2 Sam 18:9 - Kaqchiquel Bible

⁹ Chupan ri oyowal ri', ri Absalón xberuk'ulu-pe-ri' kik'in jujun chike ri ruwinaq ri David, y rija' ch'okol k'a el chirij jun kowilej-kiej. Y toq ri kowilej kiej ri' xok k'a chuxe' ruq'a' jun paten che', jari' toq ri rusumal-ruwi' ri Absalón xubek' ri' chirij ri ruq'a' ri che' ri'. Y rija' xtzeqe' kan chiri', jak'a ri kowilej-kiej xa yakel xq'ax-el.

2 Sam 18:9 ပူးပေါင်းရင်းမြစ်များ

2 Sam 13:29

Toq xbanatej yan k'a ri rubin ri Absalón chike ri rusamajela' richin xkikamisaj ri Amnón, jari' toq konojel ri e ralk'ual ri rey chi'anin xech'oke-el chirij ri kikowilej taq kiej richin xe'animej.

2 Sam 14:26

Rija', k'a chi juna' k'a nusokaj rusumal-ruwi' roma janila chik ralal. Ri rusumal-ruwi' ri nusokaj-el nipajon jun la'eq wo'o' libra.

2 Sam 17:23

Jak'a toq ri Ahitófel xunabej chi man xban ta ri xubij rija', xuben-el ruchojmil ri rukiej, xch'oke' k'a el chirij y xbe chirachoch pa rutinamit. Xuchojmirisaj k'a kan ronojel y k'ari' xberujitz'aj-ri'. Y keri' xken y xmuq akuchi muqun-wi ri rutata'.

2 Sam 18:10

Y jun chike ri xtz'eton, xberubij chire ri Joab chi ri Absalón tzeqel chuq'a' jun paten che'.

2 Sam 18:14

Jari' toq ri Joab xubij: Kela' naben rat la', xcha'. Y xuk'uaj k'a el oxi' ch'ab pa ruq'a', xapon rik'in ri Absalón, ri kan k'a k'es na y tzeqel chire ri che', y xuch'ik ri ch'ab ri' pa ránima ri Absalón.

2 Sam 18:8

Ri oyowal xuchop k'a chijun ri ruwach'ulew ri'. Y más k'a e k'iy xeken roma ri ruq'a' taq che' ri ek'o chiri' ke chuwech ri xeken chi espada.

Wuj Richin ri Achin Job 31:3

Roma ri wineq ri kan maneq Dios chuwech, kan k'o-wi k'a tijoj-poqonal nuq'axaj, kan nipe-wi ri wululen chirij roma kan itzel-wi ri ruk'aslen.

Wuj Richin Etamabel-Tzij 20:20

Wi jun alk'ualaxel kan nroyoj itzel pa kiwi' ri rute-rutata', re alk'ualaxel re' xa chi'anin yan k'a xtiken-el y xtok pa q'equ'm.

Wuj Richin Etamabel-Tzij 30:17

Ri wineq ri kan nuk'ut rik'in ri runaq' taq ruwech, chi xa nretzelaj ri rutata' y xa man niqa' ta chuwech nunimaj rutzij ri rute'; xa tuk'uex ri pa taq siwan, ri kojol juyu'; ke'elesex ri runaq' taq ruwech koma ri qo'ch y titij ri ruch'akul koma ri alaji' taq kot.

Wuj Richin ri Jeremías 48:44

Wi xkixkolotej pa kiq'a' ri e etzelanel iwichin, xkixbetzaq chupan jun jul. Y wi xkixel-pe chupan ri jul, xkixbetzaq pa pikbel, roma yin kan xtinya' ri rutojbalil pan iwi'. Yin Jehová ri yibin.

San Mateo 27:5

K'ari' rija' xutorij kan ri méro ri chiri' pa rachoch ri Dios, y xel-pe chiri' richin xberujitz'aj-ri'.

Marcos 7:10

Roma ri ch'abel ri e rutz'iban kan ri Moisés, nubij chi tiqaya' kiq'ij qate-qatata'. Y ri nibanon itzel chike rute-rutata', kan tikamisex k'a; keri' ri rubin kan ri Dios.

Gálatas 3:13

Jak'a ri Cristo xojrukol chuwech ri ruk'ayewal ri niqaqa pa qawi' roma man niqataqej ta ri nubij ri pixa'. Kan pa ruwi' rija' xqaqa-wi ri ruk'ayewal ri xa pa qawi' ta roj ruk'amon chi xqaqa-wi, roma ri ruch'abel ri Dios nubij chi kan itzel ruwa-ruq'ij ri wineq ri nitzeqebex chuwech jun che'.*f9*

Deut 21:23

ri ruch'akul man tik'oje' kan chiri' chijun aq'a'. Xa kan timuq kan chupan ri q'ij ri', roma chuwech ri Dios kan itzel ruwa-ruq'ij ri nitzeqebex chuwech jun che' y nik'oje' kan jun aq'a' chiri'. Wi keri' xtiben, kan man xtitz'ilobisaj ta k'a ri ruwach'ulew ri xtuya' ri Jehová ri qa-Dios chiwe, richin niwichinaj.