2 Sam 19:27 - Kaqchiquel Bible

²⁷ Man xaxe ta k'a xiruq'ol kan, xa kan xutz'uk chuqa' tzij chuwij chawech rat wajaw. Jak'a rat kan janila na'oj k'o awik'in achi'el jun ángel richin ri Dios. Y roma ri' kan tabana' k'a ri utz nuben chawech rat.

2 Sam 19:27 ပူးပေါင်းရင်းမြစ်များ

2 Sam 14:20

Jak'a ri Joab xuben ronojel re' richin ta nijalatej ri ach'obonik rat. Rat kan at aj-na'oj-wi, kan achi'el ri na'oj ri k'o kik'in ri ángel ri ek'o rik'in ri Dios. Rat kan ronojel k'a awetaman ri achike yebanatej chuwech re ruwach'ulew, xcha'.

2 Sam 14:17

Ri xabij wakami kan xuben chuwe richin xkuqer-el nuk'u'x, roma rat rey kan awetaman naya' rukojol ri utz y ri man utz ta achi'el nuben jun ángel richin ri Dios. Ri Jehová ri qa-Dios xkato'on k'a richin naben ri k'atzinel chi naben, xcha' ri ixoq.

2 Sam 16:3

Ri rey xuk'utuj akuchi k'o-wi ri Mefi-bóset. Y ri Sibá xubij chi rija' xa xkanej kan pa Jerusalem, roma xuch'ob chi ri israelita xtikitzolij chire ri ruq'atbal-tzij ri ánima rumama'.

1 Sam 29:9

Y ri Áquis xubij chire ri David: Yin wetaman chi rat janila at utz, kan at achi'el jun ángel richin ri Dios. Jak'a ri e aj-raqen xkibij chi man yabe ta qik'in pan oyowal.

Wuj Richin ri Jeremías 9:4

Chi'ijujunal k'a tichajij-iwi' chuwech ri iwachibil. Man jun tukuquba' ruk'u'x rik'in ri rach'alal ri junan rukik'el rik'in, roma stape' kan ach'alalri'il xa nitz'ukun-tzij.

Wuj Richin Bix Chire ri Dios 101:5

Yin kan xkenk'is k'a el ri winaqi' ri pan ewel yech'on itzel chikij ri kiwinaq. Man ninkoch' ta yentz'et ri winaqi' ri janila nikinimirisaj-ki'.

Wuj Richin Bix Chire ri Dios 15:3

ri kan man nitz'ukun ta tzij, ni man jun itzel nuben chire ri rachpochel, ri jantape' utz kik'in ri rachk'uljay;

Ex 20:16

Man tiyek tzij chirij jun chik iwinaq.

2 Sam 16:4

K'ari' ri rey xubij chire ri Sibá: Wakami k'a, ronojel ri rulew ri Mefi-bóset xtinwelesaj chire y xtinya' chawe rat, xcha'. K'ari' ri Sibá xubij: Yin ri in asamajel. Kan xtinqasaj k'a wi' chawech, y kan ta beneq ruwech xtinwil utzil awik'in rat, xcha'.

2 Sam 19:17

Rija' e ruk'uan-el e 1,000 achi'a' aj-Benjamín, y chuqa' ri Sibá ri samajel pa rachoch kan ri Saúl, e rachibilan-el e wolajuj ruk'ajol y e juwineq rusamajela'. Xkiq'axaj k'a apo ri raqen-ya' richin xe'apon rik'in ri rey David.

2 Sam 9:3

Ri David xuk'utuj chire wi rija' retaman chi wi k'a k'o ta kan jun chire ri rijatzul kan ri Saúl, ri k'a k'es na, richin xtujoyowaj ruwech pa rubi' ri Dios. Y ri Sibá xubij chi k'a k'es kan jun ruk'ajol ri Jonatán. Y ri ruk'ajol ri' e xotoxik chi ka'i' raqen.

2 Sam 9:13

Y ri Mefi-bóset chiri' k'a pa Jerusalem xk'oje-wi roma ronojel mul niwa' rik'in ri rey. Y re achin re' chi ka'i' raqen e xotoxik y man nitikir ta nibiyin.