2 Sam 19:35 - Kaqchiquel Bible

³⁵ Yin wakami jumuch' chik nujuna'. Yin man yitikir ta chik ninya' rukojol ri utz y ri man utz ta. Man ninna' ta chik ri ruki'il ri yentej. Chuqa' man yitikir ta chik ninwak'axaj ri bixanela' chi achi'a' chi ixoqi'. ¿Achike ta k'a roma xkinok jun ejqa'n chawe rat nu-rey?

2 Sam 19:35 ပူးပေါင်းရင်းမြစ်များ

2 Sam 15:33

Jak'a ri David xubij chire chi wi rija' xtibe, xa kan jun ejqa'n ri xtuya' chirij.

Wuj Richin ri Esdras 2:65

Y e kachibilan ri kisamajela', chi achi'a' chi ixoqi'; rije' e 7,337. Chuqa' ek'o k'a e 200 bixanela', chi achi'a' chi ixoqi'.

Wuj Richin Bix Chire ri Dios 90:10

Ri qak'aslen chuwech re ruwach'ulew, kan xaxe k'a oxk'al lajuj juna'. Jak'a wi ek'o ri k'o más kuchuq'a', ye'apon k'a pa jumuch' kijuna'. Man rik'in ri', xa kan xaxe q'axo'n y ruk'ayewal ruk'amon-pe Ri qak'aslen xa kan chi'anin k'a niq'ax y xqojbe.

1 Pedro 2:3

Keri' tibana' roma kan iwetaman chik chi ri Dios kan janila utz qik'in.

Hebreos 5:14

Jak'a ri kan e k'iyineq jebel, kan yetikir chik nikitej wey. Roma ri' ketaman chik ri achike ri utz y achike ri man utz ta.

Wuj Richin ri Molojri'il 2:8

Xinch'ek k'a janila chi q'anapueq y saqipueq y ri beyomel ri e kik'amalon-pe ri ch'aqa' chik rey kichin ch'aqa' chik ruwach'ulew. Xek'oje' e k'iy nubixanela' chi achi'a' chi ixoqi'. Y kan xinben ri achike ri rurayibel ránima jun achin: Ri qumuj vino y janipe' chi ixoqi' ri xenwajo'.

Wuj Richin ri Achin Job 12:11

Ri qak'axabal kan richin k'a chi nrak'axaj, y nuya' rukojolil ronojel ruwech ch'abel, kan achi'el ri qaq' nuna' ri ki' y ri k'ey.

Wuj Richin ri Achin Job 6:30

¿K'o kami mak chupan ri nuch'abel ri nubin-qa chiwe? ¿Nich'ob rix chi yin man wetaman ta ri rukojol ri utz y ri itzel?

Wuj Richin ri Nehemías 7:67

Y ri kajlabal ri samajela' chi achi'a' chi ixoqi' e 7,337. Y chuqa' ek'o 245 bixanela' chi achi'a' chi ixoqi'.

2 Sam 13:25

Jak'a ri rey xubij chi man yebe ta konojel richin chi man nikiya' ta pa latz'. Y stape' ri Absalón xutej ruq'ij, ri rey man xrajo' ta xbe. Y xaxe k'a xuya-el urtisanik pa ruwi'.

Ex 12:4

Y wi xa man e k'iy ta ri ek'o chupan jun jay y roma ri' man yetikir ta nikik'is kiyon chijun ri ti chikop, kekoyoj ri kachk'uljay ri ek'o naqaj chike rije' richin chi junan yewa'. Tikajlaj k'a e janipe' rije' y tikich'ara' chikiwech y tikiya' chike chikijujunal ri janipe' ti'ij ri yetikir nikitej.

Ex 2:8

Y ri rumi'al ri rey xubij chi tiberukanoj-pe. Y ri ti xten kan ja ri rute' ri ak'ual xberoyoj-pe.

2 Sam 19:36

Yin xaxe k'a ninwajo' yatinbenjacha' kan la juk'an ruchi' ri raqen-ya'. ¿Achike k'a roma toq rat rey nawajo' naya' re jun nimalej rajel ruk'exel re' chuwe?