2 Sam 19:19 - Kaqchiquel Bible

¹⁹ y xubij chire: Wajaw, tabana' utzil man naben chuwe richin ninwejqalej ri etzelal ri xinben chawe, ni man tik'oje' chi'ak'u'x ri xinben chawe toq rat xatel-pe pa Jerusalem. Tabana' utzil tamestaj ronojel re',

2 Sam 19:19 ပူးပေါင်းရင်းမြစ်များ

1 Sam 22:15

Man k'a jun bey ta re' ri nink'ulubej ri Dios pa ruwi' rija', roma xa kan keri' nubanon-pe. Tabana' jun utzil rat nu-rey, man tach'ob itzel chuwij yin, ni ta chikij ri aj pa rachoch kan ri nata'. Roma yin man jun wetaman chirij ronojel re', xcha' ri Ahimélec.

2 Corintios 5:19

Ri Dios xuben chi qonojel roj winaqi' xjunamatej qawech rik'in roma ri rusamaj ri Cristo, y xojrukuy chire ri qamak. Y chiqe roj xuchilabej chi k'o chi niqaq'alajirisaj re jun utzilej rutzijol re'.

San Mateo 27:4

Rija' xubij kan chike: Yin kan ximakun richin xinjech pan iq'a' ri jun ri xa maneq rumak, xcha' chike. Jak'a rije' xkibij-pe chire: Re' man nik'atzin ta chiqe roj. Ri' amak rat, xecha' chire.

Wuj Richin ri Jeremías 31:34

Kan man jun k'a nik'atzin-wi chi nikik'utula' ta chikiwech richin niketamaj nuwech, roma konojel rije' kan ketaman chik nuwech, nitiker-el rik'in ri más ko'ol y napon-q'anej rik'in k'a ri más nim, roma yin kan xtinkuy ri itzel taq kibanobal y man chik xtoqaqa ta chinuk'u'x ri kimak. Yin Jehová ri yibin.

Wuj Richin ri Isaías 43:25

Ja yin ri yiyojon ronojel ri imak roma xinjikiba' nutzij. Roma ri' kan man xtoqaqa ta chik chinuk'u'x ri imak.

Wuj Richin ri Molojri'il 10:4

Wi ri runa'oj ri q'atoy-tzij man utz ta chik awik'in rat, man tisach ak'u'x, xa taqasaj-awi' y re' nuben chawe chi man naben ta ri man ruk'amon ta.

Wuj Richin Bix Chire ri Dios 79:8

Man tanataj pa qawi' roj ri itzel taq kibanobal ri qati't-qamama'. Tabana' utzil taya-pe chi'anin ri ajoyowanik pa qawi', roma roj kan man niqakoch' ta chik re niqak'owisaj.

Wuj Richin Bix Chire ri Dios 32:2

Jebel ruwa-ruq'ij ri xtibix chire roma ri Jehová chi man jun mak xtrejqalej, roma kan man jun rewan chuwech ri Dios.

2 Sam 13:33

Roma ri' man naya' pan awánima ri nitzijox toq nikibij chi konojel ri awalk'ual xekamisex, roma kan xaxe ri Amnón ri xkamisex kan, xcha'.

2 Sam 13:20

Jari' k'a toq xberuk'ulu-pe ri Absalón, y xutzijoj ronojel chire. Y ri Absalón xubij chire: ¡Wakami wetaman chik chi ja ri Amnón ri xbanon ronojel re' chawe! Man rik'in ri' man k'a katoq', roma xa qach'alal chuqa'. Man taya-awi' pa q'axo'n, xcha'. Stape' keri' xubij ri Absalón, ri Tamar kan janila k'a xbison. Y xbek'oje' kan pa rachoch ri Absalón ri ruxibal.

1 Sam 26:21

K'ari' ri Saúl xubij: In makuwineq chawech rat David ri at achi'el nuk'ajol. Katzolej k'a pe, roma xa man jun chik k'a xtinben chawe, re chiqawech-apo, roma rat kan janila apoqonan ri nuk'aslen. Yin kan man utz ta nubanon awik'in roma kan nubanon achi'el ta jun achin nakanik y kan man utz ta nubanon, xcha' ri Saúl.

1 Sam 25:25

Man tanimaj rutzij ri jun achin ri'; rija' kan banoy etzelal. Roma ri' rija' Nabal ri rubi', nel chi tzij ch'u'j, y man nich'obon ta chi utzil. Yin ri in asamajel man xentz'et ta pe ri alaboni' ri xe'ateq qik'in.

Wuj Richin ri Q'axanri'il 12:11

jari' toq xubij chire ri Moisés: ¡Wajaw yin!, tabana' utzil man taya' rutojbalil pa qawi', roma xa pa qach'ujirik ri xqabij.

2 Sam 19:18

Xeq'ax k'a apo ri akuchi xax rubanon ri raqen-ya' richin xekiq'axaj-pe ri e aj pa rachoch ri rey, y richin nikiben ri achike niqa' chuwech. Toq xe'apon-apo, ri Simí xbexuke' k'a chuwech ri David,