'ajol ri Bicrí xa kan xtuben más ch'a'oj chiqe ke chuwech ri xuben ri Absalón. Wakami k'a ke'ak'uaj-el ri e chajiy wichin, y ke'atzeqelibej roma rik'in juba' yeril nima'q taq tinamit ri e tz'apen chi tz'aq, y keri' xtuben k'ayew chiqe, xcha'.

2 Sam 20:1

Xk'oje' k'a jun achin ri janila banoy etzelal ri rubini'an Sebá, ruk'ajol ri Bicrí aj-Benjamín. Rija' nuxupuj k'a trompeta y nubila': Roj man jun achike ta niqoyobej chi nuya' ri David chiqe. Man jun niqach'ek chi niqatzeqelibej re ruk'ajol kan ri Isaí. Qonojel roj israelita qojtzolej pa qachoch, nicha'.

2 Sam 19:14

Keri', konojel ri winaqi' aj-Judá xa jun kiwech xkiben y xkiteq rubixik chire ri David chi titzolin-pe y keruk'ama-pe konojel ri ek'o rik'in.

2 Sam 19:9

Chirij re' ri ch'aqa' chik israelita xa nikibila' k'a chikiwech: Ri David xojrelesaj pa kiq'a' ri e etzelanel qichin y xojrukol pa kiq'a' ri aj-Filistea; jak'a xa k'o chi animajineq-el pa qaruwach'ulew roma ri Absalón.

Wuj Kichin ri To'onela' 9:23

ri Dios xuben k'a chi xech'aratej ri Abimélec y ri achi'a' aj-Siquem; y ri achi'a' ri' xeyakatej k'a chirij ri Abimélec.

Wuj Kichin ri To'onela' 8:1

Jak'a ri winaqi' richin Efraín xkibij chire ri Gedeón: ¿Achike k'a roma man xojawoyoj ta toq xabebana' oyowal kik'in ri aj-Madián?, xecha' chire. Y kow k'a xech'on rik'in.