2 Sam 19:1 - Kaqchiquel Bible

¹ Xbeya'ox k'a rutzijol chire ri Joab chi ri David janila nubisoj ri ruk'ajol, y kan janila nroq'ej.

2 Sam 19:1 ပူးပေါင်းရင်းမြစ်များ

2 Sam 18:14

Jari' toq ri Joab xubij: Kela' naben rat la', xcha'. Y xuk'uaj k'a el oxi' ch'ab pa ruq'a', xapon rik'in ri Absalón, ri kan k'a k'es na y tzeqel chire ri che', y xuch'ik ri ch'ab ri' pa ránima ri Absalón.

2 Sam 18:5

Y xuchilabej k'a el chike ri Joab, ri Abisai, y ri Itai, chi roma ri ajowabel ri k'o kik'in chire rija', kan tikijoyowaj ruwech ri Absalón. Y kan konojel k'a ri aj-labal xk'oje-el chikik'u'x ri xubij-el ri rey chike pa ruwi' ri Absalón.

Wuj Richin Etamabel-Tzij 17:25

Ri niya'on q'axo'n pa ránima jun tata'aj, ja ri alk'ualaxel ri man nunimaj ta tzij; y re' nuk'en chuqa' pe jun k'ayilej-k'aslen chire ri te'ej.

2 Sam 18:33

Y toq ri David xrak'axaj ri', xpe k'a jun nimalej q'axo'n pa ránima. Xjote' k'a el chupan ri jay ri k'o pa ruwi' ri okibel richin ri tinamit. Y rokik jotol-el janila k'a noq' y nubij: ¡Nuk'ajol Absalón, nuk'ajol, nuk'ajol Absalón, k'ate' ta yin xiken pan ak'exel rat nuk'ajol!, xcha'.

2 Sam 18:20

Jak'a ri Joab xubij chi man ja ta ri Ahimaas ri xtuk'uan ri rutzijol ri' chire ri rey, roma xa kan ja ri rukamik ri ruk'ajol ri nibebix chire. Y xubij chi k'a jun bey chik na xtibe rija' chuya'ik jun chik rutzijol.

2 Sam 18:12

Jak'a ri achin ri' xa xubij chire ri Joab: Stape' ta rat yinatoj rik'in ka'i' quintal saqipueq, yin kan man xtinjeluj ta nuq'a' chirij ri ruk'ajol ri rey, roma roj xqak'axaj-pe toq rija' xubij-pe chawe rat y chike ri Abisai y ri Itai chi man jun telesan ruk'aslen ri ruk'ajol.

2 Sam 19:2

Chupan ri q'ij ri' ri ch'akonik xa xok bis chike konojel ri aj-labal, roma xkak'axaj chi ri rey kan janila nibison y nroq'ej ri ruk'ajol.

Wuj Richin ri Zacarías 12:10

Xtinben chike ri e aj pa rachoch kan ri David y ri aj-Jerusalem chi xtipe rayinik kik'in richin yech'on wik'in, y xtik'oje' utzil kik'in. Stape' xkiju' jun kum pa nuch'akul, jak'a kan xkinkitzu' chik jun bey. K'ari' xkebison k'a y xke'oq' k'a woma yin, achi'el xa ta niken jun juney ak'ual.

Wuj Richin ri Rutikeribel 37:35

Konojel k'a ri ralk'ual, chi achi'a' chi ixoqi' ye'apon k'a rik'in richin chi nikikuquba' k'a ruk'u'x; jak'a rija' man nik'o ta ri rubis y nubij k'a: Kan qitzij ninbij chi k'a toq xkiken na xtinya' kan re bis re', xcha'. Y kan xroq'ej k'a ri José.