2 Sam 19:28 - Kaqchiquel Bible

²⁸ Roma qonojel ri oj aj pa rachoch kan ri numama' kan ruk'amon chi xojakamisaj ta. Man rik'in ri' rat xinawoyoj richin junan yiwa' awik'in pa mesa. ¿Achike ta k'a xtinbij yin chawe rat nu-rey ri k'o chi naben wik'in yin?, xcha'.

2 Sam 19:28 ပူးပေါင်းရင်းမြစ်များ

2 Sam 9:13

Y ri Mefi-bóset chiri' k'a pa Jerusalem xk'oje-wi roma ronojel mul niwa' rik'in ri rey. Y re achin re' chi ka'i' raqen e xotoxik y man nitikir ta nibiyin.

2 Sam 9:10

Jak'a rat, ri awalk'ual y ri asamajela' ri xkixsamajin ronojel re ulew re', y xtayek ronojel ri xtuwachij, richin chi ri e aj pa rachoch rija' k'o kiway. Jak'a rija' xtiwa' ronojel mul wik'in yin, xcha'. Y ri Sibá ek'o e wolajuj ralk'ual y e juwineq rusamajela'.

2 Rey 8:3

Toq xq'ax yan k'a wuqu' juna', xetzolin k'a chupan ri kitinamit, y ri ixoq xbe rik'in ri rey richin xberuk'utuj utzil richin titzolix ri rachoch y ri rulew.

1 Sam 26:16

Re xaben, kan man utz ta. Pa rubi' ri Jehová, ninbij chi rat y ri achi'a' ri e awachibilan-pe kan ruk'amon ta richin yixkamisex, roma kan man ichajin ta ri rey ri iwajaw, ri kan cha'on roma ri Jehová. Wakami, tatz'eta' akuchi k'o-wi ri rukum ri rey y ri k'ojelibel ruya' ri k'o kan chunaqaj ri ruch'akat-ruwi', xcha'.

Wuj Richin ri Rutikeribel 32:10

Yin man ruk'amon ta k'a richin xink'ul ronojel utzil re xaya' chuwe, y kan abanon wik'in ronojel ri qitzij. Toq yin xiq'ax-el pa ruwi' re raqen-ya' Jordán, man jun nuk'uan-el, xaxe re ti nuch'ame'y y wakami xitzolin-pe y e peteneq e ka'i' tzobaj winaqi' wik'in.

2 Sam 19:29

Y ri rey xubij chire: Man nik'atzin ta k'a chi niqabij más ch'abel. Roma wakami ninbij yin chi tich'ara' chiwech rik'in ri Sibá ronojel ri awulew, xcha'.

2 Sam 14:17

Ri xabij wakami kan xuben chuwe richin xkuqer-el nuk'u'x, roma rat rey kan awetaman naya' rukojol ri utz y ri man utz ta achi'el nuben jun ángel richin ri Dios. Ri Jehová ri qa-Dios xkato'on k'a richin naben ri k'atzinel chi naben, xcha' ri ixoq.

2 Sam 14:20

Jak'a ri Joab xuben ronojel re' richin ta nijalatej ri ach'obonik rat. Rat kan at aj-na'oj-wi, kan achi'el ri na'oj ri k'o kik'in ri ángel ri ek'o rik'in ri Dios. Rat kan ronojel k'a awetaman ri achike yebanatej chuwech re ruwach'ulew, xcha'.

2 Sam 15:26

Jak'a wi ri Dios xtubij chuwe chi man yiqa' ta chik chuwech, kan tubana' k'a wik'in ri niqa' chuwech rija'.

2 Sam 16:3

Ri rey xuk'utuj akuchi k'o-wi ri Mefi-bóset. Y ri Sibá xubij chi rija' xa xkanej kan pa Jerusalem, roma xuch'ob chi ri israelita xtikitzolij chire ri ruq'atbal-tzij ri ánima rumama'.