2 Sam 19:4 - Kaqchiquel Bible

⁴ Y ri David xutz'apej rupalej rik'in jun tzieq y nisik'in y nubij: ¡Nuk'ajol Absalón! ¡Absalón nuk'ajol, nuk'ajol!, ncha'.

2 Sam 19:4 ပူးပေါင်းရင်းမြစ်များ

2 Sam 18:33

Y toq ri David xrak'axaj ri', xpe k'a jun nimalej q'axo'n pa ránima. Xjote' k'a el chupan ri jay ri k'o pa ruwi' ri okibel richin ri tinamit. Y rokik jotol-el janila k'a noq' y nubij: ¡Nuk'ajol Absalón, nuk'ajol, nuk'ajol Absalón, k'ate' ta yin xiken pan ak'exel rat nuk'ajol!, xcha'.

2 Sam 15:30

Ri David xuchop chik k'a el bey chuwech ri juyu' richin olivo, y maneq k'a ruxajab beneq. Noq' y ruya'on-el jun tzieq pa rujolon retal richin bis. Y konojel ri winaqi' ri e beneq rik'in chuqa' kiya'on-el tzieq pa kijolon y ye'oq' e beneq.

2 Sam 19:3

Roma ri' ri achi'a' ri', toq xe'ok-apo pa tinamit, xa yek'ixbilan y pan ewel xe'ok-apo, achi'el nikiben ri ye'animej-pe pan oyowal.

2 Sam 19:5

K'ari' ri Joab xapon pa jay ri akuchi k'o-wi ri David y xubij chire: Wakami xe'ak'ixbisaj ri aj-labal ri xkikol ri ak'aslen rat, ri kik'aslen ri ami'al-ak'ajol, ri kik'aslen ri awixjayilal y ri kik'aslen ri a-concubina.

2 Sam 14:1

Ri Joab ral ri Seruiá, toq xunabej chi ri ránima ri rey David nibison roma ri Absalón,