2 Sam 19:39 - Kaqchiquel Bible

³⁹ Y konojel k'a ri e beneq rik'in ri David xkiq'axaj k'a apo ri raqen-ya' Jordán nabey chuwech rija'. Y toq xeq'ax rija' y ri Barzilai, jari' toq xutz'ubaj kan y chuqa' xrurtisaj kan richin xkijech kan ki'. Y ri Barzilai xk'oje' k'a kan, y xtzolin-el pa rachoch.

2 Sam 19:39 ပူးပေါင်းရင်းမြစ်များ

Wuj Richin ri Rutikeribel 31:55

Ri Labán nimaq'a' yan xyakatej y xerutz'ubaj kan ri rumam y ri rumi'al y xuya' kan urtisanik pa kiwi' y k'ari' xtzolin-pe akuchi k'o-wi ri rachoch.

Wuj Richin ri Rut 1:14

Jak'a rije' kan janila ye'oq'. K'ari' ri Orfá xutz'ubaj kan ri rupalej ri ralite' y xtzolin kan kik'in ri ruwinaq; jak'a ri Rut xk'oje' kan rik'in ri ralite'.

Wuj Richin ri Rutikeribel 47:7

Chuqa' ri José xuk'uaj ri rutata' k'a chuwech ri rey y ri Jacob kan xuya' urtisanik pa ruwi' ri rey,

1 Tesalonicenses 5:26

Tiya' rutzil-kiwech konojel ri qach'alal, rik'in jun loq'olej tz'ubanik.

Hechos 20:37

Ri kimolon k'a ki' ri chiri' xe'oq', xkiq'etela' y xkitz'ubaj chuqa' ri Pablo.

San Lucas 2:34

Jari' toq ri Simeón xerurtisaj y xubij chire ri María: Tawak'axaj na pe, re ak'ual re' ya'on-pe roma ri Dios richin chi e k'iy chike ri qawinaq judío xkeyakatej y e k'iy chuqa' ri xketzaq. Rija' kan xya'ox k'a pe richin jun retal richin ri kolotajik, jak'a e k'iy ri xa xtiketzelaj.

1 Rey 19:20

Y ri Eliseo kan jari' xuya' kan ri rusamaj kik'in ri bóyix, y jari' junanin xbe chirij ri Elías, y xubij chi tuya' q'ij chire richin nibech'on kan chike ri rute-rutata', y k'ari' xtutzeqelibej-el. Y ri Elías xubij: Kabiyin k'a, yin man yatinq'et ta, xcha'.

2 Sam 14:33

Ri Joab xapon k'a chuwech ri rey, y xberuya' re rutzijol re' chire. K'ari' ri David xuteq royoxik ri Absalón. Y toq xapon rik'in, xuqasaj-qa ri' pan ulew chuwech. Y ri rey xtz'ubaj k'a rupalej ri Absalón.

2 Sam 13:25

Jak'a ri rey xubij chi man yebe ta konojel richin chi man nikiya' ta pa latz'. Y stape' ri Absalón xutej ruq'ij, ri rey man xrajo' ta xbe. Y xaxe k'a xuya-el urtisanik pa ruwi'.

2 Sam 6:20

Xeri' ri David xbe pa rachoch richin xberuya' urtisanik pa kiwi' konojel ri ek'o chiri'. Y jari' toq xok'ul k'a el roma ri Mical ri rixjayil, y xubij chire ri David: ¿Kan jebel ok ri xaben rat, rey richin Israel chi xach'anaba-awi' chikiwech ri ixoqi' aj-ik'a' kichin ri asamajela'? ¿Kan man xak'ix ta k'a, chi xa xaben achi'el xa ta at jun xabachike achin?, xcha'.

2 Sam 6:18

Toq ri David xk'achoj richin xusuj ri ka'i' sipanik ri', xerurtisaj ri ruwinaq pa rubi' ri Jehová ri k'iytisanel richin ronojel.

1 Sam 24:22

Y ri David kan xuya' k'a rutzij chuwech ri Saúl. Y k'ari' ri Saúl xbe pa rachoch. Jak'a ri David y ri achi'a' xetzolej chik kan chupan ri jul akuchi nikewaj-wi-ki'.

Wuj Richin ri Q'axanri'il 24:25

K'ari' xyakatej-el y xtzolej pa ruruwach'ulew; y chuqa' ri Balac xuchop-el ri rubey y xtzolej-el.

Wuj Richin ri Rutikeribel 47:10

K'ari' ri Jacob xuya' k'a urtisanik pa ruwi' ri rey y xel-pe ri chiri'.

Wuj Richin ri Rutikeribel 45:15

K'ari' xerutz'ubaj konojel ri rach'alal, y toq xeruq'etej, janila xoq'. Chirij re', k'ari' xetikir xech'on ri rach'alal rik'in.

Wuj Richin ri Rutikeribel 28:3

Y ri Dios ri nitikir nuben ronojel, jari' ri xturtisan awichin y xtuben k'a chi xkewinaqir ri awijatzul y koma ri awijatzul kan janila chi tinamit xke'el awik'in.

Wuj Richin ri Rutikeribel 14:19

Y xrurtisaj ri Abram y xubij chire: Nim aq'ij rubanon ri nimalej Dios chawe rat Abram, ri Dios ri kan man jun chik achi'el rija', ri Dios ri xbanon ri kaj y re ruwach'ulew;

2 Sam 19:38

Y ri rey xubij chi nuk'uaj k'a ri Quimham richin nuben rik'in rija' ri niqa' chuwech ri Barzilai. Y xuya' kan rutzij chire chi kan xtuben ronojel ri xtuk'utuj-el chire.