2 Sam 19:24 - Kaqchiquel Bible

²⁴ Chuqa' ri Mefi-bóset ri rumam kan ri rey Saúl xbe richin xberuk'ulu' ri David, y kan man atiwineq ta k'a, ni man ruchojmirisan ta ri rusumal-ruchi', ni man jalowineq ta. Kan keri' k'a xuch'ob richin nuben chupan ri q'ij toq xbe ri rey k'a toq xtzolin chik na rik'in uxlanibel-k'u'x.

2 Sam 19:24 ပူးပေါင်းရင်းမြစ်များ

Hebreos 13:3

Y man ke'imestaj ri ek'o pa taq cárcel. Tina' k'a ri q'axo'n pan iwánima, achi'el ta kan ja rix ri ix tz'apen. Y chuqa' man ke'imestaj ri ek'o pa tijoj-poqonal. Xa kan tina' chi achi'el kan ja rix ri ixk'o chupan ri q'axo'n ri'.

Romanos 12:15

Kixkikot kik'in ri yekikot, y kixoq' kik'in ri ye'oq'.

San Mateo 6:16

Toq rix yixmewayin richin yixch'on rik'in ri Dios, man k'a tiben achi'el nikiben ri winaqi' ri ka'i' kipalej; ri kan yebison ri yetzu'un; kan e jalatajineq k'a ri yetzu'un, xaxe richin tiq'alajin chikiwech ri winaqi' chi kan yemewayin. Kan qitzij ninbij chiwe chi ri yebanon keri' xa kan xkik'ul yan k'a ri rajel ruk'exel.

Wuj Richin ri Jeremías 41:5

xe'apon k'a jumuch' achi'a' ri e peteneq pa Siquem, pa Siló y pa Samaria. Y rije' kan kisokan k'a pe ri rusumal-kichi', kikusan-pe tzeretzeq kitziaq y ri kich'akul nojineq chi sokotajik ri ja rije' e banayon-qa; re' retal richin bis. Chuqa' kik'amon-pe jalajoj ruwech ixin y pom richin nikisuj chuwech ri Jehová chiri' pa rachoch pa Jerusalem.

Wuj Richin ri Isaías 15:2

Ri winaqi' aj-Dibón xkejote-el pa ruwi' ri juyu' richin xkebe'oq'. Konojel xkebe chupan ri rachoch ri ki-dios richin xkejiq'ijo'x, toq xkek'is ri tinamit Nebo y ri Medebá. Konojel rije' kan xtikisokaj k'a ri rusumal-kiwi' y ri rusumal-kichi' roma bis.

2 Sam 16:3

Ri rey xuk'utuj akuchi k'o-wi ri Mefi-bóset. Y ri Sibá xubij chi rija' xa xkanej kan pa Jerusalem, roma xuch'ob chi ri israelita xtikitzolij chire ri ruq'atbal-tzij ri ánima rumama'.

2 Sam 15:30

Ri David xuchop chik k'a el bey chuwech ri juyu' richin olivo, y maneq k'a ruxajab beneq. Noq' y ruya'on-el jun tzieq pa rujolon retal richin bis. Y konojel ri winaqi' ri e beneq rik'in chuqa' kiya'on-el tzieq pa kijolon y ye'oq' e beneq.

Ex 19:10

Y k'ari' ri Jehová xubij chik k'a chire ri Moisés: Kabiyin kik'in ri awinaq y tabana' k'a chike chi kan tikijacha-ki' chuwe yin chupan re q'ij re' y ri q'ij chua'q. Chuqa' kan tikich'aja' ri kitziaq.

2 Sam 9:11

Y ri Sibá xubij chire ri David chi kan xtibanatej ronojel achi'el ri xubij. Y ri Mefi-bóset kan xwa' k'a rik'in ri David achi'el jun chike ri ralk'ual.

2 Sam 12:20

K'ari' ri David xyakatej-q'anej pan ulew, xatin, xuyala-el jubulej taq aq'om chirij y xukusaj-el ri rutziaq. K'ari' xbe pa rachoch ri Jehová richin xuya' ruq'ij. Toq xtzolin chirachoch, xuk'utuj ruway y xwa-xuk'ya'.

1 Rey 2:8

Keri' chuqa' ri Simí ruk'ajol ri Guerá y rijatzul kan ri Benjamín aj-Bahurim. Rija' xa xroyoj itzel pa nuwi' ri q'ij toq yin in beneq pa Mahanaim. Chirij ri', xa xiberuk'ulu' chik chuchi' ri raqen-ya' Jordán, y yin xinya' nutzij chire pa rubi' ri Jehová chi man ninkamisaj ta.